¹ ḠANI IAḠA ABU EVE OROḠANU 1 Renu daki ḡani iaḡa be eraḡi eve sena ḡadimi oroḡanu, kokai utube, renu omo abuḡu veite negu kokai utube hakira abu eigera geuso ḡoreḡo ihi au omote iau. ² Da ḡani iaḡa e eraḡane Leopard naḡate ra, au vasea ia bera (bear) na ḡoi ḡorea, renu du avaḡe ra (Laiona) na ḡoiḡore. Au gera ḡani iaḡa eraki au heroe moimi renu au terona renu tiahue. ³ Au omote be erara vagava iauka make bero ḡahanu, hoḡe beroa no ḡoiḡore make maḡa raḡanu, mata o uhuḡati ḡani iaḡa e itahe otinu. ⁴ Koita iaberaki (tomadiho ḡahi negu ḡani iaḡa e, ege auki tiahu moimi negu (beast) e renu iauki (beast) e (tomadiho) ḡahanu, roege renu “unuhunu auna ḡoḡai ḡahiḡa? ⁵ Renu ḡani iaḡa moimi, ege auki Dirava daure ḡahiḡa gava roege renu geuso ḡoro o gavaia renu tiahu moimi bata aba-abu hakira abu. ⁶ Au avaḡe baovi Dirava ga daure ḡahige renu, au ihe renu, au gurahige era, oḡorea bene vava guraha. ⁷ Renu tiahu moige aena koitavaia ḡoḡai ḡahi geisa, renu vata kiogeisa tiahu ora iduhu iaubougei renu koitaia renu, mei nune-nune ia bese nunea. ⁸ Renu iau-bada vata oi gurahare iabera au (tomadiho) ḡahisa, koita iaubada unuhu ihe ne toretore veite, ḡaika va vairanehe vata oi au ihe maḡuri bukava uhura mamoe ḡamika ḡama nei. ⁹ Koita be ihikote ḡoiare, ḡarema au ihe. ¹⁰ Koita be iau maḡuri ḡahare, auka ena oti maḡuri vara. Iau koita be kaia va ḡamare, iauka ena ḡami hoekia vara kaia va, aena koitavaia ia bera heroraḡohi iau ḡabidadama-vehe. ¹¹ Eige da Iaga daure be mata uhuraseni hakivane eraganu. Au omote ada kokai abu ma Momoe be nagate, mati dragonbe be negate gavage ¹² Urugoi Iaga daure e hedoke auki me gahanu au uhureke, mata o kiare renu adahe koitavaya, yabera urugoi Iaga daure era yauki mote gahege - au kuhi veramu mage goinu ¹³ Geuso ḡoreḡo meva rahoaia, renu vene kiege auka vava sena, uguhi koita iau vairanehe. ¹⁴ Ege negu geuso ḡoreḡo me eia ḡani iaḡa e vairanehe au me ḡahige tiahudivaia iau vata koita o tara geige, iauka ḡani iaḡa kaia bero te maḡe ḡoine au (laulau) e ki, uduke guragu veite. ¹⁵ Auka tiahu te negu ḡani iaḡa e nono moi-mia vara ege au suare ra gera, mati tiahu te sua eiabera beta au (toma-diho) veite ḡahigei hoekio geisa. ¹⁶ Renu auka koita iaubada, avie renu bauge, (taḡa renu ogoḡami koita vaia, ura raḡohare, renu raro gevare ḡahavaia, ikoro be iau vamaḡa adehe se vari kokehe. ¹⁷ E dainehe bera beta hae visa, hae kisa, oti oti au ikoro o te ḡoiare, era ḡani iaḡa o ihera, se au numera ve oti au ihehe ḡoiare. ¹⁸ Ora diba toto ḡahima, unuhu uhure ne bao-rahui ma ḡani iaḡa o numera ve, badiva ra auka koita numera vera, au numera vera tinahu agorokiva renu uta agorokiva hakira agorokiva.