¹ Le xɔn yo ŋgbodomɛa, Djɔb va kénu yi xofi do ŋkéké tsi dji wodji a. ² Djɔb to be: ³ Ŋkéké xɔn nɛ vovó, nɛɖi ezan tsimɛ wotobe wofɔ ŋsuvi yo fu ŋtsi. ⁴ Ŋkeke xɔn nɛ do vivitsi; Mawu le djipo ŋgbe biɔ tase nio, yi kékéli ŋgbe klɛn ɖo dji gbeɖe o. ⁵ Vivitsi tsiritsiri nɛ xɔɛ. Lilikpowo nɛ tsɔn dji, zan do zɛve nɛ do vɔnvɔn ni. ⁶ Ezan xɔnɛ lɔ, vivitsi tsiri tsiri nɛ xɔɛ kèŋkèŋ; ŋkéké xɔn nɛ tole exoe mɛ, yi woŋgbe hlɛ ɖo woetri ɖekpekpe yo ŋkékéwo mɛ o. ⁷ Nyɔnu ŋdagbe fɔfu le ezan xɔn mɛ ke o, djidjɔ xua ɖekpekpe ŋda gbe ɖile mɛ o. ⁸ Amɛ tsiwoe xofi do ŋkéké, yi wo sa gbe do Léviathan lɔ, nɛ xofi do ezan xɔn. ⁹ Ŋkéké yitɔ yo woetriwo nɛ do vivitsi, nɛ kpɔ mɔ nɛ kékéli, ganké ɖekpekpé ŋgbe to ŋgbe kɔ woezexoe o. ¹⁰ Ŋɛ nɔn nɛnɛ nɛ ezan xɔn ɖoŋtsi ŋde tsu enyɔnyɛ yo vidjidɔ, yi ŋde na fukpékpé yé wo tomu nuŋ va yi o. ¹¹ Djɔb yiɖodji tobe: "ŋde ŋtsi nye ŋde ku le enɔnyɛ yo xodomɛ o, alo etsi wodjiŋ zéɖéka ɔ. ¹² Ŋdewɔ wokɔŋ ɖo klonu, keŋ gbɔxo le anɔ dowɔ nuŋ. ¹³ Nɛ ɖe ŋké ku gbexɔngbe lɔ. Ɖomanhi fifia na ké vo. ¹⁴ Efiɔwo, kudo anyigbandji mɛganwo wotsu nɔn amɛɖixoe wotɔwo daɖe. ¹⁵ Alo nyɛ kudo efiɔvi tsi wo si sika, alo amɛtsi woe lɔ klosalɔwo ɖo exɔ wo tɔwoa woe lanɔn texoe ɖeka. ¹⁶ Ŋde ŋtsi nyɛ ŋde nyi efu ɖeɖe o. Alo ɖevi tsi ŋde kpɔ kékéli kpɔ woa? ¹⁷ Kuwode, xɔn yi amɛvɔnɖiwo tɔnɔte efunɖeɖe namɛ le, yi amɛtsi wo enutsikɔ na lɔ, kpɔ nɔn gbɔnɖomɛ le xɔn. ¹⁸ Gamɛnɔtɔwo tsan gbɔnnɔ ɖomɛ le xɔn yi amɛdjizitɔ ɖekpekpe ŋde gbe donɔn axua ɖo ta nɔnwo. ¹⁹ Amɛganwo kudo amɛvitsukuiwo sɔ, le xɔn, kluvi vo so axoetɔ lɔ yo lɔmɛ. ²⁰ Ŋde ŋtsi wo na kékéli amɛtsi le aya ɖuwɔ, yi wona amɛtsi yo luvɔn le veve sewɔ lɔ kpɔtɔ le agbe. ²¹ Kudjesu le amɛyéwo djrowɔ, vɔ a woŋde le kpɔkpɔɛ. Wole ku djiwɔ veveɖe sigbe nunɔamɛsi tsiwo wla ɖo anyigban mɛ yi wole kukuiwɔ nɛnɛ lɔ. ²² Wola tsi kpo atsu aséyé nɛ wokpɔ yɔdoa. ²³ Ŋdeŋtsi wona kékéli ŋsu tsi ŋde nya fitsi tsutawɔa, amɛtsi yo ŋkɔ Mawu tɔnkpa, ɖoa. ²⁴ Axi hun ɖeɖe xɔ nuɖuɖu texoe, yi axua tɔnyɛ le kɔkɔ sigbe esi nɛnɛ. ²⁵ Doŋtsia nutsi ŋvɔn nɔa, enyi va wɔŋ, yi nutsi ɖonɔvɔn vɔn nuŋ lɔ yi va gogoŋ. ²⁶ Nyɛŋde kpɔ vɔvɔ djidjɔ, alo gbɔnɖomɛ o, ayaɖuɖudji kpɔ ŋkpɔtɔle.