¹ Yesu do có mawuxɔamǝ i yikɔ í yé dǝkprɔvi dǝ́ká vá lǝ nú nɛn bǝ:<<Ǝnúkprámǝtɔ́ kpɔ́! ekpǝ́ láwó kide exɔ iláwó ŋngákpɔkpɔ́á?>> ² Yesu le nú nɛn bǝ́:<<ǝlǝ kpɔ́ exɔ gángán iláwóà, ǝkpǝ dǝkɛn ŋkàá kpɔtɔ kǝ wá gbǝ́ma kaka o.>> ³ Gakǝmǝ kǝ í kanrɛn dǝ́ amitóá jí í kpanŋkɔ mawuxɔa dɛ́á, Petro, Yakobo, Yohanes kide André le bíɔ́ɛ se bǝ: ⁴ << Gakǝ mǝdó í enulawó lává jɔ kóo? nukei la dǝ díísa be gamǝa sun kóo? nui nǝ́ mí.>> ⁵ Yesu doŋú nǝ wo bǝ: Mi hǝaye nǝ́ amǝdǝ́ ŋkává kprɔmi búumɔ́n o. ⁶ Amǝ sugbɔwó la' cɔ́ tinŋ kɔ́ i vá lǝ nu be:"Enyǝ inyí Kristoá" ilá kprɔ amǝwó sǝŋ búumɔ́n. ⁷ Nǝ milǝsǝ ahúá alóó ahúá ye nyɔwóá, adiká ŋkacomi o, élǝ bǝ́ enú ŋnáwó ná jɔ́, vɔá xixǝamǝ ye nuwúwú a ŋvá hádo o. ⁸ Dúkɔ́nwó lá wɔ ahua kide wó dǝkiwó. Anyigbán lá húnhún lǝ tohó vovovowó í fufǝ́ lá do. Enú ŋnawó wɔdɛ́ sigbǝnǝ efúduamǝ ye gɔmǝjǝjǝ enǝ́. ⁹ Gaŋkǝ́ mian kpɔ́ mian dǝkiwó jí. Nyɔŋgbin, wá xomi lǝ mawuxɔwó mǝ í cɔ́ mi daasí nǝ kojódótɔ́wó. Wa kprɔ mi vá ekɔ́mǝfiɔ wó kidǝ dukprɔtɔ́wó ŋkɔ i nǝ mian di dasǝ nǝwó. ¹⁰ Elǝbǝ́ miandǝ gbǝfán nǝ dukɔ́nwósee. ¹¹ Nǝ wó sɛri mi í kprɔ mi yi kojódóxaá mi o, mianú enyɔ kǝ wácɔ́ nǝ mi lǝ ganamǝ a dǝdǝ, dóbǝ́ ŋnyí mian ŋtáwo ikáá xonu o, gbɔngbɔn kɔkɔ a i. ¹² Nɔví lá dǝ́ nɔ́viá asi bǝ wázu, ǝtɔ́ lá dǝ eviá asi, deviwó lá sǝǝtó keke ilasa wó jilawó bǝ́ wawu. ¹³ Agbɔtɔ yǝ kúkan see lá lǝ funmi cagbǝ tinyǝ, vɔa amǝkǝ lá doji kǝkǝ isǝŋ vá dó nuwuwuá, wáxɔɛ dǝ agbǝ. ¹⁴ Nǝ mi kpɔ́ axó gbanú jiŋua le toxó ke ŋdolá mɛnɔn oa,(Enu hrǝntɔ́á ná sǝ enúlá gɔmǝ) amǝkǝl yudǝ́áwó na si yi tááwó jí. ¹⁵ Amǝkǝ lǝ exɔtaa, ŋká divá anyigban mǝ bǝ yǝkáá vɛ cɔ́ enudǝ lǝ xɔmǝ o. ¹⁶ Amǝkǝ lǝ bomǝ dɛá ŋkagbǝ trɔvá agbrexɔmǝ bǝ yǝkavá cɔ́ awu o. ¹⁷ Babáá nǝ efunɔn kide evinɔnwó le ganamǝ dó. ¹⁸ Mi dogbǝdá bǝ enunawó ŋkajɔ lǝ vwɔgamǝ o. ¹⁹ Dóbǝ́ fukpǝkpǝ ke mɔnki ŋvá kpɔ́ o i ŋkáá gbǝ va gbǝde oa, ye igbɔnɔn ganamǝ do. ²⁰ Nǝ mawu ŋmɛnɛ dɔn azan yi ŋkɔaa, amǝ dǝkin ŋná kpɔ́ agbǝ ci o. Vɔa cagbǝ amǝ cancanwó taá mawu dazan. ²¹ Nǝ́ amǝdǝ nú nǝ́ mí bǝ́: Mikpɔ́ Yesu le lá áló ele lena, mi ŋká kadǝ́jí o. ²² Dobǝ́ vixo Kristo kidǝ vixó mawunyɔnú dɛ́tǝ́wó la vá ivá wɔ desi kidǝ nukunuwó cagbǝ nǝ́ watǝ́ŋ fru amǝcancanwó. ²³ Mi nɔn ŋzɔn ! Ye idɔ́ í ŋnu enyɔawó nǝ́ mi dɛ́ jǝŋkɔ. ²⁴ Lǝ funkpǝ́ kpǝ́ ŋnawó ŋgbǝa, ává mǝ bǝ nyidɔn lá dó zuubru i wrɔtí ŋkáá gbe di o. ²⁵ Wretiviwó lá gǝ́jɛn có jiŋkui vá, í eŋúsǝn kǝlǝ jiŋkuiáwó la gri see. ²⁶ Le vɔxóá míánkpɔ́ agbǝtɔ́víá lǝ akpɔ́kpɔ́wó mǝ í agbɔnɔn kidǝ́ ŋúsǝn kide ŋuti kɔkɔ ganŋgan. ²⁷ Í adɔ mawuŋǝdótɔ́wó dídá í wá yɔ yǝ mǝcáncánwó bɔ có xíxǝa ye zogo amǝnǝ áwó ji, có anyigbá yǝ sǝnxó seŋ yi jiŋgorí ye senxó. ²⁸ Mi kpránu cá fɔnkutí yǝ lǝvizonzǝn gbɔ́. Nǝ izǝ alɔvi í dɔ́n amakawó á mianyá be akú dó. ²⁹ Nǝnǝ́ kǝi nǝ mikpɔ́ enuŋnawó le jɔá mianya be gamǝa sun, edó vɔ. ³⁰ Ŋlǝ nú nǝ mi lǝ nyɔdodo mǝ bǝ́ jijimǝ ilánu ŋka váyi gbɔxo i enulá wó lá jɔ o. ³¹ Jiŋkui kide anyigba nu lavayi vɔa tiŋ nyɔnwó nu ŋkava yi gbǝdǝ o. ³² Vɔa, ŋkǝkǝa kidǝ gaxó xóá, amǝdǝ ŋnyɛ o, Mawu nyǝdótɔ́ ke le jiŋkui áwó ŋhyɛn o, Eviá ŋtacá ŋnyɛn o. Etɔ́á dekɛn í nyɛn. ³³ Mihanyǝ nǝ́ mianɔn ŋzɔn, dobǝ mi ŋnyá gakemǝ enuŋnawó lá jɔa o. ³⁴ Enu ŋtá wɔdɛ́ sigbǝnǝ amǝ kǝ káá zɔnmon, igbǝ ye xó dɛ́ nǝ ye dɔ́cɔ́viwó. Ena ŋusǝwó, idó edɔ́ nǝwó, amǝsiamǝ kide yǝtɔ. Edǝ esǝ nǝ agbonujɔtɔá be ná nɔnŋuzɔn. ³⁵ Minɔn ŋuzɔn, dobe miŋnya ga ke mǝ í axótɔ́á láva o, atǝ́ŋ nyi fiɛnyi, aló ezan domǝ, aló fɔnfɔnmǝ alɔ́ aguzǝan. ³⁶ Nǝ mi ŋlǝŋu dɛ́ o, í iva dó kpataa, ahu.a co mi le arɔn mǝ. ³⁷ Emyɔ kǝ ŋle nú nǝ mian ye kǝ í ŋle nu nǝ amǝsiamǝ be:< ŋuzɔn!>>