¹ Muliwainai Iesu na ethori eilagithao, ia ethoao magena vevaripa auri Kidron g- olona wa avanai, wanai wara uila apunai ila geve thoa waioa ole. ² Waorai Judas, ia pene lewatha, maina maripa wakapu, o- ra iavogo thaorai ila wara wanai gethaow- ai. ³ Pe Judas, na wara Roman veali auri e rupuai vevai auri kakamuria e Pharisees, evaithaorao ma geria erematha gauri e ma veali gauria. ⁴ Pe Iesu, ia eripao wagau mapararia w- anai gewalawai ia elenai, ethao venithao pe erenagithao waila, Riai wara mui na go- avuani?" ⁵ Ila na geva ila iwathao, "Iesu ia Nazareth auna." Iesu na eva ila iwathao, "E thau era." Judas, riai na elewathao Iesu, ia wanai maina eruao wa Roman veali auri thaorai. ⁶ Pe wanai Iesu na eva ilathao, "E thau," ila gethoa lavu ulewaio pe geoalio alimai. ⁷ Pe Iesu na erenagi waithao ila, "Riai wara mui na goavuani?" Ila na mage vaila lavu ulewaiao, "Iesu ia Nazareth auna." ⁸ Iesu na eva ilathao, "Thau na pava ila- mui wara thau aukuera. Pe pene mui na goavukuni thau, veaina igo alaria." ⁹ Eia wa eolema pene gugulu ethori ia na eilagi- a: "E uma riai goi na oveniku elekuai, thau elekuai apuavagi ne lewalewa." ¹⁰ Thaonai Simon Peter, ia elenai wara pau apuna, egapiao rupu auna kamuna a- pua ripana avana egana epai vagiao. E au era vealaveni auna tharana Malchus. ¹¹ Iesu na Peter eva ilathao, "Ono olew- aia napau gena mia avanai. E cup thau na mapa ara nuiagia pene eia Amaku na eve- nikuo thau?" ¹² Pe wanai Roman veali auri e geria k- una e Jews vevai auri vairana Iesu geia th- aoao pe ila na gegapiao gewauao walona. ¹³ Ila natha ia gevaithao kuneao Annas elenai, eau wara rakikamuna egapikuneao warigolo thaorai namu Caiaphas na eraki- kamuna gena agama elenai egapivagiao. ¹⁴ Pe wanai Caiaphas na Jews auri eva ilari wara Iesu geregana ila na pigevagia namu nori wa uma maparari. ¹⁵ Iesu mulinai Simon Peter ethoao, pe ma vevaripa auna apua maethao ila muli- rana. Wanai wara evevaripa auna wa rupu auna kamuna na maeripathao, pe mae th- oao Iesu mulinai rupu auri geria vevakota numana thaonai; ¹⁶ namu Peter waio w anuma avagamana mulinai. Pe Iesu gena vevaripa auna rupu aurana geripathao eve thoaraio pe iao apuna na Peter emaleleag- iawai wa avagama kerunai eve vailao pe e- iao na Peter evevaioathao. ¹⁷ Thaonai eveiama vavinena, avagama thoaoanai, Peter eva ilathao, "Goi maina eau gena vevaripa auna apua?" Namu ia eilaiwao, "Thau noria." ¹⁸ Wanai wara veiama auri e ulavunu auri geruao, pe alo- va gealao iavuiavuai pige alu, repana milu gauavagi gaurai. Peter maina auna wara waila elethai eruao waiavuiavu avanai. ¹⁹ Wa rupu velena aukamuna na Iesu erenagiao gena vevaripa auria e ia gena vevaripa. ²⁰ Iesu na eva ilathao, "Thau na athorithaiao ealimaparai. Thau wara vanagivanagi awapawai airupuali numarai e vearupuri thaorai ariai Jews maparari g- ekoukouwai wanai. Thau na gau waua na ilagi pothopothoa. ²¹ Ragau na goina orenagikuni? Goi na ono renagiri waila ria- irana thau pege amonagiku ragau pava il- ari.Ono iatha, euma pege ripa ragau thau na pailagia." ²² Wanai Iesu na eilagithao ethori, wa ulavunu auna apua eruao wanai Iesu ew- ariao pe evailathao, "Na veaina goi natha erupu velena aukamuna pono vailatha?" ²³ Iesu na evailathao eau, "Pene thau pathori lea pa ravarava, goi na poro vauna aunatha ari thori wara iarava, namu pene thakwathakwanai, ragau natha goina thau powariku?" ²⁴ Mulinai Annas gena uma evailathao Iesu gewauwauao pe gevaitha- oao Caiaphas elenai eia wara Pharisees rupuna geria rupu velena aukamuna. ²⁵ Wanai Simon Peter eruao eiavuiavu wai. Wa uma na gevailathao ia, "Goi maina ia gena vevaripa auna apua?" Ia na ewapa- thao ila, "Thau noria." ²⁶ Rupu veleria geria aukamuna gena ulavunu auna, eau walawalana egana Peter na epaivagia, nei- wao, "Wape thau na goi aiamu Iesu ria wa uila kapuai?" ²⁷ Namu Peter mae wapa waio; pe wamulina gena avanai kokoroku epaio (eagio). ²⁸ Pe wanana ila natha Iesu mage vaiao Caiaphas elenana gethao agiao governm- ent repana lagilagina kapunai. Eora wara pogipogi mogo gena ava-avanai, pe ila wa nori gethoaoao wakapuai ila wara nori pi- ge kepi namu ila wara wa passover nopige gania ulana natha. ²⁹ Pe Pilate evethoa- rai ila elethai pe erenagithao, "Ra galama (kepi) pealatha gaurai mui na pogo gapia eau?" ³⁰ Ila na Pilate gevaila lavu uleao, "Pere eau wara nori alathavathava auna, thai na maina eia mapigara miveni vanagi- a goi elemuai." ³¹ Pilate na gaurai evailathao ila, "Igo gapia maumui elemuiai, pe igo veaithoria mui gemi rova gelegelenai." E Jews na ge- vailathao, "E nori thai gemai rova kapulen- ai no au apua piga ua waregai pene larag- ge." ³² Ila eveaina gethorio repana Iesu gena thori pene gugulu e ia na eilagiao no pene vamagaia rawarega olemana veainai ia pene warega. ³³ Pe Pilate mae thoawaio waio ulavun- u (government) numana thaonai pe Iesu egogoao erenagiao, "Goi Jews geria King?" ³⁴ Iesu neiwao, "Goi othorinia goi gere- gamu, o pa mavairana pege vailavenimu ethau?" ³⁵ Pilate na ia evaila lavu uleao, "Thau era no Jew apua, thau? Gemu uma rawanirana e rupu auri kakamurana goi pege veveniagimu thau elekuai. Ragau goi na poalatha?" ³⁶ Iesu na eva ila lavu ulethao, "Thau g- eku kupa vanuana wara nori ealimaparai. Pere thau na kupa vanuana ealimapara ia atha, pe thau geku ulavunu aurana mage- revevagi vewaio pe thau maigere vevenia- gikuo Jews elethai. Namu evanamona thau na kupa vanuana nori enana peve amai." ³⁷ Pe Pilate na eva ilathao ia, "Pe goi wa king (vele kamu) apua?" Iesu na eva ilatha- o, "Goi oilaiwania wara thau king apuatha. Egau pakunai thau awalao, pe egau ulana natha thau ave amaio ealimapara thanai, pe thau na veva auna auna ami vamagai ao. Aunilimalima mapararia riairi vevauna auna thaonai gemaulinia imla na thau kar- oku geamonagia nia." ³⁸ Pilate na eva ilathao, "Ragau wara a- una auna?" Wa verenagi eilagiao mulinai, ia maeve thoaraiwaio Jews aunilimalimari vilarai pe eva ilathao, "Thau na eau elenai galamana apuatha na rawalia. ³⁹ Namu mui magemui rova wara thau na egalama auna apua pana uthakwaraia mui elemuiai eganigani kamuna pevegapi thaonai. Pe mui goririwani eau Jews geria velekamuna thau na mui ana venimui?" ⁴⁰ Namu ila mage agi gogowai pe negeiwai, "Nori nau, namu Barabbas." Barabbas wara uma ia natha evagirawai.