¹ David hasinɔ gan. Yehowa, ewo yi ŋsi tso, ŋgbe na ŋu nɛn kpɛnŋ kpɔ gbeɖe o! Sɔ axo dzɔdzɔɛnyinyi lɔ ɖeŋ! ² Ke to ɖo ŋtsinyɛn, ɖeŋ alɔ sɔsɔɛ; nyi agakpe, tsi nyi, sitsoxoe nu, kudo emɔ sɛnsɛn, nɛn naxɔ nu! ³ Ɖoŋtsia woe nyi axu agakpe kuɖo axu mɔ̀ sɛnsɛn, yi nalé axu alɔnu akplɔŋ le axo ŋkɔ lɔ ta. ⁴ Naɖeŋ le dɔ, tsi woɖo nu lɔ mɛn, ɖoŋtsia ewoe nyi axu sitsoxoe! ⁵ Ŋsɔ axu gbɔgbɔ le asiwò mɛn dowɔ; Yehowa, oɖeŋ, wo Mawu nutexoetɔ. ⁶ Ŋtsri amɛn tsiwoe ku do nugbalowo ŋtsi lɔ; ke nyɛn yɛ ŋɖoku ɖo Yehowa ŋtsi. ⁷ Maso aseye, yi djila djɔŋ lé axo amɛnuveve ŋtsi, le etsi yi okpɔ axu hià, yi olé ŋkuvi ɖo axu luvɔ yo haha ŋtsi ta; ⁸ Ŋde sɔŋ ɖo asi nɛn amɛn baɖa lɔ yi osɔ axu afɔ sɔɖo texoe keke. ⁹ Ve axu nu, Yehowa, ɖoŋtsia ŋdo fukpekpe mɛn, fukpekpe na axu ŋkuvi, luvɔ kudo ŋtsilà le gbaza. ¹⁰ Ɖoŋtsia axu agbea nu yi le konyifanfan mɛn kudo axu xoewo huɖeɖe mɛn; ahu nuvɔ na axu ŋsɛn nu vɔ, yi axu puwo vovo. ¹¹ Ŋzu gbɔ ɖinu nen axu hɛntɔwo kpata kudo axu xomɛtɔwo veveɖe ŋtɔ; ŋzu vɔvɔ nɛn amɛtsiwo djesiŋ, yi amɛtsiwo kpɔŋ le kpadomɛn lɔ, sinɔ nu. ¹² Wo ŋlɔ beŋ le djimɛn sigbe amɛn kuku nɛnɛ, yi ŋɖi eze gbangban. ¹³ Ɖoŋtsia ŋse amɛn gbogbo ɖewo yo aseŋkankan be: Vɔvɔ nɛn trɔ doe! wo ɖe susu kudo woa nɔnɔɛwo ɖo ŋtsinyɛ le, yewoa ɖe axu agbe ɖa. ¹⁴ Ke nyɛ lɔ, ŋtsiwò ŋɖo ŋku ɖo, Yehowa ŋnu be, axu Mawu yo nyi. ¹⁵ Axo Simɛn axu agbɛmɛn nyɔwo le, ɖeŋ so axu ketɔwo kudo yonyɛmɛn tsitɔwo Simɛn! ¹⁶ Na axo ŋkumɛn nɛ klɛn ɖo axo dɔla dji, yi nasɔ axo amɛnuveve axɔ nu! ¹⁷ Yehowa ŋgbe na nɛn ŋu nɛn kpɛŋ o, ɖoŋtsia ŋle wò yɔɔ; ŋu nɛn kpɛn amɛn baɖawo, yi wo nu nɛn tɔ kpe le avlimɛn. ¹⁸ Wo la do ga nu nɛn enu tsiwo ɖanadje amɛn tsiwo nunɔ nyɔ ɖigbɔwo ɖo amɛn djɔdjɔɛ lɔ ŋtsi le dada kudo egbɔ ɖiɖi mɛn. ¹⁹ Axo adɔmɛ nyɔnyɔ tsi wó sɔ daɖo amɛn tsiwoe vɔ wó lɔ, etsi woɖe sɔ fia amɛn tsiwo siwó tso le amɛgbetɔ viwo ŋkumɛn lɔ, sugbɔ loo! ²⁰ Wo wlawo ɖo ŋmɛn nuwo le wawlaxoe so amɛnwo yo agladjedjéwo nu, yi owlawo do zavamɛn so aɖehuwɔwɔ nu. ²¹ Woa kafu Yehowa, ɖoŋtsia oɖe axo amɛnuveve fiɔŋ nukunutɔɛ ledu sɛsɛ mɛn. ²² Etsi djidodo ŋde le asinyɛn lɔ, nyɛɛ ŋnu be: wo ɖeŋ djo le axo ŋku mɛn: ke ose axu gbedo doɖa tsi ŋdoɖa nɔ. ²³ Milɔ Yehowa mi amɛtsiwo nyi yo amɛn kɔkɔɛwo kpata; Yehowa kpɔ nyawototɔwo ta, ke eɖo texoe nɛn dadatɔwo yi esu gbɔ nɔwo. ²⁴ Misɛn ŋu, yi edji nɛn nɔ xo nɛn mi, mi amɛn tsiwo kpata sɔ mɔkpɔkpɔ da do Yehowa dji.