¹ Yesu có lǝ tóhó ŋna, í yi yuda du wo mǝ kide yordan tɔ a ye ŋgbe, í amǝwo gbe va gbɔ. E gbèlè kpra enu wo, sigbe i wɔ nɛ gasiagamǝa enɛ. ² Pharisitɔwo va gbɔ be yoa dóe kpɔ, í wo le kɛse be:"Enyɔn be ŋuncu na gbe asia maa?" ³ Yesu ɗoŋu be:"Esé ke í Mose de nɛmi ?" ⁴ Wo nu be:"Mose rɔn nɛ nucu deka be na ŋrɔnnyɔnrun gbǝgbǝ wema nɛ, í le hina ye ŋgbea,na nyin." ⁵ Yesu nu nǝ wo be:"Cagbe mia jí sɛŋwo tɔ í ŋrɔn esé hiná nɛ mí." ⁶ Ʋɔa lǝ gɔmǝjejeamǝa, Mawu wɔwɔ nucu kide nyɔnrun. ⁷ "Enukedo í nucu la có le ye dádá kide ye náná gbɔ í ye kide nyɔnrun yoa wɔ dekaa nǝ, ⁸ Ɨ wo amǝveawo, woatrɔ zun deka." ⁹ Seyijia, amǝde ŋkamá enuke Mawu cɔ de edua o. ¹⁰ Ɠàkemǝ wotrɔ va yi ahomǝa, Yesu ye nukpraviwo gbé kanyɔɛnse de enyɔa ŋu. ¹¹ E nu nɛwo be:"Amǝdǝ desiaɗe ke gbe asia í ɗe nyɔrun bua, wɔ matélé de nyɔrun an ŋu. ¹² Ɨ nɛ nyɔrun gbe acua, í gbe ɗe nucu bua, ye ca wɔ matélé." ¹³ Seyijia, amǝwo cɔ wo vi cukuviwo va nɛ nǝ áco alɔ de wojí, ye dekprɔviwo le baha wo. ¹⁴ Ʋɔa ke Yesu do desi enun hina an, e wɔ homǝfiɛn sugbɔ, í í́ nu nǝwo be:"Mi na mɔn nǝ ɗeviwo nava egbɔ nye, miŋka tu mɔn nǝwo o, ɗo mawufiɔɗuhóa nyi amǝke wɔɗekia sigbe ɗeviwo enǝ an tɔ. ¹⁵ Un le nu nɛmi le enyɔndodo nunu mǝ be: Amǝɗesiaɗe ke ŋhɔ mawufiɔduho sigbe ɗevi enǝ an, ŋka ɗo mǝ o." ¹⁶ Seyijia, e lé ɗeviwo de ye lɔmǝ, í da alɔ de wojí, í yrawo. ¹⁷ Ke Yesu je mɔji yikɔa, amǝɗeka sudu kpɔɛ do, í vɛ jekrojí de ye ŋkɔ, í kɛsǝ be:"Enukpramǝtɔ nyɔŋgbi, nuke í mawɔ í la teŋun kpɔ egómǝ le agbe mavɔ mǝ?" ¹⁸ Ɨ Yesu nu be:"Nuke ídɔ í e le yɔm be amǝŋɔŋgbi? Amǝɗekin ǝnyi amǝ nyɔngbi o. Mawu ɗekin pɛɛ í nyɔn. ¹⁹ Ǝnyan esǝawo: Ka wu amǝ o, kawɔ matélé o, ka fʊfi o, ka nu enuke ŋkpɔa o, ka tafu amǝ o, bu tɔ dádá kide tɔ náná." ²⁰ Amǝan nu nɛ Yesu be: Enukpra amǝtɔ, ǝwɔ́ de esǝ hinawo seeji co kéké tiŋ ɗevi mǝ. ²¹ Yesu trɔ kpɔɛ, í rɔɛn. E nu nɛ be:"E Kpɔtɔ enu ɗeka nǝo. E ɗola sa enu ɗésiaɗé ke le asioa, í la cɔɛ nǝ ayamǝnɔwo, í adɔku la nɔ asio le jiŋkori, le hina ye ŋgbea, va nǝ na kprɔŋun do." ²² Ke ŋucua sǝ nyɔn na jrɔa, e butamǝ sugbɔ, í yi le gbɔjɔ-gbɔjɔmǝ, ɗo enu-nyɔngbiwo sugbɔ lési. ²³ Ƴesu trɔkpɔ, í nu nǝ ye dekprɔviwo be:"Á sɛŋ nǝ hotɔnɔwo be woa ɗo mawufiɔ duhoa mǝ!" ²⁴ Enyɔ hinawo wɔ yaa nǝ ye deprɔviwo.Ʋɔa, Yesu gbe trɔ nu nǝwo be:"Ɗeviwo, ǝ senŋun sugbɔ be woa ɗo mawufiɔ duhoa me! ²⁵ E fá nǝ kɛ́tɛkɛtɛ be nato tɔni ye do mǝ wu be hotɔnɔ naɗo mawufiɔ ɗuho mǝ." ²⁶ E jiŋun nǝwo ɗoɗowo, í wo ka woɗekiwo se be:"Mǝ ke í la teŋ kpɔ xɔ́xɔ́?" ²⁷ Yesu trɔ kpɔwo, í nu be:"A seŋ nǝ amǝgbetɔviwo, vɔa ǝ senŋun nǝ Mawu ya o. Ɗo Mawu ya la teŋun wɔ enu ɗesiaɗe." ²⁸ Ƥetro tɔ nuxó xóxó nǝ be:"Kpɔ, miáwo mi taci enuwosée ɗe, í mi kprɔ wo do." ²⁹ Yesu nu be:"Le enyɔdodo mǝ, un le nu ne mi be, amǝde ŋka cógbé ye ho, nɔvia ŋucuwo, alo nɔviaŋɔrunwo, ye dádá alo ye náná alo eviawo alo anyigbanwo cagbe eyin kide enyɔn dodoatɔtɔ. ³⁰ Ɨ ŋka hɔ alé ze kavǝtakpɔ le xixeamǝ: Axowo, nɔviŋucuwo, nɔviŋɔrunwo, nánáwo, eviwo, anyigbanwo kide womǝcícíwo kide xixé ke gbɔnɔ an mǝ, agbe mavɔ. ³¹ Vɔa amǝ jeŋkɔtowo, la ci ŋgbe, í amǝ ci ŋgbewo la jeŋkɔ." ³² Ⱳoje mɔji, iyikɔ yerusalem, í Yesu yikɔ le ŋkɔ nǝwo. Enujiŋu nǝ adekprɔviwo, í amǝke kprɔ wodo a wo le vɔnvɔn. Seyijia, Yesu gbe yɔ adekpɔvi amǝwuiveawo va dekia gbɔ, í tɔ enuke ɗo la jɔ deji madiŋdimǝa nunu nǝ wo. ³³ "Mi ɗó etó, mi yikɔ yerusalem, í kaa cɔ amǝgbetɔvi de asi nǝ vɔsatɔwo kide wemakpratɔwo. Woa có ekufiɔ nɛ, í la cɔɛ nǝ jimaxɔsetɔwo. ³⁴ Woa konu nɛ́, í tuútan kɔdé, woa hoé, i la wui. Ʋɔa le ŋkeke amǝtɔn ŋgbéa, efɔn co amǝkukuwo mǝ." ³⁵ Ƴakob kide Ƴahanes, Zebede ye viwo va Yesu gbɔ, í nu nǝ be:"Axtɔ, mijí be na wɔ enuke mi biɔa wosee nǝ mi." ³⁶ E nu newo be:"Ŋuke mi jí be mawɔ nǝ mi?" ³⁷ Wo nu be:"Ɗǝ gbǝ ne mi ne mian kanrɛn de egbɔwó le tɔ ŋtitikɔkɔ mǝ, amǝɗeká de tɔ́ ɗusi me, eveatɔ de tɔ́ miɔn mǝ." ³⁸ Ʋɔa Yesu nu nǝwo be:"Mi ŋdesi enuke mi le biɔa o. Mia teŋun nu enu le kɔfu veve ke mǝ manú enu lea, alo mawucideta ke wo ka de un?" ³⁹ Wo nu nǝ be:"Mia teŋun" Yesu nu nǝwo be:"Enu vévé ke ŋkanua, miawo ca mia nui. Ɨ wo ade mawucita ké woka de un an nǝmi. ⁴⁰ Ʋɔa nǝ amǝde la nɔ tiŋ nudusi alo tiŋ miɔn me yaa, un nyi eyin í la nɛ o, gaŋke e nyi amǝke wo gradoé ɗe nɔawo tɔ í." ⁴¹ Ke adekprɔvi amǝwó kpɔtiawo se Yakob kide Yohanes wo nyɔn kaseawo a, wo wɔ homǝfiɛn de wo. ⁴² Yesu yɔ wo va ɗekia gbɔ í nu be:"Mi nya be amǝke bu nɛ be yo nyi jimaxɔsetɔwo kprɔtɔwoa, ɗu nǝ wóji í amǝganwo ké le wo mǝa wo kpanɛcɛ de wóji. " ⁴³ Ʋɔa ŋdola nyi nǝ le mia mǝ o. Amǝde kpukpuide ke ji be yea trɔ zun amǝganxoa, ɗo la nyi miá subɔvi. ⁴⁴ Ɨ amǝde kpukpuide ke ji be yea nyi kǝlǝkǝlǝ le mia mǝá ɗo la nyi amǝhǝhrǝ ne amǝɗesiaɗe. ⁴⁵ Ɗo amǝgbetɔvi ŋva be woa subɔ ye o, vɔa be yea subɔ mi, í nǝ ácɔ ye gbe í se na, cagbé nǝ axɔ nǝ amǝsugbɔwo. ⁴⁶ Wo va ɗo Yeriko. Ɨ ke ye kide ye dekprɔviwo, kide amǝ sugbɔwo co le Yerikoa, Time ye vi Batime ke nyi enubiɔtɔ, ke ŋkuvi gban nɔa, kanrɛn de emɔ tó dɛ. ⁴⁷ Ke í se be Yesu, Nazarɛthy tɔa, í va yi kɔa, e tɔ axa dédé, í le nu be:"Yesu, David ye vi, kpɔ adɔnu mǝ un!" ⁴⁸ Amǝsugbɔ kan ŋkuvimǝ nǝ. Ŋkuvi gbangban tɔa, í le biɔ co gbɔ be na viŋ. Ʋɔa, e gbe le de axa kpée:"Ɗavid ye vi, kpɔ adɔnu mǝ un." ⁴⁹ Ƴesu nɔntǝ, í ɗegbǝ be woa yɔɛ va. Wo yɔ nucu ŋkuvi gbangbantɔa í nu be:"Ɗo ŋsɛn dekiwó! E lé yɔ wo." ⁵⁰ É cɔ ye jiwú ke í do ɗɛa daŋkpiŋ, í zokpé va Yesu gbɔ. ⁵¹ Ɨ Yesu nu nǝ be:"Ŋuke í ǝlé ji be mawɔ nǝwo?" ŋkuvi gbangbantɔa nu nǝ be:"Axotɔ, un ji be magbǝ kpɔ nu." ⁵² Ɨ Yesu nu nǝ be:"Co yi, tɔ xɔse yɔ́ edɔ nǝwo." Akaakaa, egbǝ trɔ tɔ enu kpɔkpɔ, í í kpɔ Yesu do le emɔa ji.