¹ Í Yesu nu ne wo be "le ǝnyɔn dodo mǝ an: amǝ ɗǝwo le mian mǝ le la a, ke wo ŋka ku gbɔxo í kpɔ Mawu ƒiɔɗuxo a o." ² Ɨ́ le ŋkǝkǝ adan a ŋgbǝ a, Yesu kprɔ Petro, Yakobo kide Yohanes ǝtó yiji deka ji. Í iɗɔri nɔnɔnmǝ le wo ŋkuvimǝ. ³ Ƴé Nuɗoɗowo trɔ nyan kpɔkpɔ kpé, í lé dazo iyé pílípílí ke enunyántɔ ɗe ŋka teŋun nyán í aɗi enǝ o. ⁴ Ɨ elia kide Mosé va i tɔ asǝŋun kaka kiɗe Yesu. ⁵ Petro ɗo ǝnyɔna nun í nu ne Yesu bǝ "Axotɔ, ǝnyɔn nè mi be mia nɔn le la, seyi daa, rɔn ne mi be mian mǝxɔ amǝtɔn, deka ne wo ŋta, ɗeka ne Mose í deka ne Elia." ⁶ (Ɗo Petro ŋyan ǝnyɔn ke anuan o, do vɔnvɔn jí wo). ⁷ Akpɔkpɔ va cɔn wo jí. Ɨ ǝgbe deka di có akpɔkpɔa mǝ í le nube: "Amǝ la í nyí ǝvínyin ke ye nyɔn gbɔ ǝrɔn ne, mi ɗo ǝtóe". ⁸ Akaka a ke wo trɔ kpɔa wo ngbǝ kpɔ amǝ ɗekin o, Yesu í wo kpɔ. ⁹ 9 Ke wo ɗi gbɔnɔn có ǝtóa jí a, Yesu desé ne wo be wo ŋka nu ǝnu ke wo kpɔa ne amǝ ɗe gbɔxo ne amǝgbetɔvia nafɔn ca amǝ-kukuwo mǝ o. ¹⁰ Ǝnyɔn a cí woɗekiwo mǝ í wo le biɔ dekiwo wo sǝ bǝ nu ke ǝnyi fɔnfɔn co amǝ kukuwo mǝ ma! ¹¹ Ⱳo le biɔ se bǝ: "Ŋu ke í jɔ í enuŋrɔntɔwɔ nu inyi be Elia í la trɔva je ŋkɔ ma?" ¹² Ǝɗo ŋu ne wo bǝ "Elia ye ido la trɔva je ŋkɔn í va gra enuwo see ɗo. Vɔa enu ke jɔ í wo ŋrɛn dɛ bǝ amǝgbǝtɔvia la du aya le ǝnu sugbɔ mǝ yi amǝwo la bú be ǝnyi amǝ maje-maje maa?. ¹³ Ʋɔa un le nu ne mi be Elia va vɔ í wo wɔ ǝnu ɗesiaɗe ke jrɔ wó kide sigbe ǝnu ŋɔnŋrɛn na wo nudɛ de ŋunǝne." ¹⁴ Ke í trɔ va aɗekpɔvi kpɔtiawo gbɔa, wo kpɔ amǝ sugbɔwo xixradewo dɛ, í wema kpratɔwo le ka aseŋun kide wo. ¹⁵ Akáká ke wo kpɔ amǝ sugbɔwo suɗu, í vɛ ci í ɗo vivinɛ. ¹⁶ Ɨ biɔ ye ɗekprɔviwo se bǝ:"Nu keé séŋun í mi le ká kide wo?". ¹⁷ Amǝdeka le amǝwo mǝ í doŋun be"Axotɔ un cɔ evinyin va ne wó, gbɔngbɔn deka le mǝ igbé bǝ ŋkaa xonu o.Ɨ ¹⁸ icɔ ɗevia ɗankpi ɗe anyigban mǝ, í ídu adukui, kɔaɗǝ í jǝti. Ʉn nu ne tɔ́ dekprɔviwo be woa nyan gbɔngbɔn an, vɔa wo ŋteŋun wɛ o. ¹⁹ Ɨ í ɗo ŋun ne wo bǝ" jijimǝ jimaxɔsétɔ, exó nǝnǝ ma wɔ le miágbɔ gbɔxo? ǝxó nǝnǝ yi ma kpɔ miají nǝ. Mi cɔɛ va un" ²⁰ Ⱳo cɔ ɗevia va yi nɛ. Ke gbɔngbɔn a kpɔ Yesu a í gri i cɔ devia gɛnjin ɗe anyigban mǝ, yi adǝ le kɔ cɔ ye númǝ. ²¹ Ƴesu biɔ yé dádá bǝ "Exo nǝnǝ í i wɔ dɛ le kǝ?" "Cɔ́ yé ɗevimǝ" yé ɗaɗa ɗoŋun nɛ. ²² Kǝ wo jia ecɔ nǝ de ǝzó kide ǝci mǝ be gbɔngbɔn an naku. Ŋǝ ateŋun wɔ nuɗea, na wɔɛ ise kpeɗemia ŋun, kpɔ aɗɔn nu mǝ ne mi." ²³ Ƴesu dó ŋun bǝ́"Ŋe ateŋun? ǝnu desiaɗǝ jéne ji ne amǝke xɔse a." ²⁴ Akáká a ɗevia yé ɗáɗá dá xá í nubǝ "Ʉn xɔsǝ́, kpéɗe ŋun nyin." ²⁵ Kǝ́ Yesu kpɔ bǝ amǝwo suɗu gbɔnɔn wo gbɔ a, í kédǝ gbɔngbɔn vɔɛn an í nu bǝ"Ǝwo ǝtó kuku gbɔngbɔn, nuxó maxó-maxó gbɔngbɔn, dó le la ne ŋkagbǝ trɔ va o." ²⁶ Ɨ gbɔngbɔn a dé aha i ŋunŋunŋ i do le ye tan mǝ. Akakaá devia ci anyigban mǝ í di enu kuka kǝ́kǝ́ amǝwo le nu be:"Ǝku." ²⁷ Ʋɔa Yesu lé kide lɔ, ifɔn citè ye ŋucuvia fɔn jetǝ́. ²⁸ Kè Yesu do axoamǝa ye ɗekprɔviwo lé biɔ sǝ le wawra mǝ bǝ"Nuke í jɔ yi miawo mi ŋteŋun nyan gbɔngbɔn vɔɛn na o?." ²⁹ Ɨ do ŋun ne wo bǝ"gbɔngbɔn na mɔnki a ǝɗǝ́ xóxó dédé í wa se ŋyin." ³⁰ Ⱳó có lena í tó Galilea. Ⱳó unjibǝ amǝwo na nya le fi yó le a o, ³¹ do élé kpranu ye ɗekprɔviwo. Ɨ nu ne wo bǝ:"Ⱳá sá amǝgbǝtɔvia ne amǝwo i amǝwo la wui, ne ikua, anyɔn có amǝkukuwo mǝ ŋkeke amǝtɔn an gbǝ." ³² Ʋɔa wo ŋle se ye nyɔn ná gɔmǝ o. Ⱳó gbe le vɔn vɔn ne wabiɔse. ³³ Ƴe wo va Capernum. Ke wó le axóamǝ dɛa, ǝbiɔ ye dekprɔviwo bǝ:"Nu ke ŋun mi le xonu co ke migbɔnɔn an?" ³⁴ Ʋɔa wo dobǝ wo le biɔ wo ɗekiwo se gbɔnɔn bǝ nɛ ǝnyi amǝ cici man. ³⁵ Ƴi ikanrin í yɔ ye dekprɔvi wuiveawo bɔ, í nu ne wo bǝ:"Ne amǝɗe le jí bǝ yé anyi kélé-kélé tɔa ǝdo lá ci ŋgbe ne amǝsiamǝ í súbɔ amǝsiamǝ." ³⁶ Ɨ icɔ devi ɗeka dé wo doŋdoŋmǝ. Ɨ lé devia yé lɔ gbragbra mǝ í nu ne wó bǝ: ³⁷ "Amǝsiamǝ kǝ la xɔ devila sigbǝ bǝ mi le kpɔɛ ǝne lǝ ti ŋkɔ mǝ an, xɔ nyǝ ca, i ne amǝɗǝ xɔ un an, ǝnyi nyǝ dekin í í xɔ o, vɔa ǝxɔ amǝkǝ dɔŋun vaa ca." ³⁸ Ƴohanes nu be: "Axotɔ mikpɔ amǝɗeka nyan gbɔngbon vɔɛ le tɔ ŋkɔ mǝ, ye mi gbǝ́ nɛ dobe ŋle kpra mi do o." ³⁹ Ʋɔa Yesu bǝ:"Mi ǝka tumɔ nɛ o, do amǝ de ŋka teŋun wɔ edɔ ɗe le tiŋkɔ mǝ í la gbe nu nyɔn vɔɛn co unŋunyin o." ⁴⁰ Amǝsiamǝ ke ŋnyi mia ketɔ o a nyi miatɔ. ⁴¹ Amǝsiamǝ ke lá ná mixi dobǝ mi nyi Kristo tɔa, un le nui ne mi lǝ ǝnyɔn dodo mǝ bǝ, axɔ́ ye fin tutu. ⁴² Amǝsiamǝ ke la kprɔ ɗevi ke xɔjinyinse wo ɗe enuvɔɛn mǝ an wa bra ǝkpe gangan deka de kɔ́nɛ icɔɛ dankpin de axu mǝ. ⁴³ Ŋe tɔ́ lɔ́ lé kprɔ wó ɗe ǝnu vɔɛn mǝ an, na cɔé dankpin, ⁴⁴ Ǝnyɔn wú bǝ na jiŋkori kide alɔ coco bǝ na wɔ alɔ dɛ í yi ǝzo mavɔ kide ǝzo maci maci mǝ. ⁴⁵ Ŋe inyi tɔ́ fɔ́ í a, coé dankpiŋ, do anyɔn ne wo wu bǝ na yi agbǝ mavɔ mǝ kide afɔ cɔcɔ, bǝ na wɔ afɔ dɛ yi woa cɔ wo dankpiŋ de ǝzo mavɔ mǝ. ⁴⁶ [ Ɗeca ye nu ŋrɔn tɔwo ŋrɔbǝ toxo 44-46] ⁴⁷ Ŋe tɔ ŋkuvi ye ila tútú wo ɗe enu vɔɛn mǝ an, ɗé dankpiŋ, do ǝnyɔn wu be na yi Mawu ye fiɔduxo mǝ kide ǝkuvi ɗeka bǝ na wɔ ǝkuvi amǝvǝvǝawo dɛ í yí zo mavɔ mǝ, ⁴⁸ le fi ǝzɔ ŋcinǝ le gbǝde a o. ⁴⁹ Ɗɔ ǝzoa la fiɔn amǝsiamǝ. ⁵⁰ Ejé nyɔn, vɔa ne ibu ye vivi sǝsǝ, nu kee wa gbǝ́ coɛ wɔ. Mina ne vivi sǝsǝ na nɔn miámǝ í mian nɔn ŋtifafa mǝ kide mian dekiwo.