¹ David tɔɔ. Yehowa yi nyi axu kekeli kudo axu ɖeɖekpɔkpɔ mɛde yi ŋda vɔna fifiɛ? Yehowa yi nyi axu agbe yo etatɔ mɛdeyi da dovɔnvɔn djinu? ² Ne nubaɖawatɔwo tsiteɖo ŋtsinyea be ne yowo vuvu axu ŋtsilan, axu ketetɔwo kudo yomɛtila nyewo yi wónyi, wóla klinu adjé anyi. ³ Ne wósɔ laŋnu ɖo ŋtsinyea; edji tsinye ŋde vɔn ŋdekpekpeo; ne wókpe ahua kudoŋua, kakaɖodji lagbe nɔ asi goŋgoŋ. ⁴ Ŋle ŋdeka biɔ Yehowa, yi ŋle djidjiɔ veveɖe ŋdji lanɔn axu agbe ŋkeke kpɔtɛwo keŋkeŋ le Yehowa yo axoe lɔ mɛ, akpɔ djidjiɛ ɖo Yehowa yo nudjɔasu ta kudo. ⁵ Ɖoa éla etanu le yio ekplɔnta le ŋkeke baɖa dji, élasɔŋu wloa ɖo yo gbedoɖaxɔ lɔ mɛ; yii ladoŋu ɖodji le axlixan kpe dji. ⁶ Yi etanye lanɔn dji ne axu ketewo yiwó kplɔ donyea; mawɔ ŋnana ni le yo gbedoɖaxɔmɛ le ekpɛn alɔ yo gbeɖiɖi mɛ; madji eha, akafu mavɔ-mavɔtɔ lɔ, Yehowa. ⁷ Yehowa! se egbe tsinye ŋle yɔyɔ: ku ŋzizi nuŋu yi natɔɔ! ⁸ Edji tsinye le nunuɔ le axo texoɛ be: mídji axu ŋkumɛ! Ô Yehowa! Madji ŋkuwò mɛ, ⁹ Ŋgbe wla axo ŋkumɛ doŋuo, ŋgbe tsutsu axo nukplanvi kudo domezuio! Ówue nyi xɔnamɛtɔ tsinye, ŋgbe ɖeasiŋuo, ŋgbe gbleŋu daɖɛo, ɖeɖekpɔkpɔnye yo Mawu! ¹⁰ Ɖoa etɔnye kudo enɔnye wóle gbegbleŋuɔ daɖɛ voa mavɔ-mavɔtɔ lɔ xɔŋu. ¹¹ Yehowa! fiɔŋu axo emɔ, kplɔŋu le djɔdjɔɛnyinyi yo mɔ lɔ dji ɖoa ketɔnyewo tsi yonye mɛ. ¹² Ŋgbe ɖeasi ŋu ɖo ketɔnyewo yo djidjinyui ŋtsio, ɖoa wótsite ɖo ŋtsinye kudo texo enɔtɔ baɖawo amɛbaɖawo ŋtsi. ¹³ Oh! Ne nye ŋde kaɖo Yehowa yo nunyui wawa djio, le agbeagbewo yo anyigban djio!... ¹⁴ Kpɔ mɔ ne Yehowa! ɖoŋsɛn ɖokuiwò yi axo edji na le ɖoŋtsi! Kpɔ mɔ ne Yehowa!