¹ Eno rahobera daki dubu uhurahe seni ihege auki onaki ronu aneru yatiriaga yau, " Oti Dirava hore hodu avie yatiriaga uhurahe mata ada bohugiahe. ² Urugoi aneru varaki ti au hodu avie mata ada bohuganu; huhu renu kuhi daure vararaki koita yau ahatane hakivanu yauki iaga daure e toage mane gahava yabera, au toage riaga gahare gahava yabera. ³ Aneru abu gahiga varaki au hodo avieve eve ada bohuganu. Eraki tago goinu, koita taoke nagate, maguri iagavani aubougi ge raki eve uhura hoge raganu. ⁴ Aneru Abiga ga gahiga raki va au hodu avie be bohu ganu, tinavai renu eia bouragohane uhurahe, eraki tago goinu. ⁵ Eia aneru varaki ronu, " Aka riagavara-ana unuhunu renu renu era akaki, Aena koitavara--badivara aki iaga o berabe vanu. ⁶ Badivara yauki Dirava koitatuhe renu peroveta gaha yau taoke aki mohigevenu yauka noguisa; era yau gahara ragohane era." ⁷ Terona varaki gavi ronu, " Dodihegera, Dirava ni Rohi Baugeve, Ai berabeva yabera riagavara renu dodihegera." ⁸ Aneru Ababu gahigavaraki au hodu avieve bohuganu, era yaukamu riaga gahanu koita yabera vene e hedokava misa. ⁹ Vene hedoka hereavera gone gevenu, eige yauki Dirava ihe daure gahanu, daure orogare hedokava yabera au senigera. Yauka yau uhure isage gahiga veitera se mage gahiga veitera. ¹⁰ Aneru Adakasiva raki au hodu avieve bohuganu iaga daure kemenehe, eige vadibu varaki yau ogo baugeve bakuvanu. Yavahu yau meine matogei huhuva idiganu. ¹¹ Va Dirava ihe daure gahege yau huhuve renu kuhive dainehe, yauka dagedage maguri isage mimiva besebeva ragohanu, yau kine meva dainehe ¹² Aneru Agorokiva raki au hodu avieve bohuganu tinavai bauge, ihiva Euphrates. Eia varamu koriko goinu badivara koita bauge ya east va dainehe. ¹³ Sua daure abiga ga gera daki era gevenu, Maradona nagate ya dragon avagehe hakiragohi oroge ge, iaga daurehe seni, renu peroveta avanage gahava yau. ¹⁴ Yauka sua daure yabera, avanage gumava yabera yauki kia. Mata bauge o Koita bauge yau gasinagera yauki oti, yauka bougei vani bauge orogare dainehe yauka garahisa. ¹⁵ (" Eragiahe! Dakamu e orogima vaho koita nagate! Mage miare koitavara ni tabata vare koitavara, auka au ogonava kokiko veitera koitavara, auka beta bututa hakikavara Anegu variva vime.") ¹⁶ Koitava yabera yauki bou gevenu mata be ihiva Armageddon Hebrew gava. ¹⁷ Aneru yatiriaga vageraki au hodu avieve bohuganu vava. Dubu uhurahe senige eno raho beraki barai ronu teronava seni, roege, "Netuime auki!" ¹⁸ Va uhura varaki duvege abagave ruta, vagava va, dudu raho ruta, renu vata baoragi--vata baoraganera bera subuta so erara veitera mata o varavane orogi negu, vata baoraganera nune hereavera. ¹⁹ Ogo bauge era hosaragime auki abiga ga goinu, ogova gaitage dede ragohanu. Dirava raki Babylon au uhurehe anavanu, eige auki ogo e au hore kebeva moimanu. ²⁰ Eve ada matava au bougi dauragohi, nimu yabera davari gahigei ge veite. ²¹ Veni raho, uhuvaka raho nagate, vavaseni uguhi orogi koita yau ada. Dirava yauki ho gahanu veni raho orogane dainehe badivara veni era daurevara auki moroganu.