¹ Zéɖə̀ka kéa ɛ̀gbé tɔ̀ ɛ̀nú kpràkprà amɛ̀ wó lé hútó amɛ̀ gə̀ɖə̀gə̀ɖə̀ ɖə̀kówó kprɔ̀ɛ̀do; i ɖó akrómɛ̀ i jé́ ahú ji i kárɛ̀n dé akróamɛ̀. Amɛ̀a wó lɔ̀ dɔ̀ ahúà tó. ² Ɛkprà ɛ̀nú súgbɔ̀wó tó ɛ̀ló dódómɛ̀n; ɛnyɔ̀n ké i kpráwóà ké. ³ Mísə̀: ɛ̀núdótɔ̀ yi ɛ̀nudógbə́. ⁴ Kə̀ ílé dó ɛ̀núɛ̀n, ɛ̀nukia ɛ̀dowó gə̀ i jɛ̀n ɖə́ ɛ̀mɔ̀njí, í héviwo và í ɖúwó. ⁵ Ɛ̀núkià ə̀də̀wó gé̀ i jɛ̀n ɖə̀ ɛ̀kpé́kúio mɛ̀n, tóhó, tóhó ke ɛ̀kó ŋ súgbɔ̀ léó. wó mí kábá ɖóbé wó y zi də́ ɛ̀úmɛ̀ o. ⁶ Vɔ̀à ké nyidɔn, wófíɔ̀n ɖobé wófíɔ̀n ɖóbé wò ké ŋyiɛ̀to óó. ⁷ Énukú ɛ̀ɖə̀wó gə̀ jé aŋunja mɛ̀ gbé wó mɛ̀. aŋunja gbéàwó ɖɔ tuwó, wó mi vɔa wó ŋ nà ɛ̀kú cɛ̀n cɛ̀n ɖékɛ̀n óó. ⁸ Ɛ̀nukúá ɛ̀ɖə̀wó gə̀ jə̀ anyigbàn nyɔ̀ngbí ji, wó mí i wó cɛ̀n ɛ̀ku sugbɔ̀ lé wó cici mɛ̀, ɛɖéwó sugbɔ̀ də̀ji tóhó hóka, ɛdə̀wó tóhó kové tàkpó ɔ ɛɖə́wó tchó kakitakpó. ⁹ Ì ilé nú bé: "amɛ̀ké si ɛ̀tó sɛ́nú léà, na sɛ́!" ¹⁰ ké í và kpɔtɔ̀ Yesù ɖekà àn, amɛ̀ ké kprɔ̀ɛdóà wó kidé amɛ̀ amə̀ wuivə̀àwó kà ɛnyɔ̀ɛ̀n sé có ɛ̀ló ɖódóà wó ŋu. ¹¹ Ɛ́ ɖóŋu nɛ̀ wó bé, "mia wó yà, wó ɖé mawú ye gàn nyenyé dísà nɛ̀mí. Vɔà amɛ̀ ké lé hihə́ nuwo yàa, ènyɔàn wó nyi ɛ̀ló dódó, bé. ¹² Kidə́ súsú bé nɛ́ wó lé kpɔ̀ ɛnúàn, wà kpɔ̀ ɛ̀nó, wà sé ɛ̀nù, vɔ̀à wó kà sa ɛ̀nu ɖekɛ̀n gɔmɛ̀n ó, nɛ̀n ŋ nyi ɛ̀nɛ̀n àn, wà và dó dèsí ɛ̀nu, aló wà và sénu gɔmɛ̀n, i là và trɔ̀ ɛ̀ji mɛ̀n, i Mawú là và cɔ̀ wó nùvɔ̀wó kə̀wó." ¹³ Yesú kà wo sé bé: "Mi ŋ sé ɛ̀ló dódóá gɔmɛ̀ ó á? nɛ̀ miàn wɔ mɔ̀n itéŋ i sé ɛ̀ló dódó kpɔtia wó mɛ̀? ¹⁴ Ɛnú kú dó tɔ̀a lé Mawú yé ɛ̀nyɔ̀àn dódó ji. ¹⁵ Ɛ́nyɔ̀àn ɛ̀ɖéwó i nyi ɛ̀núvú ke gə̀ i jɛ̀ dé ɛ̀mɔntó, nɛ̀ wó seà, Sàtana vá ɖə́ nɛ̀ ɛ̀nyɔ̀n ke wó séà lé wó tówó mɛ̀ akà àkà. ¹⁶ ɛ̀nyɔ̀àn ɛ̀ɖé wó inyi ɛ̀núkú ké gə̀ i jɛ̀n dé ɛ̀kpékúi nyigbàn ji, wó i nyi ɛnyɔ̀n ké nɛ̀ wó séa, wó hɔnɛ̀n ji sɛ̀ àkààkà kidé jijɔ̀. ¹⁷ Ɛké riri ɖekɛ̀n ŋlé wo yù ó, ɛ́nyɔ̀n hinàn wó i wó sé dénɛ̀n ɛɖɔ̀ wɔwɔ mɛn zààn. Ŋgbé sià nɛ̀ wó jé ayà ɖuɖú mɛ̀ àló hàhàmɛ̀ àn wó ŋgbé cɔ̀ nɛ̀n ɛ̀nyɔà wɔɛ̀dɔ̀ óó. ¹⁸ Ényɔ̀àn dówó i nyi ɛ̀núku ké wó dó dé aŋujawo mɛ̀an. wo sénɛ̀n ɛnyɔán. ¹⁹ Vɔ̀à hihə̀mɛ̀n yé háháwó, késinɔnú wó amɛ̀n brébréwó, kidə́ ɛ̀nùjro amɛ̀n búwó vá zɛ́n nɛ̀ ɛ̀nyɔ̀ àn i na túi ɖó, i ɛ̀nyɔ̀àn nàn gbè ɛ̀kú cɛ̀n cɛ̀n. ²⁰ Sə́ wúnúàn, ɛ̀nyɔ̀án ɛdówó i nyi ɛ̀núkú ké midé anyigbàn nyɔ̀ngbia ji, wó sè nɛ̀n, hɔɛ nɛ̀n i cɛ̀n nɛ̀n ɛ̀kú; ɖəwò ɛ̀gbàn, ɖé́wó kakitakpé, i ɛɖéwo kavétàkpé." ²¹ Yesu lé nunɛ̀n wó bé: " wó tɔ̀nɛ̀n kanɖé i nà se bé dé abàti gɔmɛ̀n aló i nà cɔ̀n ɛ̀nú ji de ɛ̀hɔ̀mɛ̀n àn? Bə́ŋ míàn tɔ̀ɛ̀ i sə̀ də̀ kandə̀ yə́ tí tàmɛ̀n. ²² Ɖóbə́ ɛ̀nu bébé ɖə̀kɛ̀n ŋ nɔ̀n nɛ̀n nyàn nyàn o, kpɔ̀ ɛ̀nu wràwrà ɖə́kɛ̀n ŋnɔ̀n nɛ̀n àmɛ̀ dómɛ̀n ó. ²³ Nɛ̀n ɛ̀tó sè nu le amɛ̀n ɖési àà, nàn séé." ²⁴ "Mi hɛ̀n ayé lè ɛnyɔ̀n ké mi lé sèà ŋú, ɖóbé ɛ́nú jré́nú kə̀ milé sɛ̀ŋ jré ɛ̀núàn yè tútú wàzàn i là sə̀ jré mí, i wà trɔ̀ kàn kpéé nɛ̀n mi, ²⁵ ɖóbé amɛ̀n kèsi ɛ̀nú léá, agbé hɔ̀ kpə̀, i amɛ̀n kési ɛ̀nu ŋléó à, wà trɔ̀ hɔ̀ hɔɛ̀ ɖəka kélé alɔ̀mɛ̀n nɛ̀n àn." Yesu nú nɛ̀n wo ɛ̀nɛ̀n. ²⁶ Í í núbé: "jiƒó fiɔ̀ ɖúhóà wɔɖə̀ sìgbə̀ bé amɛ̀n kə̀lé dó yé ɛ̀núkú də̀ anyigbàn mɛ̀n ɛ̀nɛ̀n. ²⁷ Ɛ̀zàn mɛ̀n àdàn àrɔ̀n inàn nyɔ̀n bé ɛ́ŋkéké mɛ̀n, ɛ́núkú dódóà nàn mí i nàn cí kə̀ ŋnyàn nɛ̀n nɛ̀ i wɔ mɔ̀anó. ²⁸ Anyigbán ŋtà cɛ̀n nɛ̀n ɛ́kú lé ɖə̀kia simɛ̀n: ɛ̀tɔnɛnji có ɛ̀núkúà yè tiji, ɛ̀nú kə̀ mɛ̀n ɛ̀núkúà yè tiji, ɛ̀nú kə́ mɛ̀n ɛ̀núkúà yè tiji, ɛ̀nú kə́ mɛ̀n ɛ̀núkúá là bédéà nà kpɔ̀ɛ̀ dó àtiàjí. ²⁹ Nɛ̀n ɛ̀núkúà bíà à, ɛ́ cɔ̀ nɛ̀n ɛ́nú kə̀ aséŋ hɛ̀à ɛ́nú hàhà gamɛ̀n sún." ³⁰ Í i núbé: "ɛnú kéyi miàn tèŋ asə̀ jré sɔ̀ kiɔ́ jiƒó fiɔ ɖúhóà aló ɛ̀lo dódó kə̀ yi míɛn zàn i là sə̀ ɖə̀ yé gɔ̀mɛ̀n? ³¹ Ɛ̀wɔ̀ ɖè sigbé ɛwàkú ɛ̀nɛ̀n, kə̀ nɛ̀n wó dóà, ɛ̀nyi ɛ̀núkú dódó kə̀ hoéwú lə̀ ɛ̀núkú dódówó mɛ̀n lə̀ anyígbàn jí. ³² Vɔ̀à nɛ̀n wó dóə́ í ímíɛ̀n, cínɛ̀n i nàn ganŋgàn wú lé atí dódówó mɛ̀n í nàn zɛ̀n alɔ̀ kéké wó i jiƒó héviwó nàn và wɔ̀ wó tɔ̀nwó də̀ yé fàfà gɔ̀mɛ̀n." ³³ Ɛ̀nyɔ̀n gə̀ɖə̀ gə̀ɖə̀ sigbé ílà ɛ̀nɛ̀n án, ɛ̀ hónú nɛ̀n wó nɛ̀n wóà tɛéŋ sə̀ yé gɔ̀mɛ̀n, ³⁴ vɔà ŋ gbémàn lé dó ɛ̀ló nɛ̀n wó óó. Nɛn ivà kpɔ̀tɔ́ yé ɖə̀kə̀n kidə̀ yé də̀kprɔviwó à, ɛ̀ɖə̀nɛ̀n ɛ̀lóà wó gɔ̀mɛ̀n nɛ̀n wó. ³⁵ Gbónà kəé ɛ̀wə̀ trɔ̀à, ɛ́nú nɛ̀n wó bé: "mívà nɛ̀n miàn yi àgó hinán ji" ³⁶ Hɔ̀ntɔ̀n àn wócɔ̀ gbə̀ amɛ̀n gə̀ɖə̀gə̀ɖə̀ kə̀ bɔɖə̀wó ɖè í yi kidə̀ Yesú, ɖóbé yà kànrɛ̀n də̀ tɔ̀ji húnàn mɛ̀n ɖə̀ vɔ̀. Amɛ̀nwó lə̀ ɛ̀tɔ̀ji hùn búwó mɛn ɖə̀ lə̀nàn. ³⁷ Azɔ̀xɔtə̀ sɛ̀nŋ də̀kà tɔ̀ hóhó i tɔjí xun kidə̀ axú cí vɔ̀. ³⁸ Vɔ̀à Yesu ŋtà dɛ̀n arɔ̀n də̀ ɛ̀kɔ̀ɖónú ji ɖə̀ lə̀ tɔji xun yé ŋgbé. Wó nyɔ̀ɛn i lé nú bé: "ɛnú kpràtɔ̀, ŋ lé wɔ̀ ɛnuɖə̀ nɛ̀n ɛ̀wó bé mí bé ɛkù mɔ̀nji ɖə̀à?" ³⁹ Kə̀ i nyɔ̀n lé arɔ̀n mɛ̀n àn, ə̀ xonú nɛ̀n ayàà i nú nɛ̀n axu bé: "ɖótó! gbɔ̀n" i i nɔ̀nté, i ɛ̀ɖa ɖó tɛ̀ŋ. ⁴⁰ Í i nú nɛ̀n wó bé: "ɛnú kə̀ yi jɔ̀ i vɔ̀nvɔ̀n lə̀ ji mí? J́i xɔsé ŋlé mià si hɔ̀dóà?" ⁴¹ Ɛ̀ kpacà wó súgbɔ̀ í wó lé nunɛ̀n wó ɖə̀kiwó bé: " mɛn í nyi amə̀ là màn? Ayà kidə́ Axú cà lə̀ ɖó ɛ̀tóə́ə́."