¹ Dana mati iagabe vava eragisa, mage renu hairadiva: Aneru aubougi yatiriga daure yatiriga ruta, daure dokonava yabera, yauseni ge Dirava horena uhubage goisa. ² Ni gahime daki eve glass nagate eraganu vene ruta. Eve gaika hegera koita abu, gogaiva iaga daure renu erara vaga kobugate yau gahigevene renu au ihe dahidave ada. Dirava moigevene hegiri kohuva yabera yauki kamu gevenu. ³ Mose nogera yauki miege, Dirava me koitave, renu Mamoe noge roege: " Mage renu hairavadiva yabera ai mevera, Rohi Dirava va, Baugeva. Yeririva renu riagava yabera ai gumage ra, ogo aubougi yau King ve. ⁴ Unuhuna a sigamiga veite goisa, renu ai ihe mage gahisa? Aki avahu aena, ogo aubougi beraki rogi ai vagotonehe a mage gahisa badivara ai guma mageve yaberamu riaga gahanu. ⁵ E itaharahe ge daki ni gahege, ga riaga gahiga gahava ya, yau dubuve raki baoraganu va uhura. ⁶ Aena aubougi aena gabuvarahe ge aneru yatiriaga hakiragihi orogi daure yatiriaga va yau adehe. Yau ogona kine yabera isage, abagave ya renu yau enokehe gera gold ogona ra. ⁷ Hoge veite iaga daureva beraki aneru yatiriaga gold hodu avie aneru yatiriaga e mohigevenu Dirava behibehi maguri vare hore ruta. ⁸ Dubu uhura vara vene duka varaki tobo gahanu era Dirava haire renu hedokera. Bera beta sirisi vara ate aneru yatiriaga daure iaga yatiriaga oroge ge.