¹ Hadjitɔ yo tatɔ so Yehowa yo dɔsɔvi David gbɔ amɛtsi gblɔn eha yé be nyɔnwo nɛ Yehowa le gatsimɛ Yehowa ɖe so yo kétɔwo kuɖo Saul yo lɔ mɛ. ² Yehowa nusɛn tɔnyé, ŋlɔn wo! ³ Yehowa agakpe tɔnyé, nusɛn tɔnyé, vovotɔnyé! Mawu tɔnyé, agakpé tɔnyé tsigbɔ ŋbe nɔn ɖo! Akpoxɔnu tɔnyé, xɔnamɛtɔ tɔnyé, emɔ tɔnyé sɛnsɛn a. ⁴ Ŋyɔ Yehowa, amɛtsi djé be woa kafu, yi eɖeŋ so ketɔnyéwo balɔmɛ. ⁵ Eku yo ekawo trɔdoŋ yi esi wadanwo doadji kosonuŋ. ⁶ Kuwodé yo kawo blaŋ, yi eku yo eɖɔwo tsɔnŋ. ⁷ Le xaxa tɔnyé mɛ lɔ, ŋyɔ Yehowa; ŋdaxua nɔn Mawu tɔnyé be nɛkpé ɖo ŋtsinyé. Ese egbetɔnyé le yo tsɔtsi xɔmɛ, yi axua dodo tɔnyé yiegbɔ, yi ɖo tomɛ nyi. ⁸ Anyigban hunhun eto kuɖo (anyinɔwo) tsan hunhun yi wodjo kpékpekpe ɖoŋtsia ebidji. ⁹ Azizɔ le totowɔ le ŋɔntsimɛ ni, ezo toso numɛ ni yi ezoka le gɛngɛnwɔ so egbɔ. ¹⁰ Ebɔ djipo yi ɖi va anyigban; vivitsi tsiritsiri le afɔ gɔnmɛ ni. ¹¹ Enanyi ɖo (kérubi) yi djo; Eɖiɖi kaba ɖo aya yo awada dji. ¹² Exlua yeɖokui ɖo vivitsimɛ, yi edjiɖoɖo kudo lilikpo nyi zava tsi mɛ elea. ¹³ Kéklé tsi le ŋkuvi dji lɔ, ekpedjiwo kuɖo ezokanwo to so lilikpɔ yetɔwo mɛ. ¹⁴ Yehowa ɖe gbe le djipo, yi djipovitɔa lɔ na ese yo gbé. ¹⁵ Edɔ ehuna yetɔwo dada yi kankan wamɛ edɔ edjikézo dada yi tsaka wamɛ. ¹⁶ Etɔwo gɔmɛ zé, yi xixiɛ yo gɔnmɛ ɖokpɛ wo tsi mligoo le axo bublu mɛ O Yehowa ku dɔmɛzi tɔwo yo gbɔngbɔn hɛhɛhɛ ŋtsi. ¹⁷ Edo abɔ dada so edji, leŋ, yi ɖeŋ so esi gbogboɖewo mɛ. ¹⁸ Eɖeŋ so futɔ sɛnsɛn tɔnyéwo lɔmɛ kuɖo amɛtsiwoe lekɛnŋ lɔ wo lɔmɛ ɖoŋtsi wotria gba wuŋ. ¹⁹ Wodje dji nyé le djɔgbe vɔnɛ tɔnye gbe; vɔa Yehowa ŋtsi ŋgbaɖo. ²⁰ Eplɔŋ yi gbadja xoe eɖeŋ, ɖoŋtsia enutɔnyé djɔdji nyi. ²¹ Yehowa wɔ nyui nuŋ ɖo enudjɔdjɔɛ tɔnyé wawa ŋtsi; eɖo etexoé nuŋ ɖoa alɔ tɔnyé mɛ kɔ. ²² Ɖoŋtsia ŋlé ŋkuvi ɖo Yehowa yo mɔwo ŋtsi, yi ŋdewɔ enutovo ɖo Mawu ŋtsi o. ²³ Ɖoŋtsi yo sewo kpata le ŋmɛ nuŋ, yi ŋdeɖe yo ɖoɖo ɖekpékpé ɖa le gbɔnnyé o. ²⁴ Nuvɔn ɖekpe ŋdele ŋtsinye ɖoɖa gbɔ, yi ŋkpɔ ɖokui nyé dji ɖoɖa. ²⁵ Lexa yi Yehowa ɖo texoe nuŋ ké to enu djɔdjɔɛ tɔnyé wawa mɛ ɖoa alɔ tɔnye mɛ le kɔkɔɛ le ŋmɛ ni. ²⁶ Ewa nutexoe nɔn nutexoe watɔwo, ŋde kan nɔn ŋmɛ nɔn amɛtsiŋtsi ŋmɛ kankan ŋde le o. ²⁷ Ŋtsi wo kɔ ɖo amɛkokɔɛ ŋtsi, yi wo ɖenɔn ɖokui o ayétɔ fiɔn nɔn ayetɔwo. ²⁸ Ewoe ɖe nɔn amɛ fafawo, yi bɔbɔ nɔn amɛ djaglawo ɖo anyigban. ²⁹ Ŋ ewoe si kalɛngbɛn tɔnye nuŋ Yehowa, Mawu tɔnye klɛnnɔn ɖo vivitsi tɔnyé mɛ. ³⁰ To Mawu djia natɛnŋ gban ahuakɔnwo, yi nagbe tɛnŋ tsikpo afla egli. ³¹ Mawu yo mɔ nyɔn, Yehowa yo ŋgbedodo nyi enutexoe. Enyi akpoxɔnu nɛ amɛtsiwoe kpata kanɖedji a. ³² Mɛŋde nyi Mawu? nɛ ŋde nyi Yehowa? Yi mɛŋde nyi agakpé a, nɛ ŋdenyi miɔn Mawu lɔ. ³³ Mawu tsi sɔ nusɛn bla alɛndji nuŋ yi na emɔ tɔnye wo djɔ. ³⁴ Ewɔ afɔ tɔnye wo sigbe gatɔwo tɔnɛnɛ, yi kɔŋ ɖaɖo texoe yidji tsile dédéɖe a. ³⁵ Efiɔn ahua wawa alɔtɔnye wo ku susu be. ³⁶ Wo trɔ xɔnamɛ yo akpoxɔnu nuŋ; axo lɔ ɖusi leŋ ɖo te, yi kpekpe ɖo tɔwo wɔŋ ŋtsi amɛgan. ³⁷ Enaŋ gbadjaxoe be maɖeafɔ, yi axiŋ afɔ ŋda ɖiɖi o. ³⁸ Ŋtsi yomɛ nɔn futɔ tɔnyé wo, nyéŋdetrɔ va sɛn ɖo gatsimɛ wo ku keŋkéŋ. ³⁹ Ŋgban wo nyanyanya, ku susu be woŋ da gbe fɔn; wo djannyi ɖo afɔ gɔnmɛ nuŋ. ⁴⁰ Wosɔ nusɛn bla alɛndji nuŋ ɖo ahua wawa ŋtsi, wo na amɛtsiwoe do aɖika kuŋ lɔ wo bɔbɔ nuŋ. ⁴¹ Wona futɔ tɔnye wo trɔ ŋgbodomɛ doŋ, yi ŋwu amɛtsiwoe lékeŋ lɔ. ⁴² Woda xua, be wonɛ kpeɖo yewo ŋtsi; vɔa xɔnamɛtɔ ɖekpekpe ŋde le o. Wo da xua nɛ Yehowa vɔa ŋde tɔ nɔn wo. ⁴³ Ŋtsu wo gudjugudju sigbe hunhun tsi aya lɔ va le yiyiwɔ nɛnɛ, yi ŋsɔ wo danŋgbe sigbe gbeɖiɖɔ nɛnɛ. ⁴⁴ Wo ɖeŋ to le edjuawo yo avunwɔwɔ mɛ; wo sɔŋ wɔ tatɔ nɔn anyigban dji djuwo kpata, edju tsi nyéŋde djesio tsan wo subɔŋ. ⁴⁵ Etsi wose enyɔn tɔnyé kpolɔ, woɖo toŋ; amɛdjrowoe va do eta gu nuŋ. ⁴⁶ Amɛdjrawo gbɔdjɔ, wole tétéwɔ nyanyanya yi woto so texoe sɛnsɛn tsi wo be ɖoa, ⁴⁷ Yehowa lagbe, woa kafu agakpe tɔnye yi woado Mawu tsi xɔ nuŋ lɔ ɖo dji. ⁴⁸ Mawu, amɛtsi biɔ hlɔn nuŋ, yi bɔbɔ edjuwo ɖo afɔ tɔnye gɔnmɛ; ⁴⁹ Amɛ tsi ɖeŋ le futɔ nyewo lɔmɛ, ewoe kɔŋ ɖo dji to futɔnyewo tamɛ, ewoe ɖeŋ tole tamɛsɛntɔwo lɔmɛ. ⁵⁰ Yehowa, nakafu wo ɖo eyé ŋtsi le edjuwo domɛ, yi nadjiha akafu nyikɔ tɔwo, yi na dju ɖuɖu gan yo fiɔ lɔ, yi vé yo amɛsiamina lɔ ku David kudo yo djidjimɛ viwo nu tɛgbɛ.