¹ Israelviwo efiɔ eve dji, yi woxɔ wo anyigban le wo si. Anyigba lɔ so Yordan-yotɔ lɔ ye wuezexue gbedji to Arnon-tɔ ŋtsi va sɛ ɖo Xarmon-to ku gbadjixue tsi le wuezexue gbedji lɔ gbɔ. Efɔ tsiwo dji woɖu lɔ domɛtɔ ɖeka yinyi. ² Sixon, eyɛ nyi Amoritɔwo yo fiɔ. Enɔ Xesbon yo djiɖuxuea so Aroer gbɔ le Arnon tɔ ŋtsi to tɔa lɔ yo alɔgo xɔnɖa dji, esɔ Gilead yo mamame ɖo emɛ va sɛ ɖo Yakob-tɔ tsi nyi Amonvitɔwo yo lixo lɔ ŋtsi. ³ Yodjiɖuxue lɔ gbeso gbadjaxue lɔ yi Kinerot-pu ŋtsi le wuezexue, yi wova Djepu tsi le tagba ŋtsi le wuezexue, ɖo ta Bet-Yesimot va se ɖo Pisga-tɔ yo akpaɖeka ŋtsi le gɔmɛ. ⁴ Efiɔ vegɔan nyi Og, Basan-fiɔ. Eye nyi amɛ djɔasu kpɔtɛ tsinɔn Astarot ku Edrei anyigbanwo ŋtsi. ⁵ Yo djiɖuxuea nyi Xermon-to Salxa ku Basan Blibo lɔ, yi keke va sɛ ɖe kaka Gesuritɔwo ku maaxatitɔwo yo lixo dji ke. Gilead yo mamamɛku Sixon, Xesbon-fio yo anyigban tsan le emɛ. ⁶ Mose ku Israelviwo ɖu efiɔ eve yewo dji, Mose, Mawu yo dɔla sɔ wo anyigbanwo na Ruben ku Gad viwo kudo Manase yo to mamame wozun wo tɔ. ⁷ Yosua ku Israelviwo ɖu efiɔ tsiwo kpata le anyigban tsi le Yordan-tɔ lɔyo wueɖoxɔxue gbedji lɔ dji. Anyigban lɔ so Baal-Gad le Lebanon-gɔmɛ va sɛ ɖo Xalakto tsi le gɔmɛ le Seir gbɔlɔ yi. Yosua sɔ anyiggban lɔ na Israel-toawo yi womɛ ɖo toawo ŋtsi, to ɖeka ku etɔ. ⁸ Texue tsíwo anyigban lɔ sɔ ɖo emɛ lɔ woe nyi tonyigban lɔ, yoawo ŋu ku (gbegbe) lɔ. Anyigban lɔ dji nɔntɔwoe nyi: Xititɔwo, Amoritɔwo, Kanaanitɔwo Perizitɔwo, Xivitɔwo ku Yebusitɔwo. ⁹ Israelviwo ɖu du tsiwo gbɔnɔn lɔ yo fiɔwo dji: Yerixo, Ai tsi tɛ ɖo Betel ŋtsi; ¹⁰ Yerusalem, Xebron; ¹¹ Yermut, Laxis, ¹² Eglon, Gezer. ¹³ Debir, Geder, ¹⁴ Xorma ku Hrad. ¹⁵ Ebuwo nyi: Libna, Adulam, ¹⁶ Madeda, Betel. ¹⁷ Tapua, Xefer, ¹⁸ Afek ku Saron. ¹⁹ Ebuwo tsan nyi: Madon, Xazor, ²⁰ Simoron-Meron, Axsaf. ²¹ Tanase, Megido, ²² Kedes, Yokneam tsi le Karmel-to gbɔ ²³ Dor tsile Dor-xuta, Gilgal-du vovovowo ²⁴ ku Tirza. Fiɔwo kpata yo hlɛhlɛme nyi katsiwue ɖeka.