¹ Ɨ́, Yesu jégɔmǝ ilé kpranu wo to elo dodo mǝ í́ bé:"amǝ ɗéká dó atí ɗeká ke yé kú cɛncɛn ɗá nǝ aha, í túkpá xrixrá dé atí á wó, í́ kudo gangan déká ke wó a sé le fíɔn atikú cɛncɛn a wó. E tuxɔ ke amǝ ke a le kpɔ ǝboa jiá le nɔnme, a í́ igbe cɔ́ ǝboa isé dé asimǝ nǝ amǝ kele wɔdɔa wó, í́ ico yi mɔnji. ² Le gaxoxo nyɔŋgbi mǝ, édɔ́ yé subɔ́vi ɗeká yi ǝboa mǝ be na vɛ xɔ atikú cɛ́ncɛ́n wo va nǝ ye. ³ Ʋɔa wó leé, í́ xoe inyɛn trɔ́ alɔ gbale. ⁴ Ɨgbe trɔ́ dɔ súbɔ́vi bú seyinawó, í́ wo dabi un déta, í́ zan nɔnnɔn mǝ manyɔn déŋ. ⁵ Ɨgbe dɔ amǝbu séyi nǝ wó í́ wo wui. Wo zan nǝ nɔnnɔn mǝ ŋna wó dé amǝ sugbɔ un, wo xonɔn amǝ ɗoó í́ wunǝ amǝ ɗo ó ca. ⁶ Ɨ́ i gbe dɔ́ amǝ bú ɗiɗa, evi rɔnrɔn tɔ deka. Amǝ na í́ inyi amǝ ciŋgbetɔ ke í dɔ ɗiɗa wóa. Ɨ be:"woa dodo bubu evinyɛn un." ⁷ Ʋɔa jedɔwɔtɔ́ wó le nú le woɗekiwo mǝ be:"Amǝ ke kaá va du cinɔn a ke. Mica, mia wui nǝ cinɔn nuawó na cɛncɛn mi. ⁸ Wó lé, i wúi í sé danŋkpi dé ebaa ŋgbé. ⁹ Ɨ́ fia, nú ké ebó tɔ́a awɔ́? Á vá nya wó í́ ji amǝbúwó í́ sé ɗɔriwó ¹⁰ Miŋhrɛn wema ila a? Ekpǝ ke ǝxɔtutɔ wo gbea í́ trɔ zun zogojí kpé. ¹¹ Enú lá có miá xotɔ gbɔ́ í inya kpɔkpɔ nɛn mí. ¹² Wó jibé yewó alé Yesu vɔ́a wó le vɔnvɔn nǝ amǝ wó ɗo wo nya ǝnu enyɔn na dé ǝlo dódó nǝ wó. Wo co le gbɔ íyi. ¹³ Ɨ́ wó dɔ Pharisitɔ deo kidé Hérodétowo bé wó á vá dó fǝca nɛn có wó nyɔ núnú ó ún. ¹⁴ Ké wó vá, wó le nú nɛn bé:"Axótɔ́, mi nya be ŋcɔ́ nǝ amǝ dé yé susu í sé wɔ́ nǝ dɔ́ ó í nǝnɛn ké ŋdenǝ vovotótó amǝ wó mǝ o. E dinǝ sá Mawu émɔn ŋtaŋta. Eje sé be mia létu takɔɛ. Ŋɛn Cesar a? Miá lé tui nɔnmi mi wó ŋkáa le tui o? " ¹⁵ Ʋɔa Yesu nya wó yémǝ nú wɔwɔ́ í lé núnǝ wó be:"Nú ké í jɔ́ í mi lǝ doŋkpɔ́? Mi cɔ́ kpɔtia vá nǝ má kpɔ́." ¹⁶ Wó cɔ dǝká vá nǝ Yesu. Ɨ́ ilé nu nǝ wó be:"Mɛn tɔ í lé nyi desi kide enui ŋɔnŋrɔn an ?"Wó le ɗoŋ nɛn be:"Cesar tɔi" ¹⁷ Yesu be:"Mi cɔ́ enú ké nyi Cesar tɔ́ a nǝ Cesar, í mia cɔ́ ke nyi Mawu tɔ́a nǝ Mawu." í ikpácá wó séé. ¹⁸ Ɨ́ séducéens ke wobé amǝ ŋkunɔn í gbe trɔ fɔnŋɔn an, wó va gbɔ́. Ɨ́ wo le biɔɛse be: ¹⁹ "Axotɔ, Moose ŋrɔn nu nǝ mi," nǝ amǝ ɗé yé nɔnvi kugbǝ asia ɗɛ í ŋjí vioá, nɔnvi a teŋ cɔkpoe í jivi le fofoa ŋkɔmǝ. ²⁰ Nɔnvi amadre déka o lɛ; amǝ kélékélé a ɗe nyɔnrun i ku gbée ɗɛ ma jivi. ²¹ Amǝ véatɔ́ cɔ́ nyɔnru an í gbé ku gbée dɛ ke wóŋjivi o. Ɨ í nyi enú ɗékɛn an nɛn amǝ amǝtɔn an tɔ́. ²² Ɨ ígbé nyi enu dekɛn an nɛn amǝ amadréatɔ́. Le yévɔxoa nyɔnru an ŋtává kú. ²³ Nǝ wó trɔvajɔa mǝ kée tɔ ila va nyí nyɔnrun an?, ɗo Nɔvi amadreawo se de nyɔrun dekáa agbe. ²⁴ Yesu be:"Ŋnyi cágbe enu na í na í mí wɔ́ enu dahuɛn, cagbe miŋnya enu wó ŋɔnŋrɔn o, nɛnnɛn ke miŋnya Mawu yé ŋssn ǝnǝ? ²⁵ Nɛn wó va fɔ́n le amǝkuku wó mǝ wó nagbe ɗe amǝ dewo, nɛnnɛn ke wo nagbe cɔ amǝde na be woa de o. Ʋɔa wanɔn sigbe Mawu ye mǝ dɔ́tɔ́ wó nɛn. ²⁶ Ʋɔa kude amǝkuku ke fɔn wó a, miŋ hrɛn Moose yé wema, co ǝnuŋɔnŋrɔn ke kude ǝgbe ke coɗɛ, nǝ Mawu xonu nɛ í nunɛn mɔn:" Enyǝ í nyi Abraham ye Mawu, Isaki yé Mawu kide Yakubu ye Mawu a?" ²⁷ Ŋnyi amǝkuku wó Mawu o, vɔa amǝ lagbe wo tɔ. Mi le bre mia dekiwó sugbɔ." ²⁸ Enu kpratɔ ganŋgan domǝ tɔ́ deka vale dotó wó nyɔn, Ɨ́ ikpɔ be Yesu ɗo enyɔn an ŋun nyɔnŋgbi. Ɨ le biɛse:"Esé ke í le vévé wú le ǝseá wó mǝ?" ²⁹ Yesu ɗoŋun be:"Kele vévé wú a í nyi se Israël, axoto mia Mawu, mia xotɔ nyi deká tɔ́tɔ́" ³⁰ Ǝdola rɔn mia xotɔ́ Mawu kide tɔ jí bribó tɔ gbɔngbɔn, tɔ súsú wó séé kide tɔ ŋsɛn." ³¹ Kpɔ́ esé veatɔ́ ke:"A rɔn nɔnvi ó sigbé wotá nɛn esé gaŋgan de ŋgbe lɛ í wu esé la wó." ³² Enu ŋrɔntɔ gaŋgan bé:"Enyɔ́, mia xotɔ le adódo núnú mǝ a enu be Mawu deka ílɛ, i Mawu ɗeŋgbe lɛ zɛn le un wo. ³³ Rɔnrɔn kide eji bribí, kide ŋsɛn, kide ye nu gɔmǝsésé, kide a rɔn nɔ́nvió sigbe wóta nǝ gbe le veve wú acɔ́ enu wi i se le savɔ kide vɔsá wó" ³⁴ Ke Yesu kpɔ́ be ena ŋtidó nyɔŋgbí a, Yesu le nunɛn be:"ŋdidi le Mawu ye fiɔduxó o." Le ŋna wó ŋgbe á amǝ ɗekɛn ŋgbe biɔ́ enyɔ Yesu se wó. ³⁵ Yesu ɗoŋ gakemǝke ílé kpra enu amǝ wó le Mawu ye xɔ́mǝ, ibe:"Nɛn enú ŋrɔtɔgaŋgan wó le núbe Kristo nyi David ye vi mɔ́n?" ³⁶ David ŋta le gbɔngbɔn kɔkɔ mǝ be:"Yesu mia dádá le nunɛn tiŋ dádá be nava kanrɛn ɗe ye lɔdusi kpaxó kéké í se vá gakemǝ ke ma cɔ́tɔ́ futɔ́ ó í́ sé trɔzu afɔ́kpátútúnú." ³⁷ David ŋta le yɔɛ be "Dada", nɛn xɔnamǝtɔ́ até vanyi David evi mɔn? Amǝ ke bɔdɛ á wó le ɗotoé kide ayetitɛ. ³⁸ Le Yesu enu kpákprá wó mǝ elé nubé:"Mia kpɔ mia dekio ji le enu ŋrɔntɔgaŋgan ŋna wóŋ ke wó le jibe yé wó anɔn awú diŋdi le nɔnxó nyɔŋgbi wó le abrɔmǝ ³⁹ í́ yé wó agbé xɔ́ ziŋkpi kélekélé le godoxó wó mǝ kide azanɗúxo. ⁴⁰ Ɨ́ wó gban kposuwo xówó i gbe wɔnǝ gbe dododa didiwó cágbe nɛn amǝwo ná le kpɔ́wó. Wóa ɗó cójó kide nɛnnɛn mǝ wó. ⁴¹ Ɗe ganamǝ an Yesu kanrɛn tébɔ enujɔjɔ daka déká gbɔ́ le Mawu yé xɔ́mǝ, nɛŋ enu jɔ́jɔ́wó i ile kpɔ́ eho ke amǝsiamǝ léjɔdé eho ɗaka á mǝ. Hótɔ́nɔn sugbɔ ó le cɔ́ eho sugbɔ dé adakaá mǝ. ⁴² Kpasú ayadutɔ́ ɗeká va cɔ́ eho cúkúvi amɛnve isée dé adakaá mǝ, ke le nyi ého kélé axomǝ nɛn séé a nǝ, ehó á kpunkpun mǝ á le sigbé fran déká á nɛn. ⁴³ Ɨ́ Yesu yɔ́ yé dekpɔvio i le nunǝ wó be:"ŋle nui nɛn mi le adodó núnú mǝ. Mikpɔ́ kposu ayadutɔ nan, éjɔho sugbɔ wú amǝsiamǝ ke jɔ́ eho a wó. ⁴⁴ Ɗo amǝsiamǝ jɔ ho sugbɔ. Ʋɔ́a kposú, na ke nyi ayamǝnɔn, cɔ́ eho kélé si séé í a sé dúnú sé va njɔ.