¹ Kudə́ amǝkɔkɔ wó kpǝkpə́də́ŋún hácoco ŋúán, ə́lǝ və́və́ɖə́ŋ sùgbɔ̃ bə́ mán ŋrɔnú nə́mí. ² Ɖó, ŋ nyán míán rɔnrɔn fàà kǝ ŋ sə́ kɔ̃nə́ ɖǝ̀ǝkinyɛn də́ǝ̀ji lǝ Màkèdóni tɔ̃wó gblɔ. Ŋ núnə́wó bə́ Àcáyì sɔgbǝ̀ có kə́kə́ kɔ̃nmɛn í míán bíbí í tutu amǝ sùgbɔ lǝ wómǝ bə́ wóá wo ŋ'ɖə́. ³ Ŋtájú dɔ̃ nɔnvíwó bə́ kàfùkáfú kǝ mí cɔ̃nə́ mí ŋ'káa nyí gbàalǝ ò í nə́ mian nɔn gbǝ̀sɔ̃sɔ̃, sigbǝ ŋ níú xóxó ǝnə́. ⁴ Mə́ǝnə́ ò, á nyí ŋkpɛn nə́mí, nə́ ŋvá kídə́ míán nɔnví Màkèdónì tɔ̃wó, ( nyǝŋ' lǝ nú ǝnyɔn ɖǝ̀ có mian ŋún ò) miŋ' sɔgbǝ̀ɖɛ ò. ⁵ Càgbǝ ŋuna tɔá, ŋ kpɔ̃bə́ ə́lǝ və́və́ɖə́ bə́ wóá dɔ̃ nɔnvíwó ɖíɖá mí bə́ wóá kpə́də́ mian ŋún nə́ mian kpaɖí ǝnúnáná kǝ yə́ zə́ miɖə́ nə́míwóá; bə́ nə́ ǝnú náná ŋunawó wá sɔgbǝ̀, lǝ jòjró nyɔ̃nŋgbin mǝ vɔ̃à ŋ'nyí amǝjí zínzín í ò. ⁶ Mí nyɛɛn bə́: amǝ kǝ dóonú hɔɛɖə́ká á ŋə́ǝnú hɔɛ ɖə́ká, í amǝ kǝ dóonú sùgbɔ̃á á ŋə́ǝnú sùgbɔ. ⁷ Hùun amǝsíámǝ ná ná ǝnú sigbǝ yə́ ji xonu nɛɛ mɔ̃n. Kə́ amǝɖə́ ŋ' káa náanú kídə́ vǝ̀və́sǝsǝ kídə́ zìnzín də́ amǝ jí ò. Ɖó Mawu rɔn nǝ amǝ kǝ nánə́ǝnú kídə́ jìjɔ̃à. ⁸ Í Mawu yə́ mǝnúvə́və́wó á gban kɔdə́ mian jí, càgbǝ lǝ ǝnú ɖǝ̀síàɖǝ mǝán, ǝnúwó nálǝ sùgbɔ lǝ mian sí nə́ ǝ̀dɔ nyɔ̃nŋgbin wɔwɔ. ⁹ Sigbǝ wó ŋrɔɛɖɛ bə́: «Ǝ́ mán yə́ dɔkuwó í ná wɔamǝnɔn wó.» Yə́ jɔjɔnyínyí lɛɖɛ tɛgbɛɛ. ¹⁰ Amǝ kǝ nán ǝnúkúdódó yə́ dótɔ̃á kídə́ kpɔ̃nnɔ̃n kǝ à ɖua, á vá ná í wɔɛ bə́ ǝnúkú á jí də́jí . Á jí míán jɔjɔnyínyí yə́ núkú də́jí. ¹¹ Á wɔ míán ji də́jí lǝ ǝmɔ̃n ɖǝ̀síàɖǝ nu càgbǝ mian yiŋkɔ lǝ míán núnyɔ̃ɛn wɔwɔ wó mǝ̀, í nə́ amǝ sùgbɔ ná dáàkpə́ nə́ Mawu. ¹² Ɖó ǝ̀dɔŋnan ŋnán xɔ̃sǝ̀tɔ̃wó hinyán wó ɖǝ̀ɖǝ ò. Í cáá ə́gbǝ nyínə́ jijɔ kídə́ àkpə́də́də́ vɔsá nə́ Mawu . ¹³ Sigbǝ amǝwó káfúmi ɖóeá, mian vá dó Mawu yə́ŋkɔ̃ də́ǝ̀ji tó míán bubu də́də́ Kristo yə́ nyɔn ŋún. Míán gbǝvá dó Mawu yə́ ŋkɔ cà də́ǝ̀ji tó míán dɔnmǝ nyɔ̃nŋgbin yə́ nú náná jí nə́wó kídə́ amǝ ɖə́káɖə́ká . ¹⁴ Lǝ rɔ̃nrɔ̃n gànŋgán kǝ wó ɖó nə́míán , wólǝ xoɖǝ̀ nǝmi. Wó lǝ wɔ ìlá càgbǝ Mawu yə́ mǝnúvə́və́ gánŋgán kǝ lǝ mian jíá. ¹⁵ Wá káfú Mawu yə́ ŋkɔ̃ càgbǝ yə́ nú náná manyán nùnú.