¹ Kə wówɔ jrɔ́à, amẹgánwó gbo təbɔŋ i le nú bə́: Israɛl dukɔa ŋkán dəvo nə Kanantɔ́wó, xititɔ́wó, Perizitɔ́wo, Yebusitɔwó, amɔnitɔwó, Mɔabitɔ́wó, Egytətɔ́wó kiɖə amɔritɔ́wo nu nyɔŋu-nyɔŋwu wo gbɔ o. ² Ɖobə, wóɖə woviwo nyɔrun viwó nə wóví ŋúcuvíwó, i wó cák& ehun kɔkɔa kidə anyigba íláwó ŋu xoɖuxoduá, i aməgánwó kiɖə esẹnyátɔwó i wɔ evɔin ŋra jəŋkɔ. ³ Kə ŋsə ənyɔa, ŋgnin awu vlaya kə ŋdóá, i kaka tiŋ taɖa kiɖə tiŋ́ gə, i kan rɛn i də́ ta gù. ⁴ Í aməkə vɔnvɔn le jí kə wose Mawu ye nyɔa wó va bɔ də́ egbɔ nyə, i ŋkarɛn idə́ta gu de keke fienyí ye vɔsa nududu gamə vá ɖó. ⁵ Kə fienyín vɔsa je gamə vá ɖóà, ŋcó le nuxaxa mə, kidə́ tiŋ́ wu vúvúawó, ijə kro, i kə tiŋ bɔ́wómə nə Yehowa, tiŋ Mawu. ⁶ Í nú bə́: Mawu, eŋu lə kpenŋ sugbɔ, kəkə nyə ŋkatəŋ kpɔ ŋkuvimə nə́ wo o, ɖóbə́ mia vodadawo sugbɔ́, i mia nuvɔnwó diŋdin kəkə iyi jiŋ korí. ⁷ Có mia məgánwó gamə i mi wɔnə nuvɔn kəkə isəŋ va egba la mə; cagbə mia nuvonvo ta i wó cɔ́ mia fiɔwó kíɖə mia ŋkɔnɔntɔ́wó də asi nə anyigbán jí fiɔwó, nə amə gbari gbari, ehɛn dódó, kiɖə ŋkən dódó sigbə nə igbə wɔɖɛ ə́gba enə. ⁸ Xótɔn, Yehowa, mia Mawu və miá nu hɔɛɖə́ká, əkpɔtɔ amə ɖowó nə́ mi, í Mawu ji toxo nə mí le ye xó kɔkɔa mə, cagbe nə atəŋ hun ŋkuvì né mí, i də́ àgbə̀ ramə̀ nə́ mí lə mia súbɔ́vi nyínyí mə. ⁹ Ɖóbə́ súbɔ́viwó í mí nyí, vɔa Mawu ŋgbə́ mí də subɔvinyínyí mə o. Ecɔ́ Persia fiɔ ye nuxohó wo seŋ cɔ́ nə́ mí, cagbə nə miatəŋ səŋ í tú Mawu ye xó; í fɔ́n egri gbangban wó, nə mia vɛ gbɔ də mə lə yuda kiɖə Yerusalɛm. ¹⁰ Ifia ənyɔ kəə́ í miá gbəvá nu nə əwo Mawu? Ɖobə mígbə tɔɔ́ sə́. ¹¹ Ke ə́də́ nə mí tó tɔɔ nyɔnúɖɛ́tɔ́wo jí bə: edù kə mə miyi kɔa nyi ədu xòduxòdu, enumamawo woe i dukɔ́á mətɔ́wó seŋ xoɖui; ¹² Mi ŋká ná nyorun wo vi ŋucuviwó o, í mi ŋká ɖe nyɔ́nrun le wógbɔ́ nə́ miaví ŋúcuvíwó o, mi ŋká rín wó də akɔ́nta ɖə́kɛ&n ji o, nə́ mi wo sə́á jíà mià sɛ́ŋ, miá du ədua ye nuvívíwó í àvà nyi cinɔnú nə mia víwó ¹³ Enú kə jɔ də́ miájí càgbə miá fɔɖəɖə voɛnwó ta, ehiéntó nə mi séŋ sɔ də miá nuvɔnwó nu, ifià kə inyi eneŋ́. ¹⁴ Míágbə dójié í, igbə da lə tɔɔ́ sə́wó jí, igbə bránu kiɖə dukɔn vɔen ŋnawó a? Tɔɔ́ xomə fiɛ́n ŋná ɖuɖu kɔ də́ miájí, í fiɔ́n gúdúgúdú, kə́kə́ í ɖəkín ŋná kpɔtɔà? ¹⁵ Yehowa, Israel ye Mawu, ewɔnə mídodó, ɖobə mia&toó inyi amə kpɛtiá, kə kpɔtɔ ɖɛ, sigbənə ilə əgbamə enə kpɔ́ mí, milə mia nuvɔnwó məɖɛ́ lətɔó mia nuvɔ́nwo mə ɖɛ́ lə tɔɔ́ ŋkúvìmə, i miŋka teŋ jətɔə də́ ŋkɔ nəwo.