¹ Yehowa tonɛ Mɔse , yinu be: ² Tonɛ Izraɛlviwo yo asara kpata, yi nanu nɔnwo be: Minɔn kɔkɔɛ, ɖoŋtsi ŋle kɔkɔɛ, enyɛ, Yehowa, mia Mawua. ³ Amɛsiamɛ le miadomɛ nɛbu enɔnlɔ kudo etɔlɔ, yi nɛwɔɖo sabbatiwo dji. Enyɛ yinyi Yehowa, mia Mawu. ⁴ Miŋda trɔɖo legbaviwo ŋtsi O, yi miŋda wɔ mawu gakpo tɔwo O. ⁵ Nɛ milawɔ akpedavɔsawo nɛ Yehowa lɔ, milawɔɛ kudo susu be nɛdje nu. ⁶ Milaɖuii le gbetsigbe yi miwuii , alo yo ŋkegbe; milatɔzo etsi lakpɔtɔ le ŋkeke etɔngɔn gbe. ⁷ Nɛ woɖuii le ŋkeke etɔngɔn gbe lɔ, enyi enu vovo: enuwuwua ŋtsi ŋde kɔ O. ⁸ Amɛtsinɛ laɖuii lɔ, yo vodada lavadji, ɖo egblekɔ nɛ Yehowa yo nukɔkɔɛ lɔ: Wolatsɔn amɛxɔn ɖoɖa le yo dukɔn mɛ. ⁹ Nɛ milaɖe nukuwo le mia dumɛ lɔ, wolaɖatsi texoe ɖɛ tsinɛ ŋda ɖe O, yi ŋda lɔ etsinɛ kpɔtɔ benɛ woaɖe O. ¹⁰ Ŋda gban axo vinku tsinɛ kpɔtɔ tsan O, yi ŋda lɔ etsinɛwo hlin kɔɖo atsia gɔmɛ tsan Ɔ. Wola ɖatsi daɖɛ nɛ wuamɛnɔn kudo amɛdjro. Enyɛ yinyi Yehowa, mia Mawu. ¹¹ Miŋda fĩŋfĩŋ Ɔn, yi miŋda kan nusu alo lable mianɔnɔnwo O. ¹² Miŋda ta axĩn nyikɔ djrodjro O, ɖo wodja xoɖi axo Mawu yo ŋkɔ. Enyɛ yinyi Yehowa. ¹³ Ŋda tafu nɔnviwo O, yi ŋda xɔ nuɖe kudo akpasɛnsɛn Ɔn. Ŋgbena be agbante tɔ yo ga nɛtsi gbɔwo O. ¹⁴ Ŋda xofĩŋ do etokukunɔn , yi ŋda sɔ enuɖe tsinɛ lasɔ ŋkugbangbanɔn sɔdjan anyi O; ɖo wolavɔn axo Mawu. Enyɛ yinyi Yehowa. ¹⁵ Ŋgbe ɖo kodjo gɔnglɔn le kodjowomɛɔn: Ŋda dɔn wuamɛnɔn , alo amɛgan dji O, vɔlɔ wolaso kodjo djɔdjɔɛ nɛ nɔnviwo le ɖoɖoa dji. ¹⁶ Ŋda wɔ lɛguɛdɛ le axo dukɔn mɛɔn. Yi ŋda bla ese ɖo nɔnviwo ta benɛ yaku O. Enyɛ yinyi Yehowa. ¹⁷ Ŋda le nɔnviwo ɖo djimɛɔn; ganke wolagbe enyɔn nii, vɔ nahin ŋda hin nuvuĩn sɔva ɖekewo dji O. ¹⁸ Ŋda wɔ nubaba ɖo yo texoe, yi ŋda le axo dumɛviwo ɖo xodomɛɔn. Wolalɔn nɔnviwo sigbebe woŋtɔ nɛnɛ. Enyɛ yinyi Yehowa. ¹⁹ Milawɔ ɖo axĩn sewo dji. Ŋgbenan nɛ axo elanwo domɛtɔ eve tsinɛ tovo, woalia woanɔnɔnwo dji O; ŋda do nuku vovovo eve ɖo axo gbemɛɔn; yi ŋda do awu tsinɛ wosɔ eka vovovo eve sɔlɔn O. ²⁰ Nɛ nusu ɖe mlɔn nyɔnu ɖe gbɔ, yi yido alɔ ŋtsi , yi nyɔnua nyi amɛxloexloe nɛ nusu bu, vɔ woŋde kpɔ xloe alo ŋde vo olɔ, woladɔn eto nɔnwo, vɔ woŋda ku O, ɖoŋtsi ŋde kpɔ vo O. ²¹ Nusua lasɔ agbo ɖeka sɔva Yehowa yo agbadɔ nu sɔna nuvuĩn yo vodada. ²² Nunɔnla lale avuŋ nii le Yehowa yo ŋkumɛ , ɖo yo vodada ta, le agbo tsinɛ yisɔwɔ nuvuĩn vɔsa ŋtsi, yi nuvuĩn tsinɛ yiwɔ lɔ, wolasɔ kee. ²³ Nɛ miyiɖo duamɛ, yi mido atsiku vovovowo lɔ, milakpɔ atsikuawo be evomasotɔwo nɛnɛ; le exoe etɔn mɛ lɔ, milakpɔwo sigbebe evomasomasotɔwo nɛnɛ yi miŋda ɖuwo O. ²⁵ Le exoe enɛgɔmɛ lɔ, atsikuawo kpata ŋtsi kɔ be woasɔena Yehowa le djidjɔkpɔkpɔwo mɛ. ²⁴ Le exoe atɔngɔn mɛ lɔ, milaɖu atsikuawo, yi milakpɔtɔ lagbɛn wo. Enyɛ yinyi Yehowa mia Mawu. ²⁶ Miŋda ɖu nutsimɛ ehun leo . Miŋgbe kan afan alo lasa zoka Ɔ. ²⁷ Miŋda so mia ɖawo klolo ɖo dodomɛɔn, yi miŋda xlɔ eguin ɖo dodomɛɔn. ²⁸ Miŋda si ehuin ɖo amɛkuku ŋtsi, kudo lata enu ɖo miaɖeke ŋtsi O. Enyɛ yinyi Yehowa. ²⁹ Ŋda xoɖi eviwo nyɔnuvi ŋtsi aɖoe ɖoɖa ahasigbe O, benɛ anyigban latrɔzun gbolo nyigban kudo ŋkpɛnuwo nɛnɔn dji O. ³⁰ Milawɔ ɖo axĩn sabbati dji kudo vɔnvɔn nɛnɔn axĩn kɔkɔɛxoe ŋtsi. Enyɛ yinyi Yehowa. ³¹ Miŋgbe trɔɖo amɛtsiwo yɔnɔn aŋɔnli gbɔ O, alo enukantɔwo gbɔ; miŋgbe djiwo, ku vɔnvɔn be miaxoɖi kudo wo O. Enyɛ yinyi Yehowa ,mia Mawu. ³² Amɛgan taɣe yo ŋkumɛ yi wola nɔte ɖo, yi nabu amɛgan xoxoa. Vɔn axo Mawu. Enyɛ yinyi Yehowa. ³³ Nɛ amɛdjro ɖe vaze axo dumɛ lɔ, miŋda tafuii O. ³⁴ Amɛdjro lanɔn miadodomɛ sigbebe dumɛvi nɛnɛ; milalɔn yo nyɔngbɔ sigbebe miawo ŋtɔ nɛnɛ, ɖo miawo tsan minɔn amɛdjro dumɛ le Egipti. Enye yinyi Yehowa, mia Mawu. ³⁵ Miŋda tafu amɛ alo laɖo kodjo gɔnglɔn, alo laba amɛ le ekadada mɛ alo nudjidjre mɛ alo amidonu mɛ O. ³⁶ Milaɖo enudanu nyuii kudo enudakpe nyuii , efan kudo tsinɛ djɔwo yilanyi. Enyɛ yinyi Yehowa mia Mawu, tsinɛ kplɔmi sɔso Egipti. ³⁷ Milawɔɖo axĩn esewo kudo ɖoɖowo kpata dji, yi milawuaɖo wodji. Enyɛ yinyi Yehowa.