¹ Misi kudo djidjɔ, mi amɛn djɔdjɔɛwo ɖo Yehowa ŋtsi: wodji kafukafuha sɔkuɖo nutexoe wɔtɔwo ŋtsi. ² Mikafu Yehowa kudo gakogoewo, yi mixo sankuka amɛn ewotɔ nii! ³ Midji ha yeye nii; mido kpo nu nɛn ehuawo kudo ŋsɛn! ⁴ Yehowa yo nyan etonɔ emɔ ɖeka, yi yo nuwɔwɔwo kpata le etexoe. ⁵ Elɔ djɔdjɔɛnyinyi kudo vɔnudɔdrɔ; Yehowa yo amɛnuveve xɔ anyigbandji gbanŋgbanŋ. ⁶ Yehowa yo nyɔ wosɔ wɔ djipowo, yi yo numɛn gbɔgbɔ wosɔ wɔ nuwo kpata! ⁷ Epotɛ axu sigbe ego men edoe nɛnɛ, yi edjra tɔɖɔɖɔ ɖo ɖo enudado xoe. ⁸ Anyigba kpata lɔ nɛvɔ̀ Yehowa; xixeamɛ tɔwo kpata nɛvɔɛn! ⁹ Ɖoŋtia exo nuxo yi evamɛn edo se daɖɛ. ¹⁰ Yehowa tsaka djukɔwo yo susuɖeɖe mɛn yi egble anyidji djukɔwo yo ɖoɖowo mɛn. ¹¹ Yehowa yo susuɖeɖe le tɛgbɛɛ yi nutsi esusunɔ ɖo djimɛa so djimɛn viwo dji sɔyi djimɛn viwo dji. ¹² Woyra djukɔ tsi nyi Yehowa Mawu tɔ, djukɔ tsi wosɔ wɔ domɛnyinu nɛ yeŋtɔ! ¹³ Yehowa kpɔnɔ nu so djipo ke ekpɔnɔ amengbetɔviwo kpata. ¹⁴ Ele yo texoe le ŋku do anyigban djitɔwo kpata. ¹⁵ Yi nyi amɛntsi wɔ wo djiwo kpata ŋtsi dɔ, yi èlé ŋku ɖo yo dɔwɔwɔwo kpata ŋtsi. ¹⁶ Efiɔ yo djiɖuɖu ŋde le amɛn sugbɔ mɛɔ yi ŋsɛn sugbɔ ŋde kpenɔ ɖo kanlètɔ ŋtsi. ¹⁷ Nɛn eɖo djiɖuɖu texoe lɔ, esɔ ŋde nyinɔ ŋɖekpekpe nɛɔ yi ŋṣɛn tsi si tsan ŋde denɔ etexoe nɛɔ. ¹⁸ Ke xɔa Yehowa yo ŋkuvi le amɛntsiwoe vɔnɛn ŋtsi, amɛntsiwoe le yo amɛnuveve sinu kpɔɔ: ¹⁹ Be yaɖe wo wo luvɔ so kumɛn, yi ya lé wo gbe ɖo te le dɔlélé gamɛn. ²⁰ Miɔ luvɔ le mɔ kpɔɔ nɛn Yehowa, miɔ xɔnamɛntɔ kudo akpo xɔnu enyi. ²¹ Ɖoŋtsi miɔ dji le djidjɔ kpɔɔ le eŋtsi, yi mile ŋdo ɔ ɖo yo ŋkɔ kɔkɔɛ lɔ ŋtsi. ²² Yehehowa axo amɛnuveve nɛn nɔ miadji, sigbe letsi mile mɔ kpɔɔ nɔɔ nɛnɛ!