¹ Pe Pilate na vewari walona egapiao pe Iesu ewariao. ² Wa veali aurana vekala vekala gauna gevauaole. Ila na wagau ge- gapiao Iesu repanai geoleao e purple rap- uana na gevarapuao. ³ Ila geve amiole Iesu elenai pe geva ilawai, "Hail, Jews geri- a velekamuna!" thaonai ila na gewariao. ⁴ Pe Pilate maeve thoarai waio pe ila ev- a ilathao, "Igo iatha, thau na pami vaithaia gaukerunai mui elemuiai pe mui natha igo ripa era thau na paripa thaonai eau e noai galamana." ⁵ Veainai Iesu ethoa thakwa thaio, repanai vekalakala (crown of thorn- s) geoleao e purple thapuana geva ligoao. Pilate na eva ilathao ila, "Igo iatha, eia era auna!" ⁶ Waveaina pakunai rupu veleri auri ka- kamuri e ulavunu umarana Iesu geiathao pe geagi gogowai negeiwai, "Igo vagiwar- egara naia, igo vagiwaregara naia!" Pilate na eva ilathao ila, "Igo vaia gerega- mui na igo vevagi waregara eau, repana thau na paripara eau noai galamana." ⁷ E Jews umarana ia geva ila iwathao, "Thai magemai rova, pe warova kapulenai ia pene warega repana ia peve ilagi wara ia Palau Velegaua Nauna." ⁸ Wana nath- a Pilate na ethori eamonagiao, ia maina wara ekali gauavagio, ⁹ pe ia mae thoa waioawaio ulavunu numana thaonai, pe ia natha Iesu erenagiao, "Goi ari kapu natha pove amai?" Namu Iesu ne thori lavu uleo. ¹⁰ Pe Pilate na Iesu eva ilathao, "Goi na thau po ono thori veniku? Goi maripamu pa thau mageku iavu goi pana vathoamu, emaina mageku iavu pana vagimu pono warega?" ¹¹ Iesu na eva ilathao, "Goi n- oai gemu iavu thau thakuai namu e ragau evenimu gau una natha. Gaurai, riai natha thau peveni vanagiku goi elemuai ia wara galamana iakamuvagi." ¹² Ethori thaonai, Pilate na Iesu no pen- e uthakwathaia, namu Jews geagigogowai, negeiwai, "Pene goi natha eau ono uthaia, goi nori Caesar auavana. Uma apua riai è- ve oleni geregana velekamuna apua wara ethori vethakwaoani Caesar elenai." ¹³ Pilate na ethori eamonagi thao, ia na Iesu evai thakwathaiao pe ia ealualio gena veaithori aluali kapunai pe ekapu tharana wara "Pavement," namu Aramaic karonai, "Gabbatha." ¹⁴ Pe egaro wara alamavu garona ega- nikou pene vegapi, eora ethaoveniao wara aulaoioi veainai. Pilate na Jews evailathao, "Igo iatha, eia era gemui Velekamuna!" ¹⁵ Ila geagi gogowai, "Ene thoa ia, ene thoa ia; ene vevagi warega naia!" Pilate na evailathao ila, "Pe thau na gemui Velekamuna ana vagimaea?" Wanai rupu auri kakamurana Pilate evaila- thao, "Thai noai gemai Velekamuna apua namu Caesar mogo." ¹⁶ Pe Pilate natha Iesu eve veniagiao ila geriai pe ila na pige vagi waregara. ¹⁷ Wamulinai ila na Iesu gegapiao, pe ethoaraio, geregana natha satauro evuao, kapuapuna tharana "Repa aniuri kapuna," Aramaic karonai etharawara "Golgotha." ¹⁸ Ila natha Iesu geaurageao e gevagia wanai, pe aunilimalima lualua mage vagi- thao pe mage auragerao wavanaiwavanai, Iesu geaurageao ila ivuaparathai. ¹⁹ Pilate namaina thara apua ealoao pe eva gigoauao Iesu gena satauroai. Ealoao eveaina: IESU IA NAZARETH, IA WA JEWS GERIA VELEKAMUNA. ²⁰ Jews umaria ia- vogo natha ealoalo georuao repana ekapu ariai Iesu geaurageao wara veavivagi city epinai. Ethara wara evealo Aramaic, Latin, e Greek karorai. ²¹ Thaonai Jews rupu veleri kamurana Pilate geva ilathao, "Po ono aloa naveaina, "E Jews geria velekamuna, 'namu eveaina, Eia apuna pe ilaiwa, "Thau era Jews aunili- malimari geria velekamuna.'''" ²² Pilate na eva ilalavu ulethao, "Ragau thauna paloa thauna paloa." ²³ Wanai Roman veali aurana Iesu gev- agiao, ila na gena rapua gegapirao, gewa- rerao imaima veainai, ila auri imaima veai- veainai; gaigona natha rapua eroagiao m- aina mage gapivagi, erapua gevaua wara iagaua. ²⁴ Pe ila mauri gethorikoukouo, "Ia natha egaigo rapuana wara pigana ral- ea iaveairai pigana warea, namu kati etha- kwara thaonai riaina pene vuinia auna na pene vaia." Eve aina ewalao repana ethori- thori wara pene gugulu eveaina neiwao, "Ila natha gewarethao thau geku rapua ila mauri thaorai pe kati pige thakwara geku rapua ulana natha." Veainai eolema veali aurana gealathao. ²⁵ Wanai Iesu gena satauro epinai ger- uao wara inana Mary, ia inana arina vavin- ena, Mary ia wa Clopas garawana, e Mary Magdalene. ²⁶ Thaonai Iesu eaithao ole inana e gena vevaripa(disciple) auna riai ia na eulamagiawai eiao inana elenai, Iesu n- a inana eva ilathao, "Vavine, ono iatha, goi naumu! ²⁷ Mulinai ia gena vevaripa au- na (John) maevailathao, "Ono iatha, goi in- amu!" Waoranai gena vevaripa auna natha Iesu inana evaithoao ia gena alu numanai. ²⁸ Muliwainai, eripao egau mapararia wa evaguguthao pe eilagavu thorina pene gugumaina, Iesu eilaiwao "Thau era pema luvuku." ²⁹ Kwau apuna thaonai mula- mula(wine) vewaina wara geole wanai, pe gevagiao aurana wa mulamula thaonai g- au apuna gemulamulathao gegapiao Iesu murunai guoleao. ³⁰ Waoranai Iesu wa mulamula geva niuao ia thaonai, ia eilaiw- wao, "Eia era pegavuvagi." Ia repana eole aliao pe ia palauna eikao. ³¹ Pe Jews, repana ila geria alamavu ga- rona gaurai, eaunipara pigene mia sataur- oai erapa eneluva wara Sabbath garona (Jews geria garokamuna Sabbath), Pilate gerenagiao gageria pige ao oruria mulinai pige gapi ualeria. ³² Pe waveiama auria (soldiers) nara reparepana auna gagena geo oruao mulinai wau mapua veaina ma- ge alathao. Eila lualua e ge satauro kouria Iesu ila auri. ³³ Iesu elenai gerua avio, ila natha Iesu geiaole thaonai ia iarau ew- aregao, gaurai Iesu gagena noai geao or- uao. ³⁴ Namu, wa Roman auna apua natha auli na Iesu penipenina akwanua, vagana vagi lala e nalu gekewathaiole. ³⁵ Wa auna waolema eiathao eve vauna aunao. Wa auna eripao ragau eiana eilagia wara auna auna gaurai goi maina mapene veva auna auna. ³⁶ Pe egau gewalao wara thori pene g- ugulu pakunai, "Iesu iligana apuavagi pi- gene ala oru." ³⁷ Mave aina, ma thori apua maneinia, "Ila na ia pige iatha riai ila natha pege vatha avara." ³⁸ Egau gewalao mulinai, Joseph ia auni Arimathea, repana ia wara Iesu gena veve- ripa auna apuara (namu oleoai emauliwai repana Jews na pigene ripatha kapurai), ia natha Pilate erenagia Iesu auniparana ma- pere toua. Pilate na evailathao veaina. Pe Joseph na Iesu auniparana etoua ethoa a- giao. ³⁹ Nicodemus maina maethoao, ia ethaokuneo Iesu elenai wapoginai. Ia na Iesu pige rigatha mulamulari irauirau etouthao, voiri no inavuna litras veaina. ⁴⁰ Pe Iesu auniparana gegapiao rapuna geuvu namanamathao mamulamulana, e wara Jews geria warega gealavenirana e geolevenirana veaina geulavunu agiao. ⁴¹ Iesu gevagigoao e gevagiao kapunai wara iula apuna wanai pe wanai wara veo- le kapuna apuna valivuna uma apuatha roai geolea agia. ⁴² Repana e Jews geria alamavu garona emaina garo eo gaurai e eveole kapuna veavinai, ila na Iesu wanai geoleveniao.