¹ Aurutagera noki me his, ya gainage noki ya hero gahi geva ya negu Dirava haire ohemaga mime. ² Eige auki roma, " Nega mageva gera daki a eragima, renu maguri vanivagera daki a yaheganu." ³ Noka beta koita be meve daure gahigavara, badivara noka besibe ragohime noki ni meve negu daure goime. ⁴ Eduge, guma aubougi uhurahe noka dibanara noka Dirava me gahatuhe yabera huhu uhura, namina uhura, hero veite uhura, guma berebe gahare uhura, ⁵ no gahigeva, vadibu uhura, gogaibu uhura, me isuke uhura, yagiya mage veite uhura, gubu uhura, ⁶ riaga uhura, uhuvaka uhura, uhu berebe uhura, mage uhura, Horu Aena uhura, mai uhura, ⁷ ga riaga uhura, Dirava hedoke uhura. Hedo riagavaramu ni gasina ada vamaga va renu ada vaga va. ⁸ No meve ra hairatera renu matau veite uhura tagera, bebe namigeva renu bebe mage gahigeva, bebe daure gahigeva eduge mati riagava. ⁹ No me miare yauka meta ni dibane veite, eduge yauka no dibane hereavera, meta naoka hogeragohi otare nagate, edugu-eragiahe!-noka maguri yabera, no daureve yau dainehe no huhu gahigeva, eduge noka hoge ragohira veite. ¹⁰ Uhudau uhurahegera noki me mia, dagedage nokamu hegiri ragoha, iaga veite uhura, eduge nokamu koita mudago mage gahigeva, iaga veite uhura, eduge iaga aubougi geramu ni gasina. ¹¹ Nokamu riaga aubougi ya kirogevenu, Corinthians, renu ni sorukehe ra baobao vera. ¹² Yaka beta isuke be no mohigei gevare, eduge yavahu yai soruke yabera isukatera. ¹³ Eige guma mage kobu gavara-daka momona yabera daki ga gageima-ya gainage yai uhure baogei rahogahisa. ¹⁴ Ya negu maguri ga riaga gahiga veite koitava ruga kobuga gahime. Eige otadovanu riaga uhuvaka ruta noguisa? Eige otado magebena abaga vadibuva gahara vima? ¹⁵ Keriso na orenaki Belial ruta uhu kobabeva bouragohira vanu? Se maguri ga riaga gahare koita vana orenaki maguri ga riaga gahiga veite koitava ruta bouragira vanu. ¹⁶ Bouragira gavana otadovanu Dirava dubuve renu iaga nunenune yau tanahe? Badivara noka Dirava maguri behibehi dubu vera, eige Dirava ramu ronu: " Daka yau ruta gera renu yau ruta daka ogigivara. Daka yau Dirava vera, renu yauka di koitatuhe yabera." ¹⁷ Edainehe, "Yau uhurehe seni hakiva orogo, renu gaise rama," Rohi Bauge raki roma, " Anegu iaga daure be kamuime, eige dana a hegiri gahisa. ¹⁸ Daka ai Mame goigo vara, renu yaka di gamuhe gami vaya renu maiago vaya,"