¹ BABULONIA ROKO RAḠANU 1 O itahe daka enoḡa be mimene koita hutuma iau bara enoḡe vava sena roma, “Haleluiah! (Hahemauri) renu Haira renu tiahu-ara ni Dirava tei guramima, ² Badivara au (hahemaoro) vea ra riaḡa renu ieriri-ieriri ve, aukaki oro maḡi bauge e hahemaoro moimanu, au ni mudukavehe, vata o daure ḡahanu, maḡi-va enu, Dirava besu-besu e koitavaia iau taoke damua auka moimanu.” ³ Ḡaitana iauki bara raḡohi, “Hallelujah! Ege au duke oti ḡadimi oti behu-behu.” ⁴ Renu ata bauge uta-abu hakira aba-abu renu maḡuri iaḡa aba-abu ḡoruhi vata Dirava vaḡotone (tomadiho) ḡahanu, au terona ada gurami-gehe, roia, “Amen. Hallelujah!” ⁵ MAMOE ḠAMIKA (HEADAVA ) RIGIVI  Terona va sena enoḡa beraki oroḡi barai roma, “Ni Dirava te (moteahisa) or au besu beve iau-bada, au siḡore raḡare, avie renu baugea.” ⁶ Ege daki enoḡa be naḡate, hutuma iau enoge naḡate ihinu, tinavai dadaḡa enoḡava, vava dudu enoḡa va naḡate barai roma, “Hallelujah! Ni Rohite Dirava ra, tiahu iaubada Dirava-vara. ⁷ No heḡiri raḡoha, auḡu au mote-aha, Badiva mamore ḡamika au (headava) vae ra hore-vanu, renu moboa ra herai dokoanu; ⁸ Dabua berebere maḡe au ḡotemi kae hereaia”- kae era Dirava kara maḡe koitaveabera. ⁹ HOSI KAEVA GURAMANE  Ege aneru araki da kiroma, “Toreva: Ihiro gevene iabera maḡe ḡahigei, mamoe ḡamika headava o bouḡaehe, renu mati da kiroma, “Ora Dirava gare riaḡa vara.” ¹⁰ Ege daki au vasi ḡaike ḡorumi toma-diho ḡahisa roege, auki da kiroma, “Ena kisa ḡare! Daka ai vasire Dirava besu-besuehe, unuhune au harike ro Iesui. Dirava ḡu (toma-diho) ḡaha, badiva Iesu haike ra peroveta sua-vara. ¹¹ HOSI KAEVA GURAMANE 11 Daki va eraige auki bao rahunu, ege hosi kae beraki dinavanu! Au ada guramane ihiva Ḡabidadama renu Riaḡa, auka me riaḡa va (hahemaoro) ḡa kima. ¹² Au nie ra vene bubuke naḡate, au omote ra hera dadaḡa renu augera ihite iabera koita bera (dibana) veite, uduke auḡu gera. ¹³ Auka taḡoa subuane dabua renu ihi au rone ra Dirava ga-rera. ¹⁴ Renu va ḡa (orea-divaia) dabua berebere kae maḡe ḡote-gei, hosi kae, iau gurahi au itahe otinu. ¹⁵ Au avaḡe sena (kaia ilapa) ganona te hakivi bese nune-nune, ahi geige daine renu auka auri besoa uriḡatu geige dainehe, mati auka vine gabuehe duha geige vara Dirava hore iditavaehe. ¹⁶ Au dabua-de renu behadehegera ihibe torei, (Pava-pava iau Pavapava te, Rohi iau Rohi te. ¹⁷ Ege daki aneru be vani rami ramehe eraḡanu, bara enoḡa raho ruta auki to uguhaia va nomuakae, “Huraḡohiae oroḡiae, bouraḡohi Dirava bouḡa rahoe bou raḡohi raḡohiae. ¹⁸ Pavapava iau misike iaehe, renu ḡa-uriḡatu gevare iau misike, mati hero koita va iau misike, renu hosi iau misike, iau gurahare iau misike, renu koita iaubada, iau itahe otare ḡahavaia, iau mata gevare koita vaia, avie renu baugevaia iaubada.” ¹⁹ Ege daki ḡani iaḡa be renu oḡo nune-nune pavapava iau ḡa koita tuhea ruḡa bouraḡohane eragei, negu hosi va guramane koita va oreave ruta ḡa dainehe. ²⁰ Renu ḡani iaḡa e mi maḡuri ḡahanu, renu au peroveta tarata ve, geuso ḡoreḡo me ḡani iaḡae vaḡotone me ḡahige daine gani iaḡa ikorove mine, renu suava toma-diho ḡahige koita-va, tage mi maḡuri ḡahanu. Iau abu-gera maḡuri iehe vene gohue, raḡira behu-behu uhura kira gevenu. ²¹ Dokonahe gahava yabera horse siva oroge eraki,egi bauge au avagehe hakivane eige yauki gahigevenu. Uguha aubougi geraki yau hoge misike iege.