¹ Wanana pene veamai Iesu nara rova rori ria evaila alurao gena vevaripa auri (disciples) twelve erai, Iesu nara wakapu ekaliwaniao ia eroao pene vevaripa e pene wapa ila geria vanua o taoni (cities) raoai. ² Waorai wara John wa veligo (prison) numa raonai ia eamonagio wa Iesu gena ulavunu roriria, pe ia gena unagi rorina vevaripa auri (disciples) elerai euagiao ³ pe eveaina evailarao Iesu, "Pe goi wa au apuna riai pene vemai, o thai na ma au apua piga avua?" ⁴ Iesu na ila erori evailarao, "Igo rao pe pigo vevailara ragau muina pogo iara e muina pogo amonagia. ⁵ Apuapu umari wara geveiani, kaukau umari geroani, vivi opirai (lepers) gemiani umari opiri vivi ria pege nama, noai geamonagiwai umari wa geamonaginia, ge warega umari wara pege mauliwai, e vea roriria (gospel) wara geve ilagi lovolovoni lealea umari elerai. ⁶ Blessed era eau ia riai na vara-avani rau nara." ⁷ Eau wage raowai raraparana raonai, Iesu na wa uma kamuvagi erori venirao emamarao rorina wa John, "Ragau na mui pogorao wa kapu (desert) ai pe mui nara ragau pogoiara - mu (reed) geupuo ragila na pelavu laiwa laiwari? ⁸ Namu mui pogorao ragau pogoiara - au apuna rapua magiviri peligoria? Veaiveaina, euma riairi e rapua magiviri veairi geligorana ila wara veleiwavagiri geria numai gealunia. ⁹ Namu mui pogorao wanai ragau pogo iara - peroveta (prophet) apua? Unamu, rau na mui availamuini, pe ia iakamuvagi nori peroveta auna veaina. ¹⁰ E ia wara mae vealo ole, "Igo iara, Rau geku veunagi auna ana ukunea goi vilamuai, ia nara goi gemu rarapara ene ala mavu kunea goi vilamuai.' ¹¹ Rau na availamuini auna auna, melo raorai vavine na pige vawalaria ila apuana John the Baptist pene vele vanagia (iwara). Namu eia wara nori iakamuvagi auna na kupa vanuanai ia wara iakamuvagi eia. ¹² Wa garo raorai John the Baptist pene veamai evanamona, e kupa vanuana evivi nia rava maulina, e maluane ravarava rana gevainia karoverave raorana. ¹³ Pe peroveta (prophets) auri makairi e rova auri ila gemi peroveta mainia pene veamai John; ¹⁴ e pene mui goririwani wa igo gapi ragea, ia e Elijah ia wara pene veamai. ¹⁵ Ia riai maegana pene amon- agi, pigo vailara pene amonagi. ¹⁶ Pa ragauai rau na para vagelegelea e ulu (generation)? E wara melo kimukimuri geulaulani ganigani gevoiagini avanai, ge aluni pe geve gogo veveni nia ila mauria ¹⁷ pe negeini, "Rai na turai paga lavua goi ulamuna, raonai goi no-o pala. Rai wa paga veuga e mainivilo, raonai goi no agi.' ¹⁸ Raonai John peve ami parawa negani pa mulamula (wine) neniu, pe ila negeinia, 'la avuavu apuna ia raonai.' ¹⁹ E Amana Nauna eveami eganigani e eniuniu pe ila negeiwai, 'Igo iara, ia wara augaua auna e niuniu auna auna, ia auavana (friend) wara moni koko e ravarava (mulimuli) auri!' Namu ripa (wisdom) wa ealarana ia raona na." ²⁰ Pe Iesu na raovivi mamana ulavunu wara wa kapu (cities) ia maiavuna na eva ravarao, repana ila geria alarava na noai geaiwai o vekapawai (repent) noai gealari. ²¹ "Igo agi mui, Chorazin! Igo agi mui, Bethsaida! Ere eulavunu maiavuna nara evawalari Tyre e Sidon ai waveaina gewala goi raomu na, ila wara vekapawai rauvagi gere alarao geria rapua kuineri (sackcloth e ashes) geligorawai raorai. ²² Namu ila Tyre e Sidon umari geria roaoa veairori o virigivirigi garonai mapene nuaviri namu nori mui. ²³ Mui, Capernaum, pe mui gouamagini mui pene verage agimui kupa vanuanai? Noaia, mui wara pene vairaomui Hades ai. Pa pene Sodom raonai rava kamukamu ewala waveaina mui elemuiai mae wala, eveaina roere miaole pene veamai egaroa. ²⁴ Namu rau na availamuini roao iana pene vapikapikara Sodom alimaparana umari elerai wa virigivirigi garonai namu nori mui." ²⁵ Waoranai Iesu neiwao, "Rau na agapi ragemuni goi, Amaku, Velegaua kupa unai e alimaparai, repana goi na no vaemeria egau wa raoneka e uamagi ulu auri elerai, pe goi na ovaemeri egau melo kimukimuri elerai. ²⁶ Unamu, Amaku, repana ewara iaia namana goi vilamuai. ²⁷ Gau makai ria wara veraramani rau gekuai eoleao rau Amaku nara; pe au apua noriripana eia wa Nauna (Son) namu Amaku mo ripana, pe au apua noriripana Amaku namu Nauna mo ripana e riai Nauna na eririwania auna evaripani ia. ²⁸ Ono veamai elekuai, maparamui riairi go ulavununi e wara maruna meauna go vuani, e rau na mui pikapika ana venimui. ²⁹ Ono toua rau na kwalaki (yoke) goi na e ono ripa elekuna, repana rau aoma auku e verivovagi rau kutouku, pe mui wa pikapika (rest) pigo rawalia palaumui ula rana. ³⁰ Pe rau na kwalaki wa pikapika- na e geku maruna wara malamalagana."