¹ Gbeɖeka lɔ, Mawu viwo gbe va to ɖo Yehowa yo ŋmɛ, yi Saŋtana tsan gbe le woadomɛ va. ² Yehowa biɔ Saŋtana be: "fiŋde yo so?" Saŋtana ɖoŋtsi be: ŋso saɖigbe le anyigban dji. Ŋɖisa le dji keŋké. ³ Yehowa biɔ se be: wole, ŋkuvi ɖo dɔla tɔnyɛ Djɔb ŋtsia? Amɛɖe kpekpe ŋde sɔ kui le anyigban dji o. Nuvɔn ŋdele ŋtsio, enyi amɛ djɔdjɔɛ, evɔnnɔn Mawu, yi etsri nuvɔn wɔwɔ. Eyɛ kpɔtɔ le nudjɔdjɔɛ wɔwɔ dji, togbɔ be wotɛ ɖo djinyɛ be magble domɛ nyi ŋde kpekpe mawɔmawɔ. ⁴ Saŋtana ɖɔɛ tsi be: gbaza le gbaza texoe, nɛ dji lasio lɔ agbetɔ lasɔ yo nuɖekpekpe asɔna faa be yeatsia gbe. ⁵ Talɔ yo gbazɛ ku yo xu kpɔ bena ɖe naxofi dowo ŋmɛ ku ŋmɛɔ mɛɛ. ⁶ Lexa Yehowa ɖo ŋtsi nɛ Saŋtana ké, ele alɔmɛ nɔ; wɔ ŋɖekpekpe tsi wodjia kui vɔa ŋgbe wui o. ⁷ Saŋtana djo le Yehowa gbɔ, yi sɔ ekpo ɖɔ baɖa daɖo Djɔb dji so afɔtsigɔnmɛ kaka va kɔ ɖo ta. ⁸ Djɔb sɔ koɛnyifanfan bɔbɔ nanyi ɖo vevesese mɛ sɔ akla le ŋtsi kluwɔ. ⁹ Esrɔna toni be: wokpɔtɔ le nutexoewawa dji a? Xofi do Mawu nɛ naku. Djɔb ɖoe tsi be: wole nuxo xowɔ sigbe nyɔnu eklenɔn nɛnɛ. ¹⁰ Nɛ ena nami enuvɔna ɖe, mia dokpɔɛ xɔxɔa? Le nuyɛ kpata mɛ lɔ Djɔb ŋde kenu to nyɔn vɔ ɖekpekpe ɖo Mawu ŋtsi o. ¹¹ Djɔb yo xɔnlɔn amɛtɔ awo se nubaɖa tsiwo kpata djɔ ɖo djia lɔ, yi woɖo gbe dju be ye woa va se veve kui, afa dji ni. Xɔnlɔn a ye woe nyi Eliphaz so Theman, Bildad so Schuach, kudo Tsopâr so Naama. ¹² Etsi wogbɔn le azɔgé ɖalɔ, wokɔda yidji kpɔ Djɔb, vɔ woŋde kpɔɛ djesio yi wotɔ avi ku axua dodo, wozɛn awu wotɔwo, yi wokukɔ kankan ɖo ayamɛ, evakɔɖota nunwo vevesesetɔ. ¹³ Ŋkéké amaŋdrɛ, ezan amaŋdrɛ wolɔlɔ nanyi ɖo anyigban le gbɔ, yi woadomɛtɔ ɖekpekpe ŋde kenu to enyɔn ɖekpekpe ni ɔn, ɖoŋtsi wokpɔe be ele veve sewɔ ŋtɔ.