¹ Mawu yé nyɔ kaka yé gɔ́ mǝ có Mawu yé ví yésu christo jí. ² Có ǝnú kǝ̀ Mawu yé nyɔnútɔ́ ÉsaÏe, lǝ núbǝ̀ tiŋ̀ mǝ dɔdɔ ɖǝka yikɔ̀ í ka vɛ lǝ jra ǝmɔn jí do nǝ wo. ³ Mawu yé mǝ dɔ́dɔ̀ yé gbǝ̀ mǝ í mi lǝ sǝ̀ lǝ zogbǝjí : i lǝ nu nǝ mi bǝ̀ Mian jra ǝmɔn ké ji Axotɔ ka tó . ⁴ Lǝ zogbǝ̀a ji Jean lǝ kaka Mawu nyɔ dan í ́lǝ nu nǝ wó bǝ̀ amǝsiamǝ nán dó nǝ wo a nyrɔ̀n wó dǝ̀ wò nuvɔnɛn wó ta. ⁵ Judée kidǝ̀ Jérusalem wo dukɔ wó séé dó va Jean gbɔ i vá hun wó nuvɔnɛn gɔ̀n mǝ nǝ íi kprɔ wó sǝ yi Jourdain yé tɔ̀ a mǝ í vɛ ɛ nyrɔ̀n wó. ⁶ Gbɔxó Jean nan yi ǝ du ŋ naan wó mǝ an ǝdo áwú ɖǝ̀ ka kǝ wó cɔ̀ kpósɔ yé yúú í ́ sǝ̀ tɔn kidǝ̀ ayúu yé kpabanú le arinka : Lǝ yé dɔ̀ wɔ̀ wɔ̀ wò mǝ an, tomtoni kidǝ̀ ǝ̀nyin cí i nyin ǝnu dudu nǝ. ⁷ Lǝ yé nyɔ kaka wó mǝ ǝ̀lǝ nú nǝ wó bǝ̀ a , amǝ ɖǝ̀ka gbɔ̀ nɔ̀n kǝ̀ sǝnŋ wu un kǝ nyǝ ke cɔ̀ ɖǝ̀kinyǝ ísǝ́ sawǝ̀ dǝ un o kǝkǝ i sǝ̀ yǝ̀ yé nu dódó wó ji o. ⁸ Nyǝ ŋ nyrɔ mi lǝ ci mǝ, vɔa ǝ̀yá kà nyrɔ̀n mi lǝ gbɔn gbɔn kɔ kɔ̀ mǝ. ⁹ Lǝ gaxoxo ŋ nan mǝ an, yésu gbɔ́ có Nazareth lǝ̀ Galilée duamǝ , í Jean nyrɔnɛn le Jourdan tɔ̀ a mǝ. ¹⁰ Yé dodo lǝ ci a mǝ an ǝ kpɔ̀ jiŋ kui hú i gbɔngbɔn ɖi có ji i vá jǝji sigbǝ aluŋ kuku nǝ. ¹¹ Ǝgbǝ̀ ɖiɖi ɖǝ̀kà cò jiŋkui í lǝ nu bǝ̀ ǝwò ì nyin ǝvinyǝ rɔnrɔn tɔ̀ à í ŋ cɔ̀ ɖǝki nyǝ blibo nyǝ wo. ¹² Lǝ ǝ nyɔ an yé vɔxó a, gbɔngbɔn an cɔ̀ ɛ í i bu lǝ wo mǝ i vɛ ɛ kpɔ ɖekia lǝ zogbǝji. ¹³ Le zogbǝ ji á á ǝ wɔ ŋ kǝ kǝ hoka lǝ rangan wó dómǝ. satana vá lǝ̀ tǝ̀ǝ̀ kpɔ̀ vɔa ŋ tǝ̀ kpǝ̀ ji o. Mawu yé nyǝn dɔ̀tɔ̀ wó í cɔ̀ nǝ ǝnu ɖuɖu vá nǝ. ¹⁴ Yésu va í Galilée í vɛ lǝ̀ kakà ̀ Mawu ǝ nyɔ kǝ wò lǝ̀ Jean jrɔ a. ¹⁵ Yésu lǝ̀ nù bǝ̀: Mawu yé Fiɔ ɖùxò yé ga xo. Mi hun mi an nuvɔnɛn wó gɔ̀ mǝ nǝ mian sǝ̀ nyɔ nyɔnɛn kǝ vá. ¹⁶ Kǝ̀ i lǝ tó Galilée yé xu á tó́ á, ǝkpɔ̀ Simon kidǝ. André i wó lǝ da ǝɖɔ. ¹⁷ Yésu ɖo wó gbɔ̀ í lǝ nu nǝ bǝ mi kprɔŋ dó mi ŋká gbǝ nyin ǝhuǝ̀ lǝ tɔ̀ wo, vɔa amǝgbetɔ lǝ̀ tɔ̀ wò ì mi an nyin. ¹⁸ Kǝ̀kǝ̀ yésu nan xonu vɛ áá wo gbǝ̀ ǝdɔ a wó ɖɛ́ i kprɔɛ do. ¹⁹ Lǝ wó mɔ̀n zɔnzɔn mǝ án lǝ ahua tó á ǝ kpɔ̀ yakubu, kǝ lǝ nyin zébédée ví, kidǝ̀ Jean kǝlǝ nyin wó nɔnvia, lǝ jra ǝɖɔ wó dò lǝ tɔ̀ ji hun mǝ. ²⁰ Ǝ́ yɔ ɖǝ vi á wó í gbǝ̀ wó dá da zébédée kidǝ amǝ kǝ lǝ wɔ dɔ kidǝ̀ wó á dǝ̀ tɔ ji hun an mǝ wo kprɔ ɛ dó. ²¹ Wó sée kprɔ yésu do í vɛ ɖo caper naÜm. kǝ̀kǝ̀kǝ̀lǝ̀ yésu ɖó ɖǝ xo xɔa mǝ lǝ sabat gbǝ í lǝ kpra a mɛ wó. ²² Amǝ wó kádǝ̀ ji lǝ yé nyɔ núnú wó mǝ sigbǝ amǝkǝ xɔ̀ ǝnù kprá mǝ yé wó ma nǝ. ²³ Amǝɖǝka lǝ ǝnù kprámǝ xɔ aa mǝ, í gbɔngbɔn vɔ nɛn lǝ daya nǝ; i có í dáxá : bǝ. ²⁴ Yésu Nazareth tɔ ǝnyɔ kǝ í lǝ mì án kidǝ̀ wo vǝ do mǝ? ŋ nyán á mǝ kǝ ŋku mǝ ǝ nyin: Mawu yé mǝ kɔ kɔ Í ǝ nyin Ǝ va í ka vakprɔ mi tó ǝmɔ̀̀n búbú jí. ²⁵ Yésu kǝ̀ dǝ̀ i lǝ nú nǝ bǝ: bɔ nu , do lǝ amǝ ŋ na mǝ. ²⁶ G̀bɔngbɔn vɔnɛn án do lǝ wɔ wɔ, í lǝ dáxá sínsín. ²⁷ Ǝ nu án kpácá amǝ wó í wó lǝ bíɔ̀ wò xrɔ̀ wò sǝ bǝ : << Nù kǝ̀ í lǝ nyin ǝ nú la? Nɔn nɔn mǝ yǝ yǝ̀ bú í gbǝ vá Ǝ lǝ kprɔ̀ gbɔngbɔn vɔnǝn tɔ̀ wò̀ kidǝ̀ acɛ kpakpa, kidǝ̀ bubu cá !>> ²⁸ Yésu yé vá Galilée dú a mǝ kaká dǝ̀ Galilée kidǝ̀ Edu kǝ xrixa dǝ a wó. ²⁹ Kǝ wò do lǝ ɖǝxo xɔ a mǝ an yésu kidǝ. Simon André, Jacques kidǝ̀ Jean wó yi Simon yé xómǝ̀. ³⁰ Kǝ wó vɛ ɖó Simon xó mǝ án asia inɔn lǝ dɔ daji dɛ́ í wó nu nǝ Yésu . í í yí gbɔ̀ lǝ ǝdɔ bàá ji. ³¹ Í Í ́ lǝ̀ alɔ nɛn í cɔ̀ɛ có í ǝdɔ a vɔ nɛn í í tɔ̀ ǝ nú dudu mamán nǝɍ wó. ³² Wǝ̀trɔ̀ ŋ nan, lǝ nyindɔn yé jǝjǝ mǝ an wó lǝ̀ cɔ̀ dɔ nɔn wo kidǝ̀ amǝkǝ wò gbɔngbɔn vɔnɛn lǝ dáya nǝ wo va nɛn. ³³ Mián nú ɖǝɖǝ bǝ̀ ǝdu a séé vá lǝ̀ yé xɔ xɔ̀ nu. ³⁴ Dɔ̀nɔ̀n sugbɔ kpɔ́ hàyàhàyà, nǝ nǝn kǝ ì ì nyan gbɔngbɔn vɔnɛn lǝ amǝ wó ji íi gbǝ̀. gbǝ gbǝ̀ nǝ gbɔn gbɔn vɔnɛn wó bǝ̀̀ wò ŋka xo nu dǝ ǝnu kǝ yǝ wɔ̀ a un, cagbǝ wó jǝ si wò ɖǝ̀ ki ó. ³⁵ Ǝ cɔ nyɔ nyɔ í yé ɖǝkɛn yi toxo ɖǝ̀ka í vɛ́ xoɖǝ. ³⁶ Simon kidǝ nɔn via wó kǝ kprɔɛ dó á wó lǝ jí dan kǝ kǝ̀ í vɛ kpɔɛ . ³⁷ Í lǝ nu nǝ bǝ << Amǝ wó lǝ ji wo>>. ³⁸ 37 Í bǝ << Mian có lǝ ǝdua mǝ kidǝ ǝdu kǝ xrixá dǝ galilée wo, gbɔwó ma tǝ ŋ vɛ kaka Mawu nyɔ nǝ wó cá wo ́>> cagbǝ ŋnan tɔ í ŋ va lǝ la ɖɛ́.>> ³⁹ Ǝ nú Mawu yé tó ǝ du kǝ xrixà dǝ Galilée lǝ Mawu yé ɖǝxo xɔ a o mǝ Í Ì gbǝ nyan gbɔngbɔn vɔnɛn wó lǝ amǝ wó jí. ⁴⁰ Gùdù nɔ̀n ɖǝ ká vá yi gbɔ̀ Í lǝ ɖǝ kúkú nɛn, Í lǝ krojí nɛn , lǝ nú nɛn bǝ : << ⁴¹ Nǝ ǝ jí áá a tǝŋ trɔ ŋ vá amǝ cɔ cɔ wo mǝ >> kidǝ̀ rɔnrɔn. Yésu cɔ̀ alɔ̀ I sé dǝ̀ taa jí nɛn , Í lǝ nu nɛn bǝ: << ŋ lǝ jí bǝ na va amǝ cɔ co wo domǝ>> ⁴² Ǝ kpo dɔ a co lǝ ji akáaká itrɔ zu amǝ cɔcɔ. ⁴³ Yesu dǝsǝ̀ nɛn sǝnŋ sǝnŋ i nyɛn le ɖǝkia gbɔ , i lǝ nu nǝ . ⁴⁴ Bǝ << Ɖ yi kɔ i nu nǝ amǝ ɖǝ o, vɔa na vɛ cɔ̀ ɖǝ kio disa vɔsátɔ́ í nàn nán ǝnu jɔjɔ kǝ MoÏse nuɖɛ nǝ ta cɔ cɔ nyinyin nǝ ta gbǝfan ɖǝ ɖǝ lǝ wó gbɔ̀>> ⁴⁵ Kǝ ì dǝ sǝ̀ gùdù nɔ̀ǹ la bǝ ŋka nu nǝ amǝ ɖǝ̀ a ŋ sǝ̀ o i ́có í lǝ̀ nú nǝ amǝsiámǝ lǝ dua mǝ dan bǝ yesu dá dɔ nǝ yǝ nɔnnɔn mǝ ŋ nan bǝ yésu ŋgbǝ ɖó vovo I á lǝ ɖisá dan lǝ ǝduo mǝ o. lǝ ŋnan yé ŋgbǝ á dcí toxó ɖǝ̀kɛn ɖɛ̀ í a mǝ wo lǝ có tóxó vovo wó í vá́ lǝ kpɔǝ̀.