¹ MAGI BE RENU SATANI 1 Ege geuso ḡoreḡo iaḡa beraki vava sena dina-vanu, auḡore bata ra vasi deirkehe omoto ehe (crown) hesiu uta-abu. ² Auka ḡami ḡore renu mara huhu dainehe-auki nivinu. ³ Renu iaḡa betage vava sena mati dina vanu, dragon kerekare raho be omo abuḡu veite ruta renu kokai utube, au omo ḡodove abuḡu veite koba-koba iau. ⁴ Au teteke raki va hisiuia abigaḡa darogei vata, ege dragon maḡi e vaḡotone rama nu, maḡi e ḡami, memi vera hugure ra, era auka mina i au haki varehe. ⁵ Auka marai ḡami be (manu), koita uriḡatu gei gevara, auri bisoa, uduke ḡami era horivi ḡadimi oti Dirava renu au teronavehe. ⁶ Renu maḡi era oti mata ḡaḡaeheva Dirava rinate ne mataehe, ikehe vani dahabe tinahu be hakira uta agorokiva vanivaia. ⁷ Negu vava ḡoḡai vara ki urimanu, Michael renu au aneru-e ia bera satani ruta ḡoḡai raḡoha renu satani renu au aneru tuhea bera ḡoḡai raḡa. ⁸ Uduke iauka kwalimu veite renu iau matave be behu-behu veite vava. ⁹ Renu satani ketake e vata kira vanu, subuta inuhu, unuhu ihiva be roia satani, vata o inuḡati taraḡare - auka, iauka kiraḡi vata, au aneruea ḡaina ge auruta kira gevenu. ¹⁰ Renu daka enoga ketake be ihi vava sena roma, “Negu hahemauri renu hero e renu ni Diravate basileia renu tiahue au Keriso ra oroḡanu ni sokuhea iau ihikoke biare, iabera vata kira gevenu iauka ihko bibi raḡohi vani renu vahi, ni Dirava te vagotonehe. ¹¹ Renu iauka au soiḡi mamoe ḡamika taoke dainehe, au harike roiare, renu iau maḡurive lalokau ḡahiḡa veite oti iau hoḡevehe. ¹² Heḡiri raḡohi renu o va renu ia gurahi au, ia madi-ia, vata renu eve, badiva diabolo ara uguhi otima iai, auka ho hereai mauki, badiva auka (dibana) au negaera tuakera. ¹³ Ege satani eraḡi auka iauki kirai uguhi vata, ege auka maḡi ḡami mane betia ḡahige. ¹⁴ Uduke maḡi era borogi raho e ahakane abu moimanu, ege auka huraḡi satani soiḡi, oti mata orei, gurami. (hor a time, and times and halh a time) ¹⁵ Negu serpent eia e bohui, tinavai naḡate au avaḡehe sena maḡi ei, itahehe, ege etaḡo hurei otisa. ¹⁶ Uduke vata ra oroḡi maḡi o iahe-ve ḡoi, ege vatara au avaḡe baovi negu (dragon) e tina-vai eia au avaḡehe bohuane sone vanu. ¹⁷ Ege (dragon) era hoḡoi maḡi ei, auki oti maḡi e ḡame, sokuhea ruḡa (tuari) viege oḡorea iabene Dirava (taravatu e) uhuiamige renu Iesu (hahediba) gare. ¹⁸ Renu auka rami “boe va-renu eve.eve.