¹ Etsi Xazor fiɔ Yabin se le tsi Israelviwo le duwo dji du ɔ lɔ, edɔ amɛ ɖo ɖa Madon fiɔ, Yobab ku Simron fiɔ kudo Axsaf fiɔ. ² Edɔ amɛ ɖoɖa fiɔ tsiwo le tonyigbawo dji le djibemɛ etsiwo le gbadjaxue ku etsiwo le gome le axuta tsi gogo Dor ŋtsi lɔ. ³ Nɛnɛ yi woɖɔ amɛ ɖoɖa Kanaanitɔ tsi wo le wuezexue ku wueɖoxɔ, ɖoɖa Amoritɔwo, Xititɔwo, Perizitɔwo ku Yebusitɔwo le tonyigban dji kudo xivitɔ tsiwo le Xermon to lɔ yo gomɛ ku etsiwo le Mizpa nyigban dji lɔ tsan. ⁴ Nɛnɛ woho ahua ku wo ahuakɔnwo kpata bibibi. Wosu gbe sigbe axuta kɔ nɛnɛ; esɔwo ku ahuawahɔn le woa si gbanŋgbanŋ. ⁵ Efiɔ yɛwo kpata xo xu wo ahuakɔnwo ɖo ɖeka ye wova wa zava ɖo Merom tɔ lɔ gbɔ be Yehowa ahua ku Israelviwo. ⁶ Yehowa to nɔn Yosua be: Ŋgbevɔn wo o. gbɔxue esɔ gayemɛ laɖo lɔ, Mawu wo kpata nɛ Israel miana wo sɔwo wo ata latui, yi miatɔ zo wo ahuawahuɔnwo. ⁷ Yosua ku yo ahuakɔwo vo xo do wo dji kpoyi le Merom tɔ lɔ to, yi wa ahua ku wo. ⁸ Yehowa na Israelviwo ɖowa dji. Wonya wo ɖo nu vo sɛ ɖe Sidon ku Misrefot Mayim kudo Mizpa gɔmɛ le wuezexue gomɛ. ⁹ Wowu wo keŋkeŋ; woŋdegbe amɛ ɖeka tsan daɖɛ o. Yosua na wo sɔwo ata tu yi wo tɔ zo wo ahuawahuɔnwo, sigbe letsi Yehowa toe nɛnɛ. ¹⁰ Le yo ŋgbedomɛa, le gaxoxomɛ tututua Yosua xɔ Xazor yi wu dufiɔ lɔ ku wui. Gaxoxo xɔn mɛa Xazor nyi fiɔɖuxue xɔnwo kpata yo ta. ¹¹ Wowu amɛ sia amɛ le dua mɛ, woŋde gbe amɛ ɖe ɖɛ o, yi wotɔ zo dua. ¹² Yosua ɖu duawo kpata ku wo fiɔwo kpata dji, ewu wo ku wui yitrɔn wo gbidigbidi sigbe letsi yi Mose, Yehowa yo dɔla lɔ to ni nɛnɛ. ¹³ Ke Yosua ŋde tɔ zo du tsiwoele to yɛ o lɔ dji; Xazor ɖeɖe kpoe to zo. ¹⁴ Israelviwo tsan enutsi anyiwo ku lanhawo le duawo kpata mɛ; wowu amɛ sia amɛ kuwui woŋdegbe amɛ ɖeka pɛ tsan daɖɛ o. ¹⁵ Nu tsi Yehowa to nɛ yo dɔla Mose be nɛwa lɔ yi Mose tsan to nɛ Yosua be nɛwa, yi Yosua wa ɖo dji. Ewa nu tsiwo kpata Yehowa to nɛ Mose be nɛwa lɔ pɛpɛpɛ; ŋdeɖe eɖele emɛo. ¹⁶ Lexa yi Yosua xɔ anyigban lɔ kpata. Anyigban lɔ so tonyigbanwo ku yo gomɛwo, Gosen-nyigban blibo lɔ. ¹⁷ Anyigban lɔ gbeso Xalak-to tsi le gɔme gbedji le Seir gbɔ lɔ dji yi kaka Baal-Gad le edji gbedji va sɛ ɖo Lebanon gɔmɛ tsi le gɔmɛ gbe nɛ Xermon to lɔ gbɔ. Eso wo fiɔwo kpata wa amɛ xlexle exo wo yi wu wo. ¹⁸ Yosua wa ahua ku fiɔ xɔnwo yotexue djidji. ¹⁹ Djuawo dometɔ ɖekpekpe ŋdewa ŋtsifafa ku Israelviwo o, negbe Xivitɔwo kpo. Woawue nɔn Gibeon ke du buwo kpata yɛ lɔ, ahua wowa ku wo gbɔxue xɔ wo. ²⁰ Yehowa ŋtɔ yo ŋɖoɖo wo nyi be woasɛ dji mɛ be yewoawa ahua ku Israelviwo bena to axɔn me lɔ, woatsrɔn wo keŋkeŋ ŋsisimakpɔ tɔe. Lexa Yehowa to nɔn Mose be woawa. ²¹ Gaxɔme lɔ, Yosua yi vatrɔ amɛ djɔasu tsiwo woyɔnɔn be Anakitɔwo lɔ le tonyigbanwo dji le Xebron, debir, Anab ku etsiwo kpata le tonyigbanwo dji le yuda ku Israel. Yosua trɔn wo ku wo duawo keŋkeŋ. ²² Anakitɔ ɖekpekpe ŋdegbekpɔtɔ le Israel-nyigba dji o, neglo Gaza, Gat ku Asdod kpoe yi viɖe wo gbenɔn. ²³ Lexa Yosua xɔ anyigban lɔ kapta sigbe letsi tututu Yehowa toe nɔn Mose nɛnɛ. Yosua sɔ anyigban lɔ na Israelviwo sigbe wo domenyinu nɛnɛ, yi womɛ nɔn toawo kpata, to ɖeka ku yetɔ. Anyigban lɔ kpɔ gbɔdjuɔn so ahuawawa mɛ.