¹ Yehowa xonuxo nɛ Mɔse yinu be: ² Tonɛ Izraɛlviwo, yi nanu nɔnwo be: Enyɛ yinyi Yehowa , mia Mawu. ³ Miŋda wɔ enutsinɛ wowɔnɔn le Egipti yo dumɛ afistinɛ minɔn, yi miŋda wɔ enutsinɛ wowɔnɔn le Kanaanitɔwo yo dumɛ afitsinɛ nakplɔmi yi O: Miŋda kpla wo agbenɔnɔnwo O. ⁴ Milawɔ ɖo axĩn ɖoɖowo dji, yi milazɔn le axĩn esewo dji: Milawɔ ɖo wodji. Enyɛ yinyi Yehowa, mia Mawu. ⁵ Milazɔn ɖo axĩn esewo kudo ɖoɖowo dji: amɛtsinɛ lawɔ ɖo wodji lanɔn agbe to wodji. Enyɛ yinyi Yehowa. ⁶ Amɛɖe le mia domɛ ŋgbe mlɔn anyi kudo yo xomɛtɔ ɖe , benɛ yakpɔ amamɛ nii O. Enyɛ yinyi Yehowa. ⁷ Ŋda kpɔ amamɛ nɛ etɔwo alo enɔnwo O. Enɔnwo yɔ: Ŋdakpɔ amămɛ niiɔn. ⁸ Ŋdakpɔ etɔwo yo srɔn yo amămɛɔn. Etɔwo yo amămɛ yɔ. ⁹ Ŋdakpɔ amămɛ nɛ dadawo, tsinyi etɔwo yo vi alo enɔnwo yo vi , tsinɛ wodji le axomɛ alo egbedji O. ¹⁰ Ŋdakpɔ amămɛ nɛ eviwo yo vi nyɔnuvi alo eviwo nyɔnu yo vi nyɔnuvi ŋtsi O. Ɖo axo amămɛ yɔ. ¹¹ Ŋgbekpɔ amămɛ nɛ etɔwo yo srɔn nyɔnuvi ŋtsi , tsinɛ so etɔwo yo xomɛ mɛɔn. Nɔviwo yɔ. ¹² Ŋdakpɔ tasiwo, etɔwo yo nɔnvi nyɔnuvi yo amămɛɔn. Etɔwo yo xomɛ yɔ. ¹³ Ŋdakpɔ amămɛ nɛ naganwo, enɔnwo yo dada O. Ɖo enɔnwo yo xomɛ yɔ. ¹⁴ Ŋdakpɔ amămɛ nɛ ataviwo , etɔwo yo nɔnvi O. Ŋda gogo esrɔnlɔ. Ɖo naganwo yɔ. ¹⁵ Ŋdakpɔ amămɛ nɛ lɔnxoyɔvi O. Eviwo yo srɔn yɔ: ŋdakpɔ yo amămɛɔn. ¹⁶ Ŋdakpɔ amămɛ nɛ naviwo O. Etɔwo yo amămɛ yɔ. ¹⁷ Ŋdakpɔ amămɛ nɛ nyɔnuɖe kudo evia nyɔnuvi O. Ŋdaɖe eviwo yo vi , alo evia yo vi nyɔnuvi , benɛ yakpɔ amămɛ niiɔn. Axo xomɛtɔwo yɔ: Ehlɔnu nɛ. ¹⁸ Ŋdaɖe esrɔnwo yo nɔnvi nyɔnuvi , benɛ yado asusi djre nii le yo agbemɛ ŋkeke mɛɔn. ¹⁹ Ŋdayi nyɔnu gbɔ le yo asiɖoanyi mɛ benɛ yadɔn gbɔ O. ²⁰ Ŋgbeyi nɔnviwo yo srɔn gbɔ benɛ nado vlo ɖekuiwo O. ²¹ Ŋdasɔ eviwo ɖekpekpe sɔsa avɔ nɛ Mɔlɔki O, yi ŋda do evlo axo Mawu O. Enyɛ yinyi Yehowa. ²² Ŋda dɔn nusu gbɔ sigbebe lesti wodɔnɔn nyɔnu gbɔ nɛnɛ O. Busunu yɔ. ²³ Ŋda dɔn kudo elan asɔ ɖokeo wɔ nunyɔnu O. Nyɔnu ŋda yi elan gbɔ benɛ yadɔn kuduii O. Ŋkpɛn nu baɖa yinyi. ²⁴ Miŋgbe wɔ enunyɔnu yɛwo domɛtɔ ɖekpekpe O, ɖo to enunyɔnu yɛwo kpata tsinɛ dukɔn tsinɛwo ŋnyan le mian ŋkɔ wowɔ mɛ wɔ. ²⁵ Wo dua kpata gble; nadɔn eto nɔnwo ɖo nubaɖa yɛwo ta, yi anyigban latu emɛnɔntɔwo . ²⁶ Milawɔ ɖo axĩn esewo kudo ɖoɖowo dji, yi miŋda wɔɖo enunyɔnu tsɛwo domɛtɔ ɖekpekpe ɖedji O, eduamɛtɔ ɖe looo, alo amɛdjro ɖe tsinɛ le miadodomɛɔn. ²⁷ Ɖo enunyɔnu yɛwo kpata yi amɛtsiwo le eduamɛ do ŋkɔ nɛmi wɔ ke; yi edua gble. ²⁸ Mikpɔ nyuiɖe benɛ anyigban ŋgbe tu miawo tsan ŋgbe, nɛ migble O, sigbebe letsi yitu dukɔn tsinɛwo nɔnmɛ tutugban djeŋkɔ nɛmi O. ²⁹ Ɖo amɛtsiwo kpata lawua enunyɔnu tsɛwo domɛtɔ ɖe lɔ, wolatsrɔn wo ɖoɖa le duamɛ. ³⁰ Mile ŋku ɖo axĩn sedodowo ŋtsi, yi miŋgbeawa ɖo enunyɔnu tsɛwo domɛtɔ tsinɛ wowɔnɛ djeŋkɔ nɛmi , benɛ miado miaɖokue enunyɔnɔnuwo O. Enyɛ yinyi Yehowa, mia Mawu.