¹ Mikpɔ̀: kə́ Yésu kidə́ kiɖə́ yè dekprɔviwo tə̀bɔ̀ yerusalem àn, wó tó Betfage kídə̀ Betanian lè amítóà glo ɔ̀à, ɛ̀dɔ̀ ye adə̀kprɔvi amə̀və̀ ² i nú nə wó bé: "mí yi ədú kə̀ kànkɔ nə mìà mə. Nɛ̀ mí vɛ̀ ɖóà mi domə̀ miàkpɔ kɛtɛ-kɛtɛvi ɖə̀kà lé əkamə kɛtɛ-kɛtɛ amə ɖə́kɛn kpɔ̀a ó. Mitú kɛ̀ i miàcɔɛ̀ và ŋ. ³ Nə amə ɖə́ kàmi sə bé: "ɛ̀nú kə́ í jɔ í mí lə tuí maa àn miàn ɖóyú nə bə, "ahótɔà lə hiɛ̀n í wà gbə́dɛ̀ nə lélà." ⁴ Wó yí i vɛ̀ kpɔ̀ kɛtɛ-kɛtɛvi lé ɛ̀kà mɛ̀ lé xixə̀nú lə ati ɖə̀kà ŋú lə̀ əmɔn gàngàn yi. Í wó túkɛé. ⁵ Amə ɖəkáwo lə bíɔwo sə bə: "ənú ké yi mí jɔ i và lə̀ tù kà kɛtɛ-kɛtɛvia?" ⁶ Wó ɖó yú nəwo sìgbənə̀ nú i nə ənə. Ì amə̀à wó gbə̀ wó ɖɛ̀ í wó yi. ⁷ Kə̀ àdə̀kprɔvi aməvəàwo kprɔ̀ kɛtɛ-kɛtɛvia và nɛ̀ Yesu á, wó cɔ̀ wó wú wó dàlə̀ ji nɛ Yesu nà tɛŋ kànrɛ̀n də̀ji. ⁸ Amə súgbɔ ɖó wúwó amə ɖowó ɖó ɛ́də bayà wo kə́ có lé əbó mə̀an əmɔji ⁹ amə kə̀ lè zɔ̀n lé Yesu yé ŋkɔ̀ kidə̀ amə kə̀ le zɔ̀n kprɔɛ̀ dó wó à lə́ dà axà bé: "Hosanna! wà yrà amə kə̀ và lə́ axótɔ̀à ŋkɔmə. ¹⁰ Wóà yra mían dádá David yə fíɔdúxó kə gbɔnɔnàn lə jiŋkórì. ¹¹ Sə̀ yi jià, Yesu yi yerusalem dúàmɛ̀ i ɖó mawú xɔ̀à mə̀, í ì lə̀ ŋkúu də̀ ɛ̀nu ɖésiadə́ ŋú. Lə̀ ŋúɖɔmə kpaxó à, yə̀ kidə amə wúivɛ̀à wó yi Béthani. ¹² Yə́ ŋkə́gbəmə à, fifə̀ lé wó. ¹³ Ǝkpɔ̀ gboti ɖə́kà ɖiɖà, kə ɖɔ̀n dɛ tə̀bɔ̀ɛ̀ kpɔbó yàà tə̀ŋ kpɔ atikú cɛ̀ncɛ̀n ɖə̀ léji mán. Vɔ̀à ŋ kpɔ̀ ɛ̀nú ɖə̀kɛ̀n léjí sə̀ wu atià yə̀ amàkà wó ó, ɖobé ɛgà hinanmɛ̀n àn ŋ nyi gboti yə̀ cɛ̀ncɛ̀n gamɛ̀n óó. ¹⁴ Ɛ̀ xonú də́ gbotià ŋú bé: "amɛ̀n ɖə̀kɛ̀n ŋ nan gbə̀ ɖú tɔ̀ kú cɛ̀ncɛ̀n gbə̀ɖə́gbə̀ óó." Xə̀ adə̀kprɔ̀víàwó cá səé. ¹⁵ Kə̀ wó và ɖó yerusalem àn, wó tɔ̀ ɛ̀nú sà tɔ̀ kidə́ ɛ̀nú xrə̀tɔwó nyanya lə̀ mawuhoàmə̀. Ɛ̀ kàkà ɛ̀hó cə̀tòwó kidə̀ alúnkúku? sà tɔ̀wó agbànwó. ¹⁶ Ŋ rɔ̀n bé amə̀ ɖə̀kɛ̀n nàn cɔ̀ ɛ̀nú sàsà và mawúhóamə̀n óó. ¹⁷ Ɛ̀nàn wó ɛnú kpràkprà bə̀: " wó ŋ ŋrɔ̀ɛ̀n ɖə̀: tiŋ hómɛ̀n anyi ɛ̀ɖə̀ xó xò nɛ̀n ɛ̀dúà wó séé à? miàn wó yà mi và sə̀ŋ trɔ̀ zún ajégrasúwó xomə̀n. ¹⁸ Vɔsatigàngànwó kidə́ ɛ́nú ŋrɔ́tɔ́ gángánwó sə̀ ɛ̀nyɔ̀n án, i wó tɔ̀ ɛ̀mɔ̀n kə̀ wóà sə̀ wuid jiji ɖobə́, yé nu lə̀ ji vɔnvɔn nə̀wó kə́ wó kpɔbé yə́ nú kpràkpràwó myɔ̀n amə̀n wó ŋkɔ̀. ¹⁹ Ɛ̀wə̀ trɔ̀, i wó có lə̀ édúá mə̀. ²⁰ ŋdi kə̀ wó trɔ̀và yikɔ̀ á, wó kpɔ bə̀ gbótiá yə̀ àmàkàwó yrɔ̀ kéké sə̀ yi yə̀ kə̀wó mə. ²¹ Petro ɖo ŋu i bə̀: "Rabbi, kpɔ̀! gboti kə̀ ɛ̀ dónúàn yrɔ̀." ²² Yesu núnə̀n wó bə̀: "mi xɔ Mawu jí sə̀. ²³ Ɛ̀nyɔ̀n dódó mə̀ àn ŋlé núnə̀ mí bə̀, amə̀ kə̀ là núnə̀ ɛ̀tó hinàn bə̀ có i nà vɛ̀ géjə̀n də̀ axú mə̀n, vɔ ŋ xó ɛ̀nyɔ̀àn kpɔ lə̀ yə̀ ji mən ó, vɔ í nú ɛnyɔ́àn kidə̀ kàkàdə́ji bə̀ avámə̀n àn, yé í Mawu là wɔ nə̀n. ²⁴ Yə̀ i dɔ̀ ŋlə̀ nú nə̀n mi bé, ɛ́nú kə́ dɔ milə̀ dógbə̀ɖa, alo ɛ̀nu kə̀ mi lə̀ biɔwó à, miàn kadə́ ji bə́ ɛ̀và mə̀n nɛ̀nmi, i míàn kpɔ wó mə̀n vàvà. ²⁵ Nə̀n mi có bə yóà dó ɛ̀gbəɖà à, mì ɖó là là cɔ̀ miàn gɔjélàwó agɔjéjéwó səŋ kə́wó, nòn mià ɖàɖà kə̀ lé ɛjiŋkori mə̀n àn cà nà cɔ mian gɔjéjéwó kə̀ mì. ²⁶ Vɔ̀à nə̀n mi ŋ cɔ ké óàà, mià dàdà kə́ lə́ ɛ́jiŋkorimə̀n àn cà ŋ ka tə̀ŋ cɔ míà agɔjéjé wó kə̀ mì óó." ²⁷ Wó trɔ̀ gbɔvà Yerusalem. Ɛ̀gà ke mə̀n Yesu lə̀ ɖi ɛ̀sà lə̀ Mawu ye xɔ̀à mə̀n án, vɔsatɔ̀ gàngàn wo séé, ɛ̀nú ŋrɔ̀ntɔ̀ gàngàn wó, kidə́ amə̀ cíciwó zɔ̀n và gbɔ. ²⁸ Wó lə̀ kà ɛnyɔ̀n ɛ̀sé bə̀: "ŋúsə̀n kàí ɛ̀kpɔ i lə̀ wɔ ɛénú nán wó? Aló amə̀n kə̀i nàn wó ŋusə̀n bə̀ nàn wɔ ɛnú hínan wó?" ²⁹ Yesu ɖoŋú bə̀: "mà kàmi ɛ̀nyɔn ɖə̀kà sə̀. Mi ɖóŋ ŋú nə̀n ɛnyɛ̀n cà, màn ɖó miàn nyɔ̀n ŋú nə̀n mi. ³⁰ Yohanes yé mawuci léléà ɖee ɛjiŋkori í i có? mi ɖó ŋu ŋ." ³¹ Lə̀ ɛnyɔàn mən jrojró kpɔ̀ mə̀n lə wóɖəkiwó mən àn wó lé nu bé: "nən mi nu bə̀ "ɛ̀có ɛ̀jiŋkoria," à à nù bé ɛ̀nú kə̀ i dɔ miŋ xɔ́ ji sə̀ óó?" ³² kpɔ̀ nə̀n mi núbé" Ɛ̀có amə̀nwó gbɔà" ɖobə̀, yé nú lə̀ ji vɔnvɔn nə̀wó, ɖobé amə̀n siàmə̀n kpɔ bé Yohanes nyi ɛ̀nyɔ̀n nuɖò ŋtà ŋtà. ³³ I wó ɖoŋú nə̀n Yesu bə̀: "mi ŋ nyàn óó. Yesu bə̀ nu nən wó bə̀: "ɛ̀nyə̀ cà nyən ŋka nu ŋusə̀n kə́ ŋ kpɔ̀ í lə́ wɔ ɛ̀nú nàn wó óó."