¹ Aneru bera daki erage ge auki vava seni uhuhi oroge ge. Aba dobuke veite ki vara au gasina gera, au ade hegera seini ketake bera. ² Dragon va auki kamuvanu era inuhu emene era, diabolo se Satani vara, raroisa tau daha be uhura. ³ Mi are, auki aba dobuke veite e uhura kira vanu, hedoka gahare auki bakuvanu bera beta baoba visa. Auka beta gaitana, mata daure gahi geisa oti tau daha bera kosaisa. E itaharahe, auka hakivisa nega tina kibegu. ⁴ Ege daki terona be eragei, au gurahige koitavaia tage eragei (hahemaoro) tiahue tage iau adehe maiemi, renu iau harike Iesu roiare renu Dirava gare roiare daine enoka-diva dodogei turu geiare koita-vaia renu ḡani iaḡa au suare ruta ( toma-diho) ḡahiḡa veite renu au (toaḡe) iau varikehe se iau adehe mimi veite koitavaia, iau suaruhea daki era gevenu. Iuka maḡuri raḡohi ḡoiraḡohanu Keriso ruta Rohi ḡahigei oti-oti laḡani daha be. ⁵ A hoḡe sokoaia-bera maḡuri veite ra, oti-oti laḡani daha be notuare or kosa vare. Ora urimi ḡoiraḡira uriḡoi-ḡoara hoḡeva. ⁶ Hari-hari renu aena vaia uriḡatu hoḡeva maḡurivi ḡoiraḡane koita-va au ḡahue mane-ra maḡe-ra, ege hoḡe abu-ḡahiḡa-vara tiahu veitera koita ena kiki ve-iabera Dirava Aena koitave iabera, renu Keriso iea, iauka au ruta rohi ḡahi geisa, oti-oti laḡani dahabe. ⁷ A negu laḡani daha be kosa-vare itahe, satani ra au mata vane ḡote-va vahegei ⁸ renu auka itahe hakivi oroḡi, vata bauge o koakava aba abu ruḡa gurahare besevaia iau ihea Gog renu Magog, ḡa daine bougeiisa, dahare ra boe vateta naḡate-ra. ⁹ Ege vata bauge au bauke e oḡi soiḡi, aena ḡahavaia iau taruḡe renu Dirava (lalokau) ḡahare oḡoaia rahi kouvi, a vene ra vava sena uguhi oroḡi iaubada raḡohi kosa raḡanu ¹⁰ renu diabolo tara-gevene koita va vene renu (teio gohua) uhura kira-vanu (ḡani iaḡa renu Peroveta tarata uriḡatu huhu naḡohi vahi renu vani oti-oti behu-behu. ¹¹ Ege daki terona kae raho be eraḡanu, au guramane Dirava-va tage, ege da vata-bauge e renu va eraḡane ra, au vaḡotone rurui oti veite ḡoinu, uduke iauka iau matame be behubehu veitera. ¹² Renu daki hoḡea, raho-ia renu avie-a eragei rahi rahe terona vaḡotonehe, renu buka be baovi, mati buka be baovi maḡuri buka vara, ege hoḡe kota-vaia moigeva iau (kara) ve buka va tore vane naḡate va iau. ¹³ Renu e-ve buda raḡohane koita-vaia iabera eve raki moigevenu, renu hoḡe renu hoḡe vata va tegera uhura vaia kou-kore koita-vaia moige-venu, iau ḡaita ge iau (kara) ve naḡate ge iauki (hahemaoro moi-geva). ¹⁴ Ege hoḡe renu hoḡe mata-va ra vene gohua uhura kira gevenu. Ora hoḡe abu ḡahiḡa vene gohua. ¹⁵ Ege koita be ihe veite maḡuri buka e uhura tore-to veitge, auka, vene gohua, kira-kira vara.