¹ Yosua siɛnyi xɔ esue sugbɔ. Yehowa toni be: fifiɛ lɔ wosiɛn, yi woxɔ esue sugbɔ, evɔ lɔ anyigban gbekpɔtɔ gbogboɖe tsiyi le be woaxɔ. ² Anyigban tsi kpotɔ lɔ woe nyi: Filistitɔwo ku Gesuritɔwo yo anyigban kpata. ³ Sokpe ɖo Avitɔwo yo anyigban tsi le gɔmɛ lɔ gbɔ. Wobunɔn anyigban tsi so Sixor-tɔlɔ gbɔ le Egipt yo lixo dji le wuezexue gomɛ vayi djigbe va sɛ do Ekron yo lixo dji lɔ be enyi Kanaanitɔwo tɔ. Filistitɔwo yo djiɖuto amatɔn le du tsiwo gbɔnɔn lɔ mɛ: Gaza, Asdad, Askalon, Gad ku Ekron. ⁴ Kanaanitɔwo yo anyigban lɔ kpata ku Meara, tsi nyi Sidontɔwo tɔ lɔ, vayi kaka Afek le Amoritɔwo yo lixo dji lɔ tsan kpɔtɔ. ⁵ Anyigban bu tsiwo gbekpɔtɔ lɔ woe nyi: Giblitɔwo tɔ, Lebanon blibo lɔ vayi wuezexue gome, so Baal-Gad le Xermon-to yo bali me va se ɖo Xamat. ⁶ Eyɛ lɔ tonyigbadjinɔntɔwo kpata tsiwo nyi Sidontɔwo lɔ ɖo emɛ so Lebanan-towo gbɔ va sɛ ɖo Misrefot Mayim. Nyɛn ŋtɔ ŋle amɛ yɛwo kpata nya gbe le Israɛlviwo ŋkɔ gbɔxue woava do wo nuxue. Wo tuku anyigban lɔ nɛ Israɛlviwo sigbe le tsi ŋtovi nɔn wo nɛnɛ. ⁷ Yeŋtsia fifiɛ lɔ, ma anyigban la nɔn to ne woanyi yo domɛnyinu. ⁸ Ruben-to ku Gad-to kudo Manase-to mamamɛa ye lɔ, Mose, Yehowa yo dɔla lɔ sɔ wo anyigbanwo na wo xoxo. Anyigban yɛ le Yordan-to lɔ godo le wuezexue kpadji. ⁹ Wo anyigban lɔ so Aroer tsi le Arnon-to lɔ to ku du tsi le gomɛ lɔ gbɔ yilɔ Medeba-tonyigban gbadja lɔ kata ɖo emɛ va sɛ ɖo Dibon. ¹⁰ Anyigban lɔ oɛ ɖo kaka Amonviwo yo lixo dji, yi wosɔ du tsiwo kpata dji Sixon, Amori-fiɔ tsi nɔn Xesbon, ɖu lɔ ɖo emɛ. ¹¹ Anyigban lɔ sɔ Gilead, Gesur ku Maaxiti nyigban sɔkpe ɖo Xermon-to lɔ kpata ku Basan bliboa va sɛ ɖo Salxa tsan do emɛ. ¹² Esɔ Og yo fiɔɖuxue lɔ kpata ɖo emɛ. Efiɔ tsi nyi amɛ djɔasu kpɔtɛa tsi kpɔtɔ, yi ɖu fiɔ le Astarot ku Edrei. Mose ɖu amɛ yɛwo kpata dji, yi wonya wo. ¹³ Israɛlviwo ŋdeya Gesuritɔwo ku Maaxxatitɔwo yɛ o. Woawo yɛ wogbele Israɛl nyigban dji va sɛ ɖo egbɛ. ¹⁴ Mose ŋde na anyigbe ɖekpekpe Levi viwo yɛ o, ɖoŋtsia Yehowa to ni be, ne dua lɔ me nu sa avɔ nɛ ye Israel Mawu lɔ, woŋde na vɔsanu mɛmɛ lɔ yo ɖekpekpe Levi viwo sigbe wo domɛnyinu nɛnɛ. ¹⁵ Mose kan anyigban nɛ Ruben viwo sigbe wo domɛnyinu nɛnɛ, xome ɖe kpepe ku etɔ. ¹⁶ Wo anyigban lɔ so Aroer tsi le Arnon-gɔmɛ lɔ, to ku sti le gɔmɛ kpɔtɛkpɔtɛa ku tonyigban gbadja tsi trɔdo Medeba lɔ kpata. ¹⁷ Anyigban lɔ so Xesbon ku du tsiwo kpata le tonyigban gbadja lɔ dji lɔ ɖo mɛ. Duawoe nyi: Dibon, Bamot-Baal ku Bet-Baal-Meon, ¹⁸ Yaza, Kedemot ku Mefat, ¹⁹ Kiryataim, Simba ku Zeret-Sascar tsi le etoa yo bali mɛ. ²⁰ Bet-Peor, Pisga-to lɔ yo baliwo mɛ ku Bet-Yesimot. ²¹ Anyigban lɔ geso du tsiwo kpata le tonyigban gbadja lɔ dji ku Amoritɔwo yo fiɔ Sixon, ame tsi ɖu dji le Xesbon lɔ yo fiɔɖuxue ɖo mɛ. Fiɔ amatɔn ɖewo, tsiwo nyikɔwoe nyi Evi, Rekem, Zur, Xur ku Reba lɔ ɖu anyigban tsɛ yo akpa ɖewo dji nɛ fiɔ Sixon. Gaŋke Mose ɖu fiɔ Sixon ku fiɔ bu yɛwo kpata dji yixɔ wo anyigban. ²² Amɛ tsiwo Israelviwo wu lɔ domɛtɔ ɖeka nyi bokɔ. Wonyikɔ nyi Bileam, yi nyi Beor vi. ²³ Lexa Yordan-tɔsrasra lɔ do lixo nɛ Ruben viwo le wueɖoxɔ gbedji. Woso du ku kɔxue tsɛwo na Ruben viwo, xomɛ ɖekpekpe ku etɔ sibe wo domɛnyinu nɛnɛ. ²⁴ Mose kan anyigban nɛ Gad viwo tsan, xome ɖekpekpe ku etɔ. ²⁵ Wo anyigban lɔ sɔ Yazer ku Gilead duwo kpata, Amonviwo wo anyigban mamamɛ va sɛ ɖo Aroer tsi le Raba yo wuezexue gbedji lɔ do mɛ. ²⁶ Anyigban lɔ gbeso Xesbon va sɛ ɖo Ramat-Mizpa ku Betonim, yi wogbeso Maxanaim va sɛ do Lo-Debar yo lixo dji. ²⁷ Du tsiwo nyi wotɔ le l Yordan-gɔmɛ lɔ woe nyi: Bet-Haram, Bet- Nimra, Sukot ku Zofon wonyi Xesbon-fiɔ, Sixon, yo fiɔɖuxue yo akpa tsi kpɔtɔ lɔ. Yordan-tɔsrasra lɔe nyi yo lixo le wueɖoxɔ gbedji. Anyigban lɔ yi vasɛ ɖo Kenerot-tangba ŋtsi le djigbea. ²⁸ Wosɔ du ku kɔxue yɛwo na Gad viwo xomɛ ɖekpekpe ku etɔ, sigbe wo domɛnyinu nɛnɛ. ²⁹ Mose Kan anyigban lɔ yo akpa ɖena Manase-to mamamɛ, yi xomɛ ɖekpekpe tsi le to mamamɛ me lɔ xɔ yitɔ. ³⁰ Anyigban lɔ so Maxanaim yito Basan-to nyigban mɛ. Og, Basan-fiɔ yo fiɔɖuxue kpata ku Yair- du katakpo tsiwo le nuto me lɔ do mɛ. ³¹ Nɛnɛ ke Gilead-nyigban yo mamame. Astarot ku Edrei, tsiwo nyi duwo le Basan-fi, Og yo djiuxuea m l tsan le me. Wos anyigban tsɛ na xomɛ tsiwo nyi Manase vi. Maxir yo didjimɛviwo lɔ yo mamamɛ sigbe wo xomɛa tɔ nɛnɛ. ³² Lexa Mose Ma Moab-gbegbe tsi le Yerixo yo wuezexue gbedji le Yordan-tɔsrasra lɔ godo. ³³ Mose ŋdekan anyigban ɖekpekpe nɛ Lewi viwo yo to lɔ yɛ o, doŋtsia yehowa to be nɛ dukɔ lɔ ŋde mɛ nu sa vɔ nɛ yeolɔ, vɔsnau lɔ yo akpa ɖe nɛnyi Levi viwo tɔ.