अध्याय 4
1
इनान कोरीन जेत्यार तिनान आराममा बोरायणेन कोरणेन प्रतिज्ञा ओवी लगन से , तेत्यार आमुहु बीहणु जुवे, ओहलो नी अयणु जुवे , तुमुमा दोखु कुण जण वचीन रोय जाहे !
2
काहाके आमु तिनान सारखो सुसमाचार होमवणे आवलो पुण होमवली वचन दोखो काय फायदु नी ओयो काहाके होमबणेवावा मन मा विश्वास होते नी बोढतो
3
ओवी आमु जिनापोर विश्वास कोन्या, तिना आराम मा प्रवेश करतला , जेहे कोरीन च्या कोयला , मी मारा खन मा कसम खादलु , कि च्या मारा आराम मा प्रवेश करने नी पोडे , इनान कोरीन जगतोन उचली समयमा तेरा काम ओय गोयलो ओतो !
4
काहाके सातवो दिहीन विषयोना च्यु ओहे कोरीन नी कोयु बोगवान सातवेदिही आपणो आखो काम निपटाडीन आराम कोयु !
5
पुण इना जागाहोर यो कोयतलु तुमु मारा आरामोन मा प्रवेश नी कोट सोकतला !
6
जेत्यार यी वात बाकी से , कि कोतरा ओवी से च्या तिना आराम मा प्रवेश कोरहे , एने इस्राएलियो हो जिनाहा तेरो सुसमाचार पेल तिनुहु होमबाड्यु , च्या आज्ञा नी माननेन कारण तीनामा प्रवेश नी कोरया !
7
काया फोसो विषेश दिही ठहोरावलु ओतरा दिहीन बाद मा दाऊदोन पुस्तकोमा ।तिनाहा आजेन दिही कोयतला , जोहलो पेल कोयणेमा आवलो यदी आज तुमु तिनान वात होमबव्हे तेत्यार आपणा मनहो कठोर मा होरहु ।
8
ओवी जेत्यार यहेशु तिनाहा आराम मा प्रवेश कर लेतु , तेतिनान बाहमा दुहरे डिहीन चरचा नी ओयती ।
9
इनान कोरीन जान लेवुकि बोगवानोन माणहोन कोरीन सब्त आराम बाकी से ।
10
काहा के च्या मानहे आराममा प्रवेश ज्या की बोगवानोन सभान आपणा काम पुरी करीन आराम कोरया !
11
इनान कोरीन तिना आराम मा प्रवेश करणेन प्रयत्न कोरहु, ओहलो नी ओए की कुण जन तेरेन सगत आज्ञा नी मानीन पडजाए ।
12
काहाके बोगवानोन वचन जीवतो , मजबुत , एने हर एक दुय धारी तलवार से खुब उत्तम से प्राण , आत्मा को गाठ – गाठ , ओवी गुद – गुद अलग करीन आर पार छेदतलो एने मनन भावना एने विचारो जाँच करतोलो !
13
एने सृष्टी मा काय बी चीज बोगवान दोखी निकायली नींबे जीनाहा आमुहु लेखो आपुणु से तेरा दुवान सामने आँखी चीज खुल्लो एने प्रगट से !
14
इनान कोरीन जेत्यार आमरू एक मोटु महापुजारू से , ज्यु सोरगमा दोखु गोयु आवीन , बोगवान पुरयु येशु , ते आपू आपणा अंगीकार कोरीन मजबुत दोखो थामला रोयल !
15
काहाके आमरू ओहलु महापुजार नी जो आमरी , निर्बता पुर्वक , आमरे हामे दुःखी नी ओय सके , पुण च्यु आखी वतोमा आमरे ते फारखीन गोयु ते भी निष्पाप निकव्यु !
16
इनान कोरीन आवु , आमु अनुगृह सिहासन आहोनो हिमान बांधीन चालु , कि आमु पोर दया ओये , ओवी च्या अनुगृह जुडे , जो गरज के समयमा आमरी सहायता करे ।