¹ Noka dibanara mata ada yaga vaya-dubuka vara-seborage-ge, Dirava ramu yaga be noni kinu. Yaga era beta koita beraki au adehe kinu, eduge behibehi yaga vara basileia uhura. ² Dubuka uhurahegera noki ganaga ragoha, imimi ragoha noka basileia uhura yagava uhura usa. ³ Era noki gahara ragoha badivara no mi kiege yauka beta no erara geigevara noka bututa gera. ⁴ Era riaga vara dubuka uhurahegera noki ganaga ragoha, huhu nagoha. Noka besibe ragohime noka ogona veite. Eduge noka ogona kikiva noki gahara ragoha, eige otadovanu beta behibehi ve era maguri vana iogeisa. ⁵ Ni mageve dainehe no regugevene ra Dirava ra, auki Horu Aena no mohi gevenu noka mageve misa ihie orogare iaganiva yau dainehe. ⁶ Edainehe so uhure ramu here here goisa, aka dibanara no ahata makava yaga uhura uiare, noka beta Rohi Bauge ruta gera. ⁷ Badivara noka gabidadamava gera noki ogia, beta ni niehe. ⁸ Eige noka uhu berebe tera. Ni uravera noka ahata maka garehisa renu yaga uhura Rohi Bauge ruta goisa. ⁹ Eige eramu ni gumage goisa, nona yaga uhurahegenu se nona itahegenu, noka mage gahigavara. ¹⁰ Badivara noka ni bouge Keriso varenehene rahi ravara, eige nona kobakoba ga ihisa ahata maka maguriva dainehe, mage dainehe se daure dainehe. ¹¹ Edainehe, no Rohi Bauge sigamare dainehe, noka koita hero gahigeige vara. Nona orena vivivenu ni magurivehe Dirava eragare gumavahe, renu daki anaima ena magenu ai uhu ananavehe. ¹² Noka beta novahu ni mageve noki gaitana ai roia, eduge noka akera noki akiroia aka no hegiri gahigeisa, eige ana dibana goisa, ogere yabena yau me kiare motea motea va ragoha, eduge era beta yau sorukehege yau kiare ra. ¹³ Eige nona beta ni uhu magevena genu, era Dirava dainehe gera; nona ni uhu mageve uhurahe genu, era ai dainehe gera. ¹⁴ Keriso mageve raki no beiya gahi geima, badivara nokamu basubasu va onaki ronu: Koita kobabe raki ni dainehe hoge raganu, renu aubougige ramu hoge ragohanu. ¹⁵ Yau bougi yau dainehe gera auki hoge raganu, Eige ogere yabenu maguri ragoha yauka beta maguri ragohisa, beta yavahu yau dainehe eduge au dainehe, aukaki yau dainehe hoge raganu renu magurivi goiraganu. ¹⁶ Badivara, noka beta negubutu koita ahata makava era ravara, Keriso tagera enakime noki ahata makava eraganu. Eduge negubutu gera noka Enaki erara veitera. ¹⁷ Edainehe, koita bena Keriso uhurahe genu, auka koita isage vara. Iaga emene yaberamu veite gahanu. Eraga, yaukamu isage gahanu. ¹⁸ Iaga o aubougi biavara Dirava ra. Mai uhurahegera auki no bougevenu Keriso uhura renu mai meva tagera auki no mohi gevenu. ¹⁹ Era, Keriso Dirava raki mata ada mai mi orogima avahu au gasina, beta yau daure gahare dahima. Auka mai maka magevara auki no mohigeima. ²⁰ Eige auki no idigevenu noka Keriso me koitatuhe yabera, erara vagavara Dirava ra nokera auki no imigeima. Akera noki a imiga, Keriso dainehe: "Dirava ruta mai kiahe!" ²¹ Aukaki kinu auka daure veite koitavara orogime auki ni daureve goinu, eige noka Dirava riaga gahisa au dainehe.