¹ Yehowa xo nuxo nɛ Mɔse yinu be: ² Xo nuxo nɛ Izralɛviwo , yi nanu be: Nɛ nyɔnu ɖe fɔ efu yi yidji evi nusuvi lɔ, yiŋtsi ŋde kɔ kakavanan ŋkeke anŋdrɛ, pɛpɛpɛ sigbebe letsi yinɔnɔn asiɖoanyi mɛ nɛnɛ. ³ Le ŋkeke enyigɔngbe lɔ, wolaso evo nɛ ɖeviɛ. ⁴ Elagbenɔn anyi woetri ɖeka kudo ŋkeke amɛtɔn sɔkuɖo asiɖoanyia ta, yi ŋde dja yi Mawu yo agbadɔ mɛɔn, kakavanan gatsimɛ yi yo asiɖoanyi lavayi. ⁵ Nɛdji nyɔnuvi lɔ, elanɔn makɔmakɔ kɔsiɖa eve sɔnŋ, sigbebe yo asiɖoanyi gamɛ nɛnɛ; elanɔn anyi ŋkeke katsi woeadin asɔkɔ yo asiɖoanyi lɔ. ⁶ Nɛ yo asiɖoanyi gamɛa vayi vɔlɔ, ɖo eviɛ nusuvi alo nyɔnuviɛ ta lɔ, elasɔ alĩnvi tsixɔ exoe ɖeka sɔva nunɔnla gbɔ, le Mawu yo agbadɔa ŋkɔ, kudo ahɔnɛ alo peplelu sɔnan nuvuinɖeɖeɖa yo avɔsa. ⁷ Nunɔnla lɔ lasɔɛ savɔ le Yehowa yo ŋkumɛ, yi yilaklɔ yo nuvuin ɖoɖa; yi yo ŋtsi lakɔ sɔso yo asiɖoanyi mɛ. Nɛnɛyi lanyi ese sɔkuɖo nyɔnu tsinɛ dji evi nusuvi alo nyɔnuvi nɛ. ⁸ Nɛ ega ŋde lesi benɛ yasɔ xloe alĩnlɔ Ɔlɔ, eladji peplelu eve alo ahɔnɛ eve, ɖeka nɛ numɛmɛvɔsa yi vegɔnlɔ nɛ nuvuinɖeɖeɖa yo vɔsa. Nunɔnla lale avun le ŋtsi;, yi yilanɔn kɔkɔɛ.