¹ VA RENU VATA RAHO ISAGE 1 Ege da va isage renu vata raho isage eraḡanu, badiva va emene renu vata raho emen vara puki vara, eve tage veite ḡoinu. ² Renu daki oḡo aena Ierusalema isage eraḡanu vava Dirava ḡasina uguhanu, (headava) mabi-va naḡate, herati ḡahi au mobore ie. ³ Renu daka ihi enoḡa rahoa be terona va sena, ga rahoa roma, “Dirava guragu matame ra koita iau ḡasina gera. Auka iau (nomuakae) auki guramima, renu iauka au koita tuhea renu Dirava avaḡu gera iau ruḡa gera. ⁴ Auka nemota iaubada dahugeisa iau niehe, hoḡe ra veite-ra renu uhu huhu are kosaisa, nina tage, se huhu ra veite, uriḡatu kine kohu-aia iabera mu veite ḡahanu. ⁵ Renu terona va guramane raki roma, “Eraḡa, daka iaḡa iaubada ge daki isage ḡahanu.” Mati auka roma, “Write this, ga oi-iabera riaḡa herea renu riaḡa vara.” ⁶ Auki da kiroma, “Auka notuanu! Daka Aleha renu Omega, uriḡoiḡo renu notu-notu. Eia i-roro raḡare, dka maḡuri eia ḡutuare, damu veite moimia vara. ⁷ Hero koita ḡahue-ra, daka au Dirava-ve ḡoisa, auka di moe ḡoisa. ⁸ Eduke, siḡo kotaia, ḡabidadama veite, me miro te koita-vaia, mati ḡa koita-vaia, hei koita-vaia, tarata koitaia iaubada ḡahuaia-bera vene renu teio gohu hoḡe abu ḡahiḡa varamu enu.” ⁹ IERUSALEMA ENA ISAGE 9 Ege aneru iatiriḡa be oroḡi, auka kebe iatiriḡava tobokea huhu kiki ihihe kebevaia, da kiroma, “Oroḡo, Dakena (headava) isage maḡiva, mamoe ḡamika mabare a ḡaiho-nemisa.” ¹⁰ Renu suava da mi-oti, nimu va-vare be ada, da ḡaiho-nemi, oḡo aena Ierusalema vava Dirava sena uguhi oroḡima, ¹¹ Au haira Dirava sena renu abagava ra, abaga-abaga, damu raho te iaḡava renu isapi muniva naḡate negake herea. ¹² Au maḡue rada rade, raho, habava vavare, maḡu idua vara utube hakira abu, idua eigera aneru utube hakira abu gera, ege idua ie ihiva, Isaraela ḡamika iduhu utube hakira abu, ihiva tore gevenu; ¹³ Raurabada kasiva idua abigaḡa, mati mirigini kasiva idua abigaḡa, Diho kasiva idua abigaḡa renu iaha kasiva idua abigaḡa. ¹⁴ Renu oḡo raho e habava ḡavarava ra utube hakira abu, iau ihera mamoe ḡamika Apostal vea utube hakira abu iau ihea iabera. ¹⁵ Ege negu da ga ḡahane aneru adehe gera, roha mimi iaḡa iabera goloa kine bera, oḡo renu idua mati maḡu e roha-geisa. ¹⁶ Oḡo era vatai kasiva aba-abu naḡate rohai ieririva renu baukava ra bebe iau naḡate-ra, ege auki negu roha-roha iaḡa e mi oḡo e rohai daha utube hakira abu, au egeve renu bauke renu vava vara iabera (heḡereḡereve) ¹⁷ Auka habava ta rohai tinahu kobabe uta-aba-abu hakira aba-abu, koita roha-roha ehe ra, aneru ie naḡate ra. ¹⁸ Maḡu era iashi muniva ge iauki ḡonu, oḡo e uhuḡati gera golo nubaḡa-vara, abaga vara galasi vara. ¹⁹ Oḡo e (maḡua) ḡaika munivaia bera muni abaga-abaga va herati ḡahanu; uriḡatu iasahi muniva, abu-ḡahiḡava sahairo, abigaḡa ḡahiḡa vara kalakedo, aba-abu ḡahiḡava samaraḡo, ²⁰ adakasi ḡahiḡa vara sadonu, agorokiva ḡahiḡa vara sadio, iatiriḡava ḡahiḡa vara krusolito, abuḡu veite ḡahiḡa vara berulio, igaḡu veite ḡahiḡa vara tapasio, utube ḡahiḡavara krusoparaso, utube hakira kobabe ḡahiḡa vara huakinto, utube hakira abu ḡahiḡavara ametuso. ²¹ Maḡue e iduavaia utube hakira abu, aḡeva haira herea utube hakira abu idua be aḡeva haira herea be, a oroa ra golo nubaḡa, abaga herea galasi. ²² Oḡo uhura dubu aena veite, au dubu e ra, Rohi raho Dirava renu mamoe ḡamika. ²³ Oḡo raho era vani renu bata abaga veite ra, badiva Dirava (haire) raki abaga ḡahima, renu au lamepa vera mamoe ḡamika vara. ²⁴ Au abage bese nune-nune iabene o raḡohisa renu (pava-pava) au hairehe siri raḡohisa, ²⁵ Au iduave ra beta kou raisa, vani renu vahi ra veite ikehe. ²⁶ Bese nune-nune vaia iabera iau hairea, renu matauea idiḡi oraḡohi siri raḡohisa. ²⁷ Eduke iaḡa miro bera beta siri-ra, lebu-lebu se tarata koita bera beta siri ikehe, a mamoe ḡamika maḡuri bukae ihiva tore gevenu iauḡu gera.