¹ Ŋkeke ɗowo vayi, Yesu gbe trɔva, Kapernaum la, amǝwo se be egbɔva axo. ² Amǝbɔ́ keke toho ŋgbele xɔxɔanu o, í Yesu ɗe gbefan enyɔa nǝwo. ³ Amǝ amǝnǝ cɔ sekunɔn ɗeka va nǝ Yesu. ⁴ Ke amǝ sugbɔ ɗɛ enǝa, wɔ ŋteŋ kpɔ emɔ í cɔɛ va gbɔ o, ca gbenatɔ wo vɛ tɔn exɔ kenǝ Yesu lea, ye tamǝ, i ɗiɗi amǝa kide eba kéjí í mrɛn deɗɛa va xɔamǝ brɛwu. ⁵ Ke Yesu kpɔ amǝawó xɔsé a, enu nǝ sekunɔn a be: "Evinye, wocɔ tɔ nuvɔnwo kewo!" ⁶ Wemakpratɔ ɗeka wo le na í leka wo ɗekiwo se le susu mǝ be " ⁷ nu ke ijɔ í amǝ ila le xonu enǝma? Busunyɔn inyi ŋna í inu. Meke í la teŋ cɔ enuvɔnwɔ ke amǝ? ŋnyi Mawu ɗekɛn i a?" ⁸ Ke Yesu nya be wole keɗi le woɗekiwo mǝ a, ebiɔwo se be: " Nu ke ijɔ í mi le kedi le mia ɗekiwo mǝ?" ⁹ Enyɔawo ké yé nunu í vaɗi wu kó? í wocɔ tɔ nuvɔnwo kewó, alo í co, ŋrɔn tɔ ba, í nazɔn azɔnrin ¹⁰ Ca gbe nǝ mianya be ŋusin le agbetɔvi a si le xixeamǝ be ateŋu cɔ enuvɔnwo ke jroa, enu nǝ sekunɔ a be. ¹¹ " ŋle nu nǝ wo be co, ŋrɔn tɔ ba no na yi axomǝ !" ¹² Sekunɔ a co jete zeɗeeka, í ŋrɔn yeba, í zon ɗeɗo le wo se wo ŋkuvimǝ enu kpaca amǝsiamǝ, í wokafu Mawu í nu be,"Gbeɗe! Miŋkpɔ enu ila mɔnki kpɔ a". ¹³ Yesu gbeyi ahuta, amǝawo see bɔva gbɔ, í ikpra enu wo. ¹⁴ Ke wo co le na ízɔn ɗeɗo a , ekpɔ levi, Alfeo ye vi, i ile yɔ afiho, Yesu nu nɛ be kprɔŋdo";, icɔ kprɔɛdo ¹⁵ Le kina ye ŋgbea, wo kpe Yesu kide ye nukpraviwo yi enu ɗugbe le Levi ye xomǝ. Afihojɔtɔwo kidé amǝ bulɔmǝwo ɗu nua kide wo. ¹⁶ Ke Farisitɔwo sekpratɔwo kpɔ enǝa, wo ka ye nukpraviwo se be: " nǝ ya wɔmɔn i le ɗu nu kide amǝ maɗota ŋnawo ma?" ¹⁷ Ke Yesu se enyɔa, eɗoŋú nǝ wo be " Amǝ ke nyɔɗɛa wo ŋhian amcutɔ o. Vɔa dɔnɔwo i hiaɛ. nye ŋva be ma yɔ amǝ nyɔŋgbin wo o, enuvɔn wotɔwo yɔ gbe í ŋva." ¹⁸ Yohanes ye nukprsviwo kide Farisitɔwo branǝ nú. Amǝwo va ka Yesu se be" nuke í jɔ í amǝ ŋna wo bra nǝ nu í tɔwówo ŋbranɛ o?" ¹⁹ Yesu nu nǝ wo be:Amǝ kele de nyɔrun ye xrɔ wo ateŋu branu ne í lewogbɔ ɗɛa? Nǝ ile wo gbɔ ɗɛ ya, wo ŋka teŋ branu o. ²⁰ Gamǝ lɛ gbɔnɔn, í wa cɔ nyɔ run ɗetɔa jií le wo mǝ.Gana mǝdoa, wo abra nu. ²¹ Amǝɗe ŋcɔnǝ avɔn xoxo kide yeye ca, í tɔn nǝo, nǝ iwɔ enǝa, agrin, wu dɛca tɔa. ²² Amǝɗe ŋkunǝ aha yeye de jɔlɔ xoxo mǝ o egoa la wó, í aha ca, jɔlɔ a ca wo agban jɔlɔ yeye mǝ í aha yeye nɔnɔn. ²³ Le gbɔngbɔn gbe a, Yesu to molu bomǝ va yikɔ, ye nukpraviawo tɔ molu a coco. ²⁴ Farisitɔwo le ka sebe: Nu ke í jɔ í wolewɔ enuke ese ŋdemɔ be wawɔ le gbɔngbɔn gbea o? ²⁵ Yesu ɗo ŋu nǝ wo be: " Mi ŋ hrɛn enu ke David wɔ ke ido tetekpɔ mǝ, í fufe le ye kide eviawo a kpɔa?" ²⁶ Eyi Mawu ye xɔamǝ le abiatar, le Mawu yemǝ gaŋgan ye gamǝ, í vɛ ɗu vɔsa kpɔnɔn, ke woŋɗemɔ be amǝ gbale naɗu o a, í cɔ ɗewo nǝ amǝke kprɔɛdo awo, mi ŋhɛn kpɔa? ²⁷ Eyi ji inu nǝ wo be:" cagbe amǝgbetɔ í wodo gbɔngbɔngbe, ŋnyi cagbe gbɔngbɔngbe ta í wowɔ amǝgbetɔ o, ²⁸ Cagbe nǝ amǝgbetɔvia na kpɔ ŋusɛn de gbɔngbɔn gbea jí"