¹ Ege auki maḡuri tinavai negake herea da ḡaiho-nemenu. Auka Dirava renu mamoe ḡamika terona-vehe sena hakiva nu. ² Oḡo e oro nomuakaege, auki hakivi tinavai e kasiva-kasiva maḡuri idi, augera makava muni-muni utube hakira abu, auka bata iaubada maka kima renu idi hanakava ra bese nune-nune maḡuri moi geima. ³ Iaḡa bera beta Dirava (hahemaoro) oḡo raho e uhura behu-behu ara. Eduke ]Dirava renu mamoe ḡamika iau teronave ra ikehe, au besube koita vea iabera toma-diho ḡahiḡa vara. ⁴ Iauka so au vairane eraḡi, renu au ihera so iau varikehe. ⁵ Renu vahi ra veite, iauka lamepa abaga se vani, a Rohi raho Dirava ra iau abage renu auka Rohi ḡoisa behu-behu. ^{6 6}  Aneru da kiroma, ḡa oiabera riaḡa-herea renu riaḡa renu Rohi raho, Dirava renu Peroveta iau sua ruhea, ra au aneru e besui au besube koita ve ḡaiho nemi, otado bena inono veite mata mimi vanu. ⁷ Ama eraisa, daka inono veite oroḡia vara.” Buka aena oi tore vane peroveta ga-vaia (matau) ḡahare ra maḡe- ra. ⁸ Da Ioane-ra, iaḡa o ihigei renu eraḡane, renu da ihi renu eraḡane daki ḡorumi aneru vasi ḡaike (tomadiho) ḡahiḡa dainehe, au iaḡa o da ḡaiho ne gevene; ⁹ eduke auki da kiroma, “A enaki kisa ḡare! Daka ai vasire besu- besu oi renu ai sodea peroveta ia, renu oḡorea iabene Buka aena o gava badina ḡahi Dirava (toma-diho) ḡaha.” ¹⁰ Auki da kiroma, “A enaki peroveta ga o (bakuima or hunivima), badiva (nega) ra hugure-ra. ¹¹ Ena daure koita vaḡu daure kie, (lebu-lebu) koita vaḡu ena lebu- lebue, me ieriri-ve koita vaḡu me ieriri-ve kie, aena koita vaḡu aena vie.” ¹² “Ama eraisa, daka mu oroḡima damua ra di-adehe koita iaubada iau kara e naḡate, damua moi-geige vara. ¹³ Daka Aleha renu Omega, uriḡoiḡo renu ihihe, sina-sina renu notu- notue.” ¹⁴ Iau dabua de etogei kae ḡahigevene iabera maḡe, iauka (maoro te or ieriri-ve) maḡuri idiehe, iauka oḡo raho e iduani va siri raḡo hia- vara. ¹⁵ Itahe gera to-ia renu hei koitaia, renu ni muduka koita-vaia, mati ḡa ḡahavaia renu sua daure (toma-diho) ḡahare koita-vaia, renu tarata koita ia, iau roiare heḡiri ḡahare koita-vaia. ¹⁶ Da Iesu ra di Aneru e besui oti ai, hari o ruta Ekalesia orea-va iau. Daka Davida rumuke renu koboke, daka hesiu raho abaga tera. ¹⁷ Sua renu (headava) isage ra-roma, “Oroḡo.” Renu ena ihare koita vaḡu roie, “Oroḡo.” Renu unuhune eia iroroima oroḡo, eia iroro koita vaḡu maḡuri eia iehe, damu veitera. ¹⁸ Daki koita iaubada ge daki ugoro ḡahi-geima, oḡorea iabene peroveta ga o iha Buka aena oi: Koita be ada-ehe oiau maimare, Dirava ra Aena oi, tore vane huhua au ada mae mia-vara, ¹⁹ ga o, buka aena oi peroveta renu koita be peroveta ga buka aena oi (abia oho) se mi ḡaise, Dirava ra au ḡahue maḡuri idie renu oḡo aena uhura, buka aena oi hariva tore-va ne au ḡahue ra au koki- koki vara. ²⁰ Iaḡa o hariva (hahedinarai) ḡahane koita vara roma, “Ege daka otima.” Amen. Rohi raho Iesu e, oroḡo! ²¹ Rohi raho, Iesu Keriso au hari-hari - rahove ne, ia aena koita-vaia iai-bada iai guramisa. Amen.