¹ David tɔɔ. Waŋu djɔdjɔɛnyɛnyɛto, Yehowa! ɖoa ŋle zɔnzɔn le bɔbɔɛnyɛnyɛ mɛ, ŋda mɔnukpɔkpɔ tsinye ɖo Yehowa ŋtsi yi ŋdea kliafɔ. ² Kakaŋu kpɔ Yehowa! doŋu kpɔ, wɔ edjitsinye kudo ayikunyewo wóadje tre mɛ; ³ Ɖoa axo amɛnuveve le ŋkɔ ne axu ŋkuviwo, yi ŋle zɔnzɔn le axo nyawototo mɛ. ⁴ Ŋde nananyi kudo adjeɖatɔmɛo, ŋde yi nɔ kudo amɛyiwo wlanɔ wo seseɖolan mɛo. ⁵ Ŋgbenu le nubaɖawatɔwo be habɔbɔ, ŋde nananyi kudo amɛbaɖao. ⁶ Ŋklɔ alɔnyewo le ɖemanyamanya mɛ, yi ŋyinɔ axo ekplɔn ŋtsi, Ô Yehowa! ⁷ Ne maɖe amɛnuveve edowo fiɔn, yi manu axo nuganwawawo. ⁸ Yehowa, ŋlɔnɔn axo axomɛ yo ŋkeke, afiyi axo bubudodo-amɛŋtsi le. ⁹ Ŋgbe wuu luvɔn tsinye kudo nubaɖawatɔwo tɔ ɖo djuo, axu agbe kudo ewu yo amɛwo. ¹⁰ Yi be alɔwo nyi ekudonamɛtowó tɔ, yi ɖusia lɔ le gbesɔsɔɛ blibɔ. ¹¹ Nye lɔ, ŋle zɔnzɔn le bɔbɔɛnyinyi mɛ; ɖeŋu yi naku ŋzizinu! ¹² Axu afɔ leɖo djɔdjɔɛnyinyi ŋtsi: Masubɔ Yehowa le habɔbɔwo mɛ.