¹ Wo la yra amɛntsi wo yo nuvɔwo kee, amɛntsi yo nuvɔ dji wo sɔ nu tsɔn. ² Wo la yra amɛntsi Yehowa ŋde bu nuvɔ na o, yi yo gbɔgbɔ mɛan adjeɖaɖa ɖekpekpe ŋde leo. ³ Ɖoŋtsia etsi ŋbɔnu lɔ, axu ŋɛnŋɛn edji edji na axu puwo vovo. ⁴ Doŋtsia axo asi su djinyɛn ŋkeke kudo zanmɛn, nyido kusu ganagana na axu pumɛn pu kpakpakpa. ⁵ Ŋɖeaxu nuvɔwo sɔ fiɔ wò, yi ŋɛŋde sɔ nu tsɔ axu nuvɔwo dji o; ŋnu be, maɖe axu nuvɔ sɔ fiɔ Yehowa; Zeɖeka ofɔ axu nuvɔwo sɔ keŋ. ⁶ Yiŋtso Mawu yo amɛn ganwo ado gbeɖe nɔ le kpamɛn, ɛɛ nɛn etɔ ganganwo ɖɔ tsan lɔ, ŋda yi woa gbɔ. ⁷ Bebexoe yo nyi nu; okpɔ tanyɛ le vevesese mɛn, yi osɔ ɖeɖe kudo djidɔkpɔkpɔ trɔ doŋ. ⁸ Nafiɔɔ nu, yi nafiɔɔ mɔ tsi ela to lɔ wo; naɖe susu nɔɔ, yi axi ŋkuvi la nɔ djiwò. ⁹ Miŋgbe nɔ sigbe esɔ kudo tedji, siwo si nunyan ŋdele tagbɔ nɛnɛ wo o, wo djadjra ɖonu enyi eka kudo numɛnga tsi wosɔ kplanwo, keŋ gbɔxoe wo la va gbɔwo. ¹⁰ Amɛn baɖa kpɔnɔ vevesese sugbɔ, ke amɛntsi ɖoku do Yehowa ŋtsi lɔ, asɔ amɛnnuveve atrɔ doe. ¹¹ Mikpɔ djidjɔ do Yehowa ŋtsi, yi mikafui,mi amɛn djɔdjɔɛwo! Migli kudo djidjɔ, mi amɛntsiwo kpata yo dji to mɔ ɖeka!