¹ Ege aneru iatiriḡava be oḡorea iabene kebe tea, oroḡi daki kiroia “Oroḡo, Da a ḡaihonemi, Dirava hahemaoro ve oro maḡi au ahatane hae-vare, eia dadaḡa ada guramare eraḡa. ² Au ruta Rohi-Rohi ia vata ni-muduka raḡoha, renu au ni mudukaia ḡadiki e bina i kava ḡaha. ³ Renu auki sua va da mi-oti mata (ḡaḡaeheva) renu daki maḡi be eraḡanu maḡuri iaḡa kerekare be ada gurami, era Dirava daure ḡahiḡa toboro roḡanu, au omote ra abuḡu veite renu kokai utube. ⁴ Maḡi era dabua kerekare renu tinabe kerekare naḡate ḡo temanu bubuke-bubuke renu, aḡeva haira tea iau hera vanu au adera ra golo kebe be iaḡa daure herea renu, au ni-mudukave tobo roḡonu. ⁵ Renu au varikehe ada torei, maka-va hunive iaḡa-va, onaki torei roma, Babulono raho, oro maḡia renu vata o (kara or me miro tevaia iaubada nena kavaia. ⁶ Renu daki maḡi e eraḡi aena koita vaia renu, Iesu daine ḡahigei hoekio-gevenu koitavaia iau taoke i kava raḡoha. Da eraḡane, negaehe daka geuso ḡoreḡo herea vanu. ⁷ Uduke aneru da kiroma, ana otado be geuso ḡore-ḡoa na-a vima? Daka a kirosa maḡi o huni badine renu maḡuri iaḡa, ada guramare iaḡa va. Omoto-aia iatiriḡavaia renu kokai utube eraki me otinu. ⁸ Negu maḡuri iaḡa a eraḡane ra guramige, uduke negu-butu auka veite-ra, inono veite, auka aba dobuke herea so ḡadi-mia vara hoḡe gabu ehe otiti-vara, renu vata oi gurahare, renu vata isageva iau ihera maḡuri buka uhura tore-tore veite koitavaia bera negu maḡuri iaḡa gurami ge ra veitera renu oroḡare iaḡava, iauka era-geige, ege iauka geuso ra. ⁹ Uhu vaka ḡaha vaia iabera or dibana ḡahisa, omo iatiriḡava, au gera maḡi eraki guramima. ¹⁰ Iau ḡaita gera Rohia abuḡu veite ada kasiva gera (moru raḡo-hanu) kobabe ra, a be iabera so ororo veitera, renu au oroḡare auka ena guragu tina kibe vivi-vara. ¹¹ A negu maḡuri iaḡa era gurami gera veitera a (abuḡu veite) auka iatiriḡa va iau soke ra, au tage ra hoḡe mata ehe otitiva ra. ¹² Renu kokai ubube a eraḡane ra Rohi utube, oḡorea iabene so iau tiahue mimi veitera, aoa kobabe, renu maḡuri iaḡa eia. ¹³ Iaubada uhura vaia kobabe iau heroe renu tiahu e negu maḡuri iaḡa e moi mia vara iauki roia. ¹⁴ Iauka mamoe ḡamika (tuari) ḡahiḡa-vara. Uduke mamoe ḡamika vara kwalimu ara. Auka Rohi iau Rohi tera renu (Pava-pava) iau Pava-pava) te renu au ruta koita vaia auka ihiro gei renu (abihidi) ḡahige ḡabidadama tea. ¹⁵ Renu auki da kiroma, a eraḡane eiava ia oro-maḡi vara ki adaehe guramanu eia-vara, ra vata nune-nunea, bese nune-nune ia, mei nune-nunea. ¹⁶ Renu kokai utube a eraḡane, iauka oro maḡi e betia ḡahisa, iauka (haura) ḡahisa, auka bututa gura misa, iauka misika va isa, vene raḡi kosaisa. ¹⁷ Badivara Dirava ra (ha-ura) ḡahi geisa au anana ve (ḡuḡuru) ḡahiḡa dainehe, ege iau uhure ra kobabe, iauka moimisa oti-oti Dirava gare ḡuḡurua rehe. ¹⁸ Renu a maḡi era ḡare ra City rahoa, oḡo be, oḡo bea iau rohi ḡahare oḡoa ra.