ATCHAMADO_BEN-aug_ezr_text

Ǝ̀ta 8

¹ Homən yə́ tatɔ́wó kídə́ amən kə yi ə̀hɛnuánwó Babylone kídə́ŋ wó jijimə wó kə́, lə ə̀fiɔ Artashasta yə́ fiɔ ɖuɖu gamə. ² Pinexas yə́ víwó, Guerschom; Ithamar yə́ víwó Daniel; David yə́ víwó, Hatthusch, Schecania yə́ víwó; ³ Pareosch yə́ víwó, zàchárìà, í kídə́ə̀və̀ ŋúncu alɔfán ɖə́ká kídə́ hòoka cíiwó kə wó ŋrán; ⁴ Pachat Moab yə́ víwó, Eljoénaï, Zerachja yə́ ví, kídə́ ŋúncu kàtɔ́n; ⁵ Schecania yə́ víwó, Jachaziel yə́ víwó, kídə́ ŋúncou alɔfán ámə̀tɔn; ⁶ Adin yə́ víwó, Ébed, Jonathan yə́ ví, kídə́ ŋúncu hòoka ci wó. ⁷ Élam yə́ víwó, Èsáyà, Athalia yə́ví, í kídə́ə ŋ́cu kakítakpocíwó; ⁸ Schéphathia, Zebadia, Micaël yé ví, í kídə́ə ŋ́ncu kavə̀; ⁹ Joab yə́ víwó, Abdia, Jehiel yə́ ví, í kídə́ə ŋúncu alɔfán ámə̀və̀ kídə́ wíinyin; ¹⁰ Schelomith yə́ víwó, Josiphia yə́ víwó, kídə́́ə, ŋúncu alɔfán ɖəká kídə́ kakítakpo; ¹¹ Bébaï yə́ víwó, Zàkárìà, Bébaï yə ví, í kídə́ə ŋúncu ənrùvɔnyin; ¹² Azgad yə́ víwó, Jochanan, Hakkathan yə́ ví, í kídə́ə ŋúncu alɔfán ɖə́ká kídə́ áməwó; ¹³ Adonikam yə́ ví wó,ŋgbə́sí tɔwó kə wó ŋ́kɔ́ wó nyin: Eliphéleth, Jeïel kídə́ Schemaeja, í kídə́ wó ŋúncu kakítakpo; ¹⁴ Bigvaï yə́ ví wó, Uthaï kídə́ Zabbud, í kídə́ wó ŋúncu kakítakpo cíiwó. ¹⁵ Ŋ bɔ wó lə ə̀tɔ kə lə cayi Ahava gbɔ, í mí cí ləhúnan nə́ ŋkə kó ámə̀tɔn. Ŋ lə́ ŋkúví də́ dùkɔ́á ŋún kídə́ vɔ̀sátɔ́áwó ŋún, í nyə ŋ́ kpɔ́ léwù ɖə́kín ləə̀nan ò. ¹⁶ Zə̀ɖə̀ká ŋ yɔ ə̀fiɔ Éliézer, Ariel Schemaeja Elnathan, Jarib, Elnathan, Nathan, Zàkáríà kídə́ Meschullam, kídə́ ɖɔ̀ɔ́kítá Jojarib kídə́ Elnathan wo E ¹⁷ Í ŋdɔ́wó səyi ə̀fiɔ Iddo kə́ lə́ Casiphia gbɔ, ŋcɔ́ ə́nyon kə wóánú nɛn Iddo kíɖə yə́ fófówó kə́ lə́ casiphia də́ wónúmɛn, bə́ nɛ́n wóatəŋú kprɔ dɔcɔviwo va Mawu nyə́ xomɛn. ¹⁸ Kə́ ínyí bə́ Mawu yə́ lɔ sinŋ lə́ míajiá, wókprɔ Scherebia amɛn sənu gomɛn, kənyí Machi kənyí Levi kənyí Israel yə̀ via kídə́ ə̀fiwó kídə́ yə́ fófóáwo va wónyí amen wíə́nyí; ¹⁹ Haschabia kídə́ Esaïe kə́ co lə́ Merari nyə́ víwó men kpə́də́ŋú, wó fófówó kídə́ wó víwó yi amɛn ə́wi; ²⁰ Lə́ cɔ́cì xɔmɛn dɔ́wɔ́tɔwo kə́ David kídə́ amenganwo cɔ́ də́ Levitɔwo fɔnuán, wóyɔ́ amen kàtɔn kídə́ ə́wí ŋkɔ. ²¹ Lə́ Abava yə́ tɔ́á gbɔ́á, ŋbíɔ́ có amɛn siá mɛn gbɔ bə́ míáwo kúkú ɖə́ɖə́ yə́ nubrábrá lə́ Mawu yə́ ŋkuvimɛn, í bíɔ́ɛ́ míáŋtawo miaviwo kidə́ mia cinɔn nuwó seé də àsímen nɛ́n lə mia gbə́ji yiyia mɛn. ²² Əŋu lə kpiŋ bə mabiɔ́ co fiɔagbɔ bə náɖɔ́ amɛn kprɔlawo kidə sɔjawo ɖə́ miayomɛn nɛ́n woa də́mí lə futɔwó lɔmen lə mia mɔnzɔnzɔn mɛn, dóá mí nunɛn fiɔa bə: mia Mawu yə́ si lə amɛn sia men kə jinɛn anji kidə́ wó nyonyon, vɔ̀à yə́ ŋ́sɛn kidə yə́ xomɛnfiɛ́n lə amɛn kə gbənɛanwo ji. ²³ Yə́ ídɔ mi bránu, iyɔ mia Mawu ŋkɔ. Ítɔ nɛn mi. ²⁴ Ŋcán ə̀tatɔ wiə̀və̀ lə́ vɔ̀satɔ gánŋganwó men, scherebia, Haschaba, kídə́ wó fofo ámɛnwo ɖə́káwó. ²⁵ Ŋda lə wó ŋkuvimɛn, ə̀hó cika kidə ə̀dɔwɔnuwo kə ə̀fiɔa, yə́ aɖaŋ ɖə́láwó kídə́ yə́ tatɔwo kidə́ Israëltɔwo séé kə mikpɔwa nan. ²⁶ Ŋcɔwo də́ àsimɛn nə́wo, ə̀hoá lə́ kpinkpin alɔfan ámadin kídə́ hoka ci àtɔn men, ə̀dɔwɔnúanwo lə́ ə̀ho kpinkpin alofan ɖə́ka, ²⁷ Cika kɔfu ə́wi kə́ lə́ ə̀ho cika yə́ kpinkpin toho alɔfan amə́wo mɛn kídə́ gajín zə́ amə̀və̀ kə́ nɔ àfí sigbə́ cika nɛn. ²⁸ Í ŋnu nɛn wó bə: Yəhowo tɔ í minyi; ɔ̀dɔwɔnuawo kɔ, í əho nan kídə́ nan wónyi faàn nɛn Yehowa, mia dadawo Mawu. ²⁹ Mijə ayé í minɔn miafɔwo ji, vasə́də gbəkíkə mia dawo lə vɔ́satɔ gánŋgánwo tatɔ kidə Levitɔwo kídə Israëlviwo xomə tatɔwo gbɔ lə Yerusalem lə mia Mawu yɔ́ xomɛn. ³⁰ Í vɔ́sátɔ́wó kídə́ Léwìù wo xɔ ciká kídə́ ənúzánzán wó də́ ə̀hó tohó, nə́ wóá cɔ́wó yi Yèrusalɛ́ɛ̀m, lə míán Máawú yə́ xómən. ³¹ Mí có lə Ahava tɔa gbɔ nən míán yi Yèrúsalɛ́ɛ̀m, woeretí kə́lə́kə́lə́ tɔa yə ŋkəkə wúvəà. Míán Máawú yə lɔ lə́ míán jí í ì lə ɖə mí lə kətɔ́ lomən kídə́ ənú jɔdámən jí wó mən lə əmɔn zɔnzɔan mə. ³² Mí vá ɖó Yə̀rúsalɛ́ɛ̀m, í mí gbɔn ŋkəkə áməntɔn. ³³ Ŋkəkə nən an məán, mí da ə̀ho, ciká, kídə́ ənú zánzán wó lə míán Máàwù yə́ xómən,kə wó mí cɔ́ nən Merómoth, Urie yə́ ví, kə nyín vɔ́sátɔ́á; Éléazar, Phineas yə́ ví, í kídə́ wó Léwùì Jozabad, Yósùà yə́ vi, kídə́ Noadia, Binnuï yə́ ví wó. ³⁴ Kə wó jro núsíanú kpɔ́á, ə́gbə nyín hɛnhrəmə ià, kpənkpən i à,wó tə́jú ŋrɔn kpənkpən nə̀n nústanú. ³⁵ Lə̀lə̀víwó kə gbɔ có gbə́jíwóá sáàvɔ nə́n Israɛl yə́ Maawu kídə́ lalá cú wíìvə̀ də́ Israɛl séé nu, àgbò kavə̀ciùwocíadən, arɛ́ngbɔ́wí kakítakpo cúwó cíadrə, kídə́ gbɔ̀cù wúvə̀ sigbə ənú kɔkɔ vosá ɖə̀síàɖə sigbə vɔ̀sánú nən Yə̀hówà. ³⁶ Wó cɔ́nə́n ə̀fiɔ yə́ gbəɖəwó nə́n yə́ŋúntímən wó kídə́ amən kə kpɔ́nə́n ə̀dù yə̀ doɖówó jí ə̀tɔa yə́ kpáalə́ xó, wó kə cɔ́nən bùbù nən dùkɔn án kídə Máawú yə́ xómən.