¹ Nɔnvíwó, mí jí bə́ mian ŋyáanú, có Mawu yə́ mǝnúvə́və́ kǝ lǝ wɔ̃dɔ lǝ Màsǝ̀dónì yə́ hámǝ wó ŋún. ² Lǝ wó ranmǝ kúkú wó dodókpɔ̃ gánŋgán wó gamǝán, wó jijɔ gbàngo kídə́ wó yaɖuɖu sùgbɔ vá ji àdɔ̃nmǝ̀ nyɔɛn sùgbɔ. ³ Ŋkpɔ̃ yə́ tohó ɖó wó cɔ̃ wó ŋúnsɛnwó sə́ ná, í kǝgbǝ wúùgan wó ŋúnsɛnwó cá. Í tó wóŋ'táwó jijí nu, ⁴ kídə́ kúkú ɖǝɖǝ sùgbɔ̃á, wó bíɔ̃ có míán gbɔ̃ bə́ míán ná yǝó ǝmɔ̃nnu kpɔ̃kpɔ̃ bə́ yǝó cá yǝó á kpɔ̃ ǝ̀gomǝ lǝ xɔ̃sǝ̀tɔ̃wó dɔ̃á mǝ . ⁵ Ílá ŋ' vámǝ sigbǝ mí bui ɖóá ó, vɔ̃à, kélékélé á wó ŋ'táwó cɔ̃ wó ɖə́kiwó ná Àxótɔ̃á, kídə́ míán wó cá sigbǝ Mawu jíi ɖóá. ⁶ Kə́, mí bíɔ̃ Títò bə́ ná wɔ àdɔ̃nmǝ̀ nyɔ̃nyɔ̃n yə́ dzi lǝ mian gbɔ̃ sigbǝ í tɔ̃jí ǝnə́. ⁷ Vɔ̃à sigbǝ mí wɔnǝ núsíanú lǝ xɔ̃sǝ̀ mǝ, lǝ nuxó mǝ, lǝ ǝnú nyányán mǝ, lǝ vǝ̀və́də́də́ ǝnú mǝ í lǝ míán rɔnrɔn kǝ mí ɖó nə́ míán, mían nɔnŋun cá í yiŋkɔ lǝ ǝnú nyɔ̃ɛn wɔwɔ dɔ̃ inan mǝ. ⁸ Nyǝ ŋ'lǝ zín də́ mian jí ò, vɔ̃à , ŋlǝ núulá í sə́ lǝ ɖó ǝ̀kpə́ míán rɔnrɔn yə́ vǝvə́də́də́ jí í sə́ lǝ sɔ kídə́ amǝ ɖǝ̀á wó vǝvə́də́də́ǝnú . ⁹ Í cá, minyán míán xótɔ̃ Yesu Kristo yə́ mǝnúvə́və́. Nə́ ìgbǝ nyí hòtɔ̃nɔn cáá, ə́cɔ̃ ɖǝ̀ǝkia sə́ wɔ wɔamǝnɔn í tó yə́ wɔamǝnɔn nyínyíán jíá mian zun hòtɔ̃nɔn. ¹⁰ Tó ŋuna jíá, màán vá xòtóɖó nə́mi nə́ má kpə́də́ mian ŋún . Ǝ̀xo ɖə́ká kǝ̀, ŋ' nyí ɖǝ̀ɖǝ̀ bə́ mí tɔ̃ ǝŋ'ɖə́ wɔwɔ ò vɔ̃à mí ɖó rɔnrɔn kídə́ jijí bə́ yǝwó á wɔɛ, mian wó cá mí vá lǝ yə́ vɔxó sigbǝ míán tə́ŋún án. ¹¹ ..................... ¹² Nə́ mí ɖó jìjí bə́ yǝó á wɔ̃dɔ̃á, ǝnú jíjí kídə́ ǝnú nyɔ̃ŋ'gbin í. Ǝ́ɖóá nɔn ǝnú kǝ amǝ ɖə́ká wɔɖɛá jí í ŋ'kàá nyí kǝ ŋ' wɔɖɛá jí ò. ¹³ Ǝ̀dɔɔlá ŋ'nyíbə́ wá sə́ wɔ̃ nyɔ̃ɛn nə́ amǝ dòó í cɔ̃ àgbàn dǝ mian jí ò, vɔ̃à kə́ ǝnú wó ná sɔ. ¹⁴ Mian jidə́jí gàalámǝtɔ ná wɔ míán jijí wó. Də́ǝ̀dùá, nə́ càgbǝ wó jidə́jí ná tə́ŋún wɔ míán jijí wó í nə́ sɔ̃sɔ̃ na lɛ. ¹⁵ Sigbǝ wó ŋrɔɛɖɛ bə́: «Amǝ kǝ wɔɖɛ sùgbɔ ŋ' wɔ ǝŋɖə́ ɖɛ kə́kə́ ò; í amǝ kǝ wɔ hɔ̃ɛɖǝ̀káɖɛ á ŋ' jínə́ ŋ'ɖə́ də́kpin ò.» ¹⁶ Wɔ̃dɔ̃ í míán dó nə́ Mawu kǝ cɔ̃ rɔnrɔn fàà kǝ ŋ jí nə́mi də́ Títò yə́ jimǝ. ¹⁷ Ŋ nyí bə́ ŋ' rɔn míán biɔbíɔ̃ ɖǝ̀ɖǝ̀ í ò kə́ ə́ ɖó jìjí gánŋgán nə́ asə́ wɔɛ. Ǝ́ vá mian gbɔ̃ tó yə́ŋtá yə́ nújró mǝ. ¹⁸ Mídɔ̃ɛ kídə́ nɔví kǝ Mawu yə́ háwó lǝ káfú nə́ Mawu nyɔn núnú án. ¹⁹ Kǝgbǝ wúá, Mawu yə́ háwó í cɛɛn bə́ ná zɔnmɔ̃n kídə́ mí nə́ àwɔ àdɔ̃nmǝ̀ nyɔɛ yə́ dɔ̃ ŋna. Ìlá nə́ Axótɔ̃ ŋtá yə́ ŋtí kɔkɔ, kídə́ míán jijí nə́ kpǝ̀kpə́ŋún. ²⁰ Mí lǝ gbə́ǝnú lǝ ŋúntə́tə́ gbe, kǝ amǝ ɖə́ á dɔnnyɔn kídə́ mí də́ ǝnú nánán fàà kǝ mí lǝ jɔa ŋún. ²¹ Mí jínə́ kòkò bǝ míán wɔnú kǝ ɖó búbúà , ŋ'nyí ɖǝ̀ɖǝ̀ lǝ Ahótɔ̃á yə́ ŋkɔ ò, kə́ vɔ̃à lǝ amǝó cá ŋkɔ. ²² Mí dɔ̃ nɔnví bú cá kídə́wó. Mí dóe kpɔ̃ í mí kpɔ̃ɛ bə́ àfi xɔxɔ ɖə́ lǝŋún lǝ ǝ̀dɔ ɖǝ̀síàɖǝ mǝ. Í ífia, ə́yinǝ mɔ̃njí sùgbɔ çàgbǝ kàkáɖə́jí gánŋgán kǝ̀ǝ̀ɖo nə́ míán. ²³ Títò yàá, ə́ nyí tiŋ' vǝatɔ̃ í nyí tiŋ' kpə́də́ŋún tɔ̃ lǝ̀ dɔmǝ nə́ mí. Míán Nɔnvíwó yáá, Mawu yə́ hámǝ wó í dɔ̃wó. Wó nyí ǝnú dó amǝ də́ǝ̀ji nə́ Kristo. ²⁴ Hùun mí míán díìsá míán jijɔ kpɔ̃kpɔ̃ yə́ taɖójínú nə́mi nə́ Mawu yə́ hámǝ wó.