¹ David yo gbedodoɖa. Yehowa, se nɔn enyɔn djɔdjɔe, wɔ ŋɖe la axua dodo tɔnye ŋtsi! Lé to ɖo gbedodoɖa tɔnyé ŋtsi tsi ŋdeso adjéɖaɖa yo numɛ o lɔ ŋtsi. ² Nanɛ afiasoso tɔnye nɛ so gbɔwo. Na nɛ ŋku tɔwo nɛkpɔ enu djɔdjɔetɔ lɔ. ³ Nɛ wodo edji tɔnyé kpɔ, nɛ wova gbɔn nyé le ezanmɛa, nɛ wodoŋ kpɔlɔ, ŋdedjakpɔ vvɔnɖivɔnɖi ɖekpekpe le lanmɛ nuŋɔ. Enu tɔnye ŋde danɔn le eseawo dji o. ⁴ Le amɛgbetɔwo nuwanamɛ lɔ, ŋsɔ axo numɛnyɔnwo sɔ kpɔnɔn ɖokui nyé dji; ŋde xonɔn asa nɛ nutasentɔwo be mɔ wo. ⁵ Afɔɖeɖe tɔnyé wo le ɖo emɔtɔwo wodji vévéɖe afɔtɔnyé wo ŋde ɖiɖio. ⁶ Mawu, ŋle yɔyɔ, ɖoŋtsia wola tɔ nuŋ; lé to ɖo ŋtsinyé nɛ nasé enyɔn tɔnyé wo! ⁷ Ɖe axo dɔmɛnyui fiɔnŋ ewotsi to axo ɖusi djia woɖe nɔn wo le wo futɔwo lɔmɛ. ⁸ Djraŋ ɖo sigbe tsitsi le ŋkuvi dji nɛnɛ xlaŋ ɖo awada tɔwo yo vɔnvɔnli gbɔ. ⁹ So amɛ vɔnɖi tsi woe djibe yewoatrɔnŋ, le futɔ tɔnyé amɛwutɔwo tsiwoe le edo ɖewɔ lɔ simɛ. ¹⁰ Woŋdekpɔ nɔn enuzinzin o, wokenɔn enu tɔnɔn enyɔn vlowo. ¹¹ Wokplɔŋ do; fifielɔ, wotrɔ doŋ wabe ŋkuvi le djinyé be yewoaxlaŋ ɖo anyigban. ¹² Woɖi djaŋta tsile enuɖedjiwɔ be yeavunvun kuɖo djaŋtavi tsi le xa ɖewɔlɔ. ¹³ O Yehowa tsité! kpe akɔ kuwo, xlawo ɖo anyigban! Ɖe agbe tɔnye so amɛvɔnɖi lɔ si mɛ kuɖo eyui tɔwo. ¹⁴ Yehowa xɔ nuŋ so amɛgbetɔvielɔ wo simɛ ku axo lɔ, so amɛtsiwoe gbɔnɔn wo tɔ gomɛ le agbe yé mɛ, le xixea mɛ lɔ yo lɔmɛ. Na nɛ wo xodo nɛɖɔ kuɖo enutsi yi wo djraɖo ɖe nɔn wo lɔ. Na nɛ enu nɛsun wo viwo si, wu letsi enu hian nɔn wo lɔ. Na nɛ woagblé ŋɖe daɖe nɛ wa be viwo. ¹⁵ Ke nyé lɔ nakpa emɔ tɔwo le djɔdjɔenyinyimɛ, yi nɛ ŋnyɔn lɔ axo nɔnnɔn mɛ laɖɔ xoɖo nu.