¹ Zeɖeka, Hiob doŋtsi nu be: ² Nɛn wola da dɔmɛnzoe tɔnyen, yi wola da dɔmɛnzoe tɔnyɛn, yi wola sɔ fukpekpe tɔnyɛn ada ɖo djidjenu dji ɖe! ³ Ke fifiɛ lɔ, ele kpɛkpɛɔ sigbe aputa kɔ nɛnɛ, yiŋtsi enya tɔnyɛ le mɔ buɔ ɖo. ⁴ Ɖoŋtsia ŋsɛtɔ yo huan le làmɛ nu, yi ɖi siŋ; yi Mawu yo vɔvɔdjidodowo kpe akudoŋ. ⁵ De gbetedji donɔ axua le egbe mu djia? alo enyisu donɔ axua le nuɖuɖu gbɔa? ⁶ Ɖe wola teŋ ɖu enu wode do edzeo woa? Alo vivisese le koklozi yo xia mɛa? ⁷ Luvɔ tɔnyɛ ŋde dja talɔɛɔ: nuɖuɖu baɖa yi enyi nu. ⁸ OO, ɖe djidji tɔnye nɛn va mɛn, axu Mawu na mɔkpɔkpɔ tɔnyɛ nɛn va mɛn. ⁹ Ɖe ela nyɔ Mawu be ela gbaŋ gudjugudju, ela do ka yo alɔ, yi ela san tɔnyɛ ɖa. ¹⁰ Ela nyi be edji tɔnyɛ la fa be nyɛ dɔnu le kɔkɔɛtɔ yo nyawo ŋtsio yi natsi kpo le veve sese mɛn. ¹¹ Ŋde nyi ŋsɛn tɔnyɛn, be mado dji, yi ŋde nyi nuwuwu tɔnyɛn, be magbɔ dji ɖɛ. ¹² Ŋsɛn tɔnyɛn lɔ, poumen ŋsɛn yi nyia? Yi agbaza tɔnyɛn lɔ, gakpo yi nyia? ¹³ Ŋtsi aya men, yi wode nutsi ŋtsi ŋgbaɖo le ŋtsinyɛ. ¹⁴ Nɛn edji ŋde gbe le adɔmɛn nɛn amɛ aɖe lɔ, ele be xɔlɔ̀wo na fa kɔ ni, nɛn nyi be eɖasi Mawu vɔvɔ. ¹⁵ Nɔvinyɛwo ɖa dze sigbe tɔsasra nɛnɛ; wo dji siwo gbagbago. ¹⁶ Tsiwoe tsi babla nɛn wo blu, yi sika wla ɖo wo mɛn. ¹⁷ Gapopo tsi ɖowo mɛa miɔnɔ, yi nyidɔ hu lɔ, wo texoe ¹⁸ Asisatɔwo dje gbe to tɔgba mɛ yi woku. ¹⁹ Tema mɔzɔtɔwo le xɔ, yi Sebasihawo ɖo ŋu ɖo wo ŋtsi. ²⁰ Ke ŋɖoɖo woa tɔ zu ŋkpɛn, yi etsi wa va xɔa, wo tsi daa. ²¹ Lexa mia tsa, mi ŋde le ɖekpekpe mɛɔ, yi vɔvɔ ɖo mi ɖekpekpe mɛɔ, yi vɔvɔ do mi. ²² Ɖe yi ŋu be: mianŋ nu, yi misɔ nu nɔamɛsi miatɔ sɔ nunana nuan. ²³ Mixɔŋ le ketɔ lɔ simɛ, yi mi xɔŋ movitɔ sim loo; ²⁴ Mifiɔŋ nu yi manɔ anyin kpoo; yi miɖe nutsimen ŋbu mɔ le lɔ nu! ²⁵ Lede yi ŋsɛn ŋdele nyɔtexoe yo nyɔwo men ɖo? Le de yi miɔ nyɔsɔ ɖoamɛŋtsiwo le. ²⁶ Nyɔ nutɔa yi mibe yewoa ɖia? ametsi tsinɔ djia yi nyin. ²⁷ Enu enyi djidjrewɔ wole ɖo tsɔviwo ŋtsi, yi mile xɔ lɔ miatɔwo djrawɔ. ²⁸ Fifia nɛn milɔ lɔ, misɔ miɔ, dji kuɖo ŋtsi nyɛn, nyɛn ŋda ɖadje nɛn miɔ. ²⁹ Mitrɔ djo adjeɖaɖa ŋgbe nɔ emɛn, mitrɔ zu tɔnyɛn ŋtɔŋtɔ! ³⁰ Ɖe yi adje ɖaɖa le aɖe tɔnyɛn djia? yi ɖe axu numen ŋda djesi nu baɖa woa?