¹ Lə ənú inawó ŋgbə́á, lə Artaxerxés yə́ fiɔ ɖuɖu gamɛn, Pérsìà fiɔ, yé í Esdras va Seraja yə́ ví, Azaria yə́ ví, Hilkija yə́ ví, ² Schallum yə́ ví, Tsadok yə́ ví, Achithub yə́ ví, ³ Amaria yə́ ví, Azaria yə́ ví, Merajoth yə́ vi, ⁴ Zerachja yé ví, Uzzi yə́ ví, Bukki yə́ ví, ⁵ Abischua yə́ ví, Phineés yə́ ví, Éléazar yə́ ví, Aaron yə́ ví, vɔ̀sátɔ́wó yə́ tatɔ́. ⁶ Esidras ŋunan có Babylonù: Scribe í ìnyin váyi í trɔ́ də́ Mòosə̀ yə́ sə́ men, kə Axótɔ́á nááán, Ísràɛ̀l Mawu. Í kə Àxótɔ́, yə́ Mawu, ə́ ləjíá, ə̀fiɔ ɖə núsíanú kə ì bìɔ̀á yə́ mɔ́n nɛn. ⁷ Ìsràɛ̀l vi súgbɔ́, vɔ̀sátɔ́wó kídə́ Lèéwìùwo, ə̀hàjitɔ́wó, ə̀hɔ̀njì kpɔ́tɔ́wó, kídə́ Néthiniwo, cá vá Yə̀rúsalɛ́ɛ̀m, ə̀fiɔ Artaxerxés yə́ xo ámadrə́átɔ́ mɛn. ⁸ Esidras va Yə̀rúsalɛ́ɛ̀m lə ə̀fiɔ yə́ xɔxɔ ámadrə́ yə́ wretí ámàtɔ́ átɔ́mɛn; ⁹ Ə́có lə Babylone ŋkəkə kélékélé lə wretí kélékélé mən, íì va yə̀rúsalɛ́ɛ̀m ŋkəkə kélékélé lə wretí ámàtɔ́átɔ́ mən, kəyə́ Mawu yə́ lɔ yɔ̀nŋ́gbin ləjíá. ¹⁰ Ɖo Esidras cɔ́ yə́ ji í sə́ xɔ enúkpákprá í sə́ cɔ́ Àxótɔ́á yə́ sə́ ə̀dɔwɔwɔmɛn í sə́ kprá ə̀sə́wó kídə́ ə̀sə́də́də́wó lə Ísràɛ̀l vìwó domən. ¹¹ Kpɔ́ wóémá kə ə̀fiɔ Artaxerxés wrɔn ɖiɖá Esidras kə̀, kə nyín vɔ̀sátɔ kídə́ Scribe, kə kpránə́n Àxótɔ́á yə́ sə́ kídə́ yə́doɖówó kə kan ísràɛ̀l a: ¹² Artaxerxés, ə̀fiɔ wó fiɔ, nə́n Esidras, vɔ̀sátɔ́ kídə́ Scribe, kə cɔ́ ɖə̀əkia də́ jìŋkoríwó Mawu yə́ sə́ mən. ¹³ Ŋ nán gbə̀ bə wóá dací amɛn kə nyín Ísràɛ̀l dukɔ́məvíwó ɖɛ́ nə́n wóá yi wó sə́wɔtɔ́wó kídə́ wó Léwùì, kə wó lə tiŋ́ nútomən, í kə wó sɔgbə̀ bə yoá gbɔyi Yə̀rúsalɛ́ɛ̀m kídə́woa. ¹⁴ Ǝ̀fiɔ kídə́ yə́ tóxoɖótɔ́ ámadrə́áwó dɔ́wo vá bə́ nàn và dó Yùùɖà kídə́ Yə̀rúsalɛ́ɛm kpɔ́ də́ tɔɔ́ Mawu yə́ sə́ kə lə tɔɔ́ síwómən an ŋún, ¹⁵ Í nən àá lə́ ə̀ho kídə́ ciká kə ə̀fiɔ kə kídə́ yə́ tóxoɖótɔ́wó nán Ísràɛ̀l Mawu kídə́ àdɔmən nyɔɛn, í kə yə́ nɔnxó lə Yə̀rúsalɛ́ɛ̀m an. ¹⁶ Ə̀ho sééé kídə́ ciká kə àá kpɔ́ lə Bàbylóní yə́ nútomən séééa, kídə́ ənúnánán fàà kə dùkɔ́á kídə́ vɔ̀sátɔ́wó wɔ nə́n wó Mawu yə́ xómə lə Yə̀rúsalɛ́ɛ̀m. ¹⁷ Kə wúá, nàn cɔ́ ə̀ho inan sə́ xərə lalá cúwó, àgbòwó, arɛ́ngbɔ́víwó, kídə́ ənú kə lə və́və́ɖə́ nə́n ənú nánánwó kídə́ ənu nunuwó, í àá cɔ́wó sə́ nán lə vɔ̀sákpə́jí lə mián Mawu xómən lə Yə̀rúsalɛ́ɛ̀m. ¹⁸ Mián cɔ́ ə̀ho kídə́ ciká kə kpɔtɔa sə́ wɔ ənú kə nyɔ́n nə́n mian, wo kídə́ nɔnviwo wó, lə zɔ́nzɔ̀n lə mián Mawu yə́ jijì nu. ¹⁹ Nàn cɔ́ ənúzánzán kəwó wó cɔ́ noo nən tɔɔ́ Mawu yə́ xɔmən dɔ́wó sə́ də́ Yə̀rúsalɛ́ɛ̀m Mawuá yə́ ŋkɔ. ²⁰ Nə́ zànzán búó hínyán kudə́ tɔɔ́ Mawu xóá ŋúán nàn cɔ́ ə̀ho lə əfiɔ yə́ hóɖáka mən. ²¹ Ǝnyən, ə̀fiɔ Artaxerxès, ŋ nán gbə̀ ə̀hòjíkpɔ́tɔ́wó sééé kə lə ə̀tɔa yə́ kpáŋu nuxóá bə́ wóá cɔ́ ənúkə Esidras kə nyín vɔ̀sátɔ́ kídə́ ə̀sə́kpárátɔ́, kə wó cɔ́ də́ jìŋkorí Mawu yə́ sə́á nuan á bíɔ́ mián, mian cɔ́wó nɛn pɛ́pɛ́pɛ́. ²² Kə́kə́ nán sun ə̀ho tàléntò kavə̀takpo əlu báblá kavə̀takpo, vɛɛ̀n ə̀gba ɖə́ká, ami ə̀gba ɖə́ká, kídə́ àcɛkpakpa jə. ²³ Nùsíanú kə jìŋkorí Mawu jíbə́ yəá wɔá mi wɔɛ tútútú nə́n jìŋkorí Mawu yə́ xómən nə́n yə́ xomənfíɛ́n ŋ́ káa ɖíɖí də́ ə̀fiɔxóá mən də́ ə́fiɔ kídə́ yə́ víwó jí ò. ²⁴ Mí lə nán mian nyán bə́ amən ɖə́ ŋ́ kpɔ́ɔmɔ́n í á xɔ ənú jɔjɔ, nɔ̀mí ə̀tahó, nɔ̀mí vàayivàayihó, lə vɔ̀sátɔ́wó sí ò, léwìùwó sí ò, ə̀hàjitɔ́wo, ə̀zə məntɔ́wó, Nèthiniwó kídə́ Mawu yə́ xómən ilá yə́ dɔ́wɔtɔ́wó sí ò. ²⁵ Əwo, Esidra kídə́ Mawu kə əwɔ ɖɛ́á yə́ ŋunúnyányán ŋúán, nàn ɖo kojóɖótɔ́wó kídə́ ə̀sə́wɔtɔ́wó kə lə wɔ̀sə́ nə́n dùkɔ́nwó sééé lə ə̀tɔa yə́ kpáhununxóá, nə́n amənwó sééé kə nyàn tɔɔ́ Mawu yə́ sə́wó; í nàn nan nə́n amən kən ŋ́ dəsi oá nán dəsii. ²⁶ Amənsíámən kə ŋ́ lə wɔ də́ tɔɔ́ Mawu yə́ sə́á jí tútútú kídə́ ə̀fiɔ yə́ sə́jíoá wóá còkúfiɔ nɛ́ɛn, wóá nyɛɛn, wóá kán ə̀hò nɛ́ɛn, nɔ̀nmí wóá déegà. ²⁷ Wóá káfú Àxótɔ́, míán dadáwó Mawu, kə tálɔ ə̀fiɔ yé ji íì kɔ́ Àxótɔ́ yə́ xó də́ə̀, ji lə Yə̀rúsalɛ́ɛ̀m ənə́n, ²⁸ Kə nán í ŋ nyán əfiɔ kídə́ yə́ tóxoɖótɔ́wó, kídə́ wó gán kpənkpənwó wó dɔmən nyɔ́nŋ́gbin wɔwɔa! Kə Àxótɔ́ tiŋ́ Mawu, kə lə ə̀jinyən án, kə yə́ lɔ dóŋ ŋúnsə́n án, ŋ bɔ ísràɛɛl fiɔ wó, gbɔ̀xó nə́n wóá yi kídə́ŋ.