¹ Hasinɔngan David Yehowa yo subɔtɔ. ² Djipowo le Mawu yo bubu ɖeɔfiɔn, yi djiŋkusi le enyɔn kan kanwɔ so yio dɔwava ŋtsi. ³ Ŋkéké ɖe tonɔn yo nyɔn nɛ ŋkéké bu, yi ezan tsan tɔnɔn yo nyɔn nɛ ezan bu. ⁴ Nuxo xoxo ɖekpekpe ŋdeɖio, enyɔn ɖekpekpe ŋdeɖi o; woŋdesé wabe gbe o. ⁵ Ganke wabe gbe yi anyigban kpata lɔ dji, yi wo nyɔnwo le xixeamɛ yo sɛnxoe etu zava le wamɛ nɔn ewoe. ⁶ Ewoe lɔ woayé sigbe ganvitɔ tsi le totowɔ le yo xɔmɛ nɛnɛ, yi sigbe ŋsu sɛnsɛnɖe nɛnɛ lɔ esɔ yo mɔ ku edju djidjɔtɔ. ⁷ Ezénɔn so djipo yo (l'extremite), yi trɔnɔn godo djonɔn yi yo sɛnxoe; ŋɖe kpekpe ŋɖe benɔn do yo zoxɔxɔ o. ⁸ Yehowa yo se le blibo egbɔnɔn agbe luvɔn. Kankanɖedji le Yehowa yo ɖasé ɖiɖi ŋtsi, enan be gbemɛ tsitɔ djénɔn nunya. ⁹ Yehowa yo enufiɔnfiɔnwo djɔnɔn, wodonɔn djidjɔ nɔn edji. Yehowa yo esédodowo kɔ, wonana be ŋkuvi dji kɔnɔn. ¹⁰ Yehowa yo vɔnvɔn ŋtsi kɔ, enɔn nɔn anyi tegbɛ. Yehowa yo ɖoɖowo le etexoe, wo kpata wodjɔ. ¹¹ Wo nyɔwu sika, wusika ganganwo tsan wovivinɔn wu enyisi wu enyisi tsi le shɔnshɔn so anyigban mɛ a. ¹² Gbewulɔ, eyé gbenɔn enyɔn nɔn dɔsɔvi tɔwoa; fintsu ganɖe lasio wole ɖasimɛ. ¹³ Ke mɛŋdeŋtɔ la tɛnŋ djési yeŋtɔ yo vodadawo? Ɖeŋso vodada tsiwoe wla doŋ lɔmɛ. ¹⁴ Djra dɔsɔvi ɖo so enu vɔn tsiwoe nya kugbɔxoe wa tsan mɛ; ŋgbe na nɛ aɖu djinyé o. Kexuna ŋmɛ kankan ŋdanɔn ŋtsi nye ɔn, yi na nyɔn so edjibaɖa ganganwo mɛ. Na numɛ nyɔn tɔnye wo kudo nugblededé nɛ dje nunɔn, nɛ na xɔ Yehowa, agakpé tɔnyé kuɖo ɖela tɔnyé.