¹ Ni gahime daki Mamoe Zion Nimuva ada ramege eraganu. Au ruta gera 144,000 koitava ya au ihe renu au Mame ihe yau varike ada tore gevenu. ² Vava senigera daki dudu be ihinu eia mudago duduva nagate yarenu va du vege nagate. Da dudu va ihinera meta harp rokoro gahare koitava be sharp rokoro gahege nagate. ³ Terona isage e varenehege yauki nogo roege iaga daure ababu renu koita bauge ya yau varenehe. Koita 144,000 yavahu nogo e dibana matava seni orogone ya. ⁴ Yauka magi tara geige veite koitava yabera, Guma daure era yauka dibana veitera. Yauka rogevene gahavabera, karuka demaka isage nagatera Dirava renu Mamoe dainehe. ⁵ Yau avagehegera avanage be veitera; daure bera veite. ⁶ Ni gahime daki aneru be eraganu vava gurage ge, auka Hari magevara auna rosa mata ada koitava yau-iduhuva, gava, renu koita yau. ⁷ Baraime auki roege, "Dirava sigamare renu mote gahiahe. Berabe vani varamu o orogima, mage gahiahe, suki va kinu, maya kinu, eve kinu, renu tinavai ruruvare kinu." ⁸ Aneru be- anu gahigava-itahe orogi roeg, " Dedevanu, dedevanu Babylon bagevara, mata o ada ogo Baugeve ya tarageve ge yauki yau uhu anana daureve gadiki nagate inu. ⁹ Aneru be- Abiga ga gahigava-itahe orogi, eno raho ruta roege, " Koitabe iaga daure be se au erara vagate nagate riaga gahare renu au ihi nagate au varikehe se au adehe, ¹⁰ au gadiki daure iare era Dirava daure mi orogare nagatera, gadiki daure era beta magera era au hore uhu rahege. Unuhuna gadiki daure e ima auka daure uhura sirisi vara vene renu vata hedoka uhurahe gera Dirava aena aneruve renu Mamoe vairanehe gera. ¹¹ Vene dukavara huhu uhura gahdimi ahue ori basubasu veitera, renu vani mi vahi Vega rorovara veitera-iaga daure riaga gahare gahava ya renu au erara vagate nagate au ihe miare gahava ya. ¹² Oi gera uhu berebe gahava ya Dirava aena koitatuhe ya yau totovera, Dirava ga baugeve kamuvare gahava yau gabidadamave Iesu maemare gahava ya. ¹³ 13 Ga beraki vava seni ronu, " onaki maema ro: Hoge ragohare gahava yauka mage mimivara badivara yauka Iesu rutagera." " Dodihegera, " Horu aena varaki roma " yau me mageve dainehe, yau me mage line dainehe. ¹⁴ Ni gahime daki ori kae be eraganu, adahegera koita Gamika nagate beraki guramanu.Au omote avagera gold korona bera renu au adehegera egi bera. ¹⁵ Aneru beraki dubu uhura seni hakivi origi ori ada guramane koitava barai kironu: "Egi e meva ki. Demaka ie vaniva ramu o kauanu, mata ada demaka vara magera." ¹⁶ Ori ada guramane koitava raki au adehe egi e mime auki paivanu vata ada demakava mi oroganu. ¹⁷ Aneru beraki mati va uhura dubu va seni; autage mati egi ganono be au adehe. ¹⁸ Dagedage aneru beraki mati terona uhurahe seni hakivi oroganu, auka vene hedokavara au era. Auki barai aneru egi ganono te kamuane kironu, "Ai egi ganono ve miare grapes gotekava seni dodogeve, grapes yabera magera. ¹⁹ Aneru eraki egi mi vata ada paivi grapes e dodgei bougevenu. Mi kirai grapes kiare kohuva uhurahe kiravanu, Dirava huhuve nagate uhurahe. ²⁰ Vine kiki kohuvara ogo itaharahe gera, eige tago rami hakivege gadimi oti horse avage manu, 1,600 oti gamanava.