675KilembeCels-kqi_rev_text

Revelation Utube Kobabe

¹ Ege auka maka ḡote be da moimi, idi naḡate, auki da kiroima, Urimi Dirava dubu e makava, terona renu oḡorea ne ikehe (toma-diho) raḡoha. ² Uduke a enaki kota dubu itaherae makaima, e ḡarema, era mata ora iauki moimi, iauka duhai city aena ada (bata 42) or bata (uta aba-abu hakira abu) ³ Renu di harike roroa abu tiahu moigevege iauka perovetea raḡohi daha be tinahu abu renu, vani utube hakira agorokiva puse dabua ḡotegeige vara. ⁴ Ora olive idi-abu renu lamepa rahira abu iabera, rahi vata o rohiva vaḡotonehe. ⁵ Renu koita be, daure ḡahi-gevare ra vene ra, iau avaḡe bohugei, iauka bubu raḡohia, a koita be daure ḡahi gevare iauka ḡami hoekia vara. ⁶ 3 Renu di harike roroa abu tiahu moigevege iauka perovetea raḡohi daha be tinahu abu renu, vani utube hakira agorokiva puse dabua ḡotegeige vara. Ora olive idi-abu renu lamepa rahira abu iabera, rahi vata o rohiva vaḡotonehe. ⁷ Renu koita be, daure ḡahi-gevare ra vene ra, iau avaḡe bohugei, iauka bubu raḡohia, a koita be daure ḡahi gevare iauka ḡami hoekia vara. ⁸ Renu iau hoḡe ahatave iabera city raho, orogo tanagaga vara, a huni gava iau ihe toto ḡahi Sodoma renu Aigupito ikorehe gene iau ai Rohite Satauro ḡahanu. ⁹ A vani abigaḡa renu hakira koitavaia au koitavea iduhu nune, mei nunea renu bese nunea, iau hoḡe ahata ve abate geige besibe raḡo hia vara. ¹⁰ Renu irea no oḡorea iabenu vata guraha, iau ada heḡiri raḡohia renu headava raḡohisa renu bebe hari-hari ḡahigeisa badiva peroveta e abu ruḡa, vata oi gura hare huhu moigeima. ¹¹ Uduke vani abigaḡa kosavare itahe ege maḡuri sorua Dirava sena iau abu iau uhurehe ḡadimige iauki urihi rahanu renu, oḡorea iabene eragevenu siḡo herea varaki idi-gevenu. ¹² Ege iauki enoḡa raho be ihi vava sena kirogei roma, IKOHO OROḠIAHE, ege iau abu betia ḡahigevare iau niehe ori uhura vava ḡadihanu. ¹³ Va ei, era vata marere ketake bera hori vani, ege city vata hakirava raki desuanu, koita daha iatiriḡava ḡahigevenu, vata marere ei koita soko siḡo herea raḡohi va Dirava mote-ahanu. ¹⁴ Daure abu-ḡahiḡa vara kosa vanu, uduke daure abigaḡa ḡahiḡa ororoa ra hugure ra. ¹⁵ ANERU IATIRIḠAVA IAU BITI VAKE UHUNU 15uge uta-abu hakira aba-abu iau terona vehe gurahare, Dirava vaḡotone iau vairanehe ḡoruhi Dirava tomadiho ḡahige. ¹⁶ Eige twenty-four koita bauge, yau teronave yau gurahi Dirava vairenehe, eden ragohi Dirava mage gahege. ¹⁷ Onaki roege, Akera noki a mage gaha, Ni Rohi Baugeve, era aukaki negu renu aka era subuta, badivara akamu ai herove manu renu aka ai meve kikivara. ¹⁸ 18 Bese nune-nune koitavaia ho-raḡa, A ai hore ra horivanu, ai hari-harive, renu besube koitavaia, peroveta renu aena koitavaia, oḡorea iabene au ihe siḡama avie renu baugea renu vata o daure ḡahare renu daure kiarea.” ¹⁹ Ege Dirava dubu e vava baora-hanu, renu au taravatu maua ve eraḡi dubu aena uhurae; va sia-sia abaga va enoḡa ren va dudu renu vata marere renu, veni orota raho isukate.