अध्याय 3
1
इनान करीन ए पवित्र भाईहो तुमुजो सोरमोन भुलावणो भागी से , तिना चेलु व मोटुलु बुजारू येशुपोर जिनाहा आमु मान्या तिनापोर ध्यान लागाडु ,
2
ज्या आपनु निवाडया करने वावा बुरहा वावु जोहलू मुसा बी बोगवानोन आखो घर मा ओतु ,
3
काहा येशु मुसा ओखु ओतरू वाडीन , महिमा ओतरो समझणेमा आवलो , जोतरो के घर दोखो बठीन आदर मेकतलु !
4
काहा के हर एक घरन कुणणे कुण बोणावणारू सेयतलु पुण च्यु कुण सब काय बोनायु च्यु बोगवान से !
5
मुसा ते बोगवान आखा घरोन चलान होत बुरहावावु रोयु ! जिना वातोन बरणन भायणे वावो ओतो तिनान गवाई आप !
6
पोर मोसीही पुरयान गोथ बोगवानोन घर आधिकार से , अने तेरो घर आमुसे, ओवी आमु धीर पोर एने आपणी आशा के घमण्ड पोर आखरी तोक वातडा रोऐ
7
इनान करीन पवित्र आत्मा कोयतलु अने एवी आज तिनान वाते होमवु !
8
तेतार आपणे मन कठोर मा कोरू जेहे कोरीन खोत कोरणेन समय एने परिक्षा दिहोमा जंगलमा कोरलु ओतु !
9
ज्याहरी तुमरा डायडाया मेहे जास कोरीन पारख्या एने चालीस वरहो तोक मारो काम देख्या ।
10
इनान कारण मी तीना सोमय माणोहो पोर खत कोरुयु एने कोयु इंदरा मन कायम भरकता रोयतला , एने इनुहु मारो वाटहो नी जाणता !
11
तेत्यार मी खतमा आवीन कसम खादयु च्या मारा आराम मा आवी नी सकतला !
12
हे भायहो सावधान रोयु , के तुमरामा ओहलो भुरो एने अनिश्वासी मन नी ओयनुजुवे , ज्यो जीवतु बोगवान दोखु सेटु ली जाये !
13
पुण जिना दिहो तक या आज दिहो कोयनेमा आवतलों . हर दिही एक दिहरा समजाता रोयु . ओहलो नी ओयनु जुवे कि तुमु मा दोखा बी कोतरा मानहे पाप छल मा आवीन ठुकरा खाहे ।
14
कहाकि आमु मसीही भागीदार ओयला से , एने आमु आपणा पेल्ला भुरहु पर आखरी तक मजबुत रोये !
15
जेहे कोरीन कोयणेम आवतलो , एने आज तुमु तेरो वात हमवहे तेत्यार तु तारा मनमा आपणो कठोर नी करे , जेहे करीन खत आपणेन समय करतला
16
हाजो काल्ला माणहोन होमबीन भी खत आपाड्यु , काय च्या आखा नी मुसा खेर दोखा मिस्र मा दोखा आन्या ओता ।
17
अवी च्या चावी वरहे लोगण कालला माणहो खत करणा रोया ! काय तिनाह नी , च्या पाप कोन्या , तेरा धोड जगलमा पड रोयो ।
18
एने च्या कुणीन कोरीन कसम खादयु , एने तुमु मारा आरामना प्रवेश करनु नी जुवे , केवल उनुहु जिनाह वात नी मानी !
19
यो प्रकारोन आमु देखतला कि च्या अविश्वास कारण दोखा प्रवेश नी कर सकतला !