¹ Iesu na ethori eilagithao muliwainai, ia mana eairage agithao kupaunai neiwao, "Amaku, eora pekwara, onovanamatha goi Naumu veaina maina goi Naumu na pene vanamamu goi- ² veainamo goi na iavu ia ovenia aunipara mapararia thaorana pe waveaina ia na pene veniria emauli vanagi vanagi uma maparari riairi goi na ovenith- ao ia elenai. ³ Eia era mauli vanagivanagi: Thaonai ila na geripamu goi, Palau Velegaua mogo auna aunamu, e ia riai goi na ouaole, Iesu Keriso. ⁴ Thau na ava namamuo goi eal- imaparai. Thau na goi gemu ulavunu ove- nikuo pana alatha gauna ava gavuvagiao. ⁵ Evanamo, Amaku, ono vanamaku thau e goi geregamu thaomuai wavevanama thau elekuai emia goi ila ealimapara thore veala thaonai. ⁶ Thau na tharamu ailagi lovolovoani e- aunilimalima goi na ovenikuo ealimapara thaonai. Ila wara gemu uma, pe goi na ila oveniku, pe gemu thori ila thaorai geolea- nia. ⁷ Evanamo ila riparia wara gau ma- parapararia goi na thau oveniku wara goi elemuna geveami, ⁸ repana thau na goi gemu thori mapararia oveniku wara aveni- thao. Ila na gegapithao e geripao auna au- na thau goi elemuna aveamai, pe ila natha geva auna aunao goi na thau omi urivoku. ⁹ Thau na ila geria aoali alani. Thau na aoalini ealimapara ulana natha namu riairi goi na oveniku, eila wara goi gemu uma. ¹⁰ Egau maparari thau geku wara goi maina gemu gau, pe gemu gau geku gau, pe thau na vevanamari egau tharai. ¹¹ Thau wa nori ealimaparai, namu euma era ealimaparai, pe thau ana veamai elemuiai. Maveamu Amaku, ono vairi tharamuai e goi na ovenikuo pe thaonai ila pige veapu- na, vagelegele ia apunamogo veaina. ¹² Thau wara ila ria thaonai, thau na a- gapiavi thao goi tharamuai, goi na ila war- a ovenikuo. Thau na anakagaurana, pe ap- puvagi noai geva ravatha, namu goimogo naumu geva ravathao, repana goi gemu thori e ririwa pene gugulu. ¹³ Evanamo thau ave aminia goi elemuai, namu thau na egau ailagirana ealimaparai pe thaonai thau geku verele ila na pige mauliagia ma- verelerana ila thaorai. ¹⁴ Thau na aveni thao gemu thori, pe ealimapara aurana g- ekukuthao ila repana ila nori ealimapara gena, vagelegele thau nori ealimapara au- nilimalimaku. ¹⁵ Thau na goi anogimunia nori ono ga- pivagiri ealimaparana, namu no goi na ga- piria ono nakaguaria erava auna elena na. ¹⁶ Ila era nori ealimapara gena, vagele- gele thau wara nori ealimapara gena veai- na. ¹⁷ Ila ono ole gerevagiria veva auna auna thaonai. Gemu thori wa auna auna. ¹⁸ Veaina wara goi na thau ou ukuo eal- imaparai, pe thau na ila authao ealimapar- a thaonai. ¹⁹ Pe ila ularana thau aole g- erevagiku ila elerana, pe thaonai ila mauri maina mapige veole gerevagi auna aunai. ²⁰ Thau aoalini nori egaumogo, namu maina mariairia pige veva auna auna thau thaokuna ila geria thoriai ²¹ pe thaonai ila maparia pige veapuna, no goi veaimu, Amaku, wara thaokuai, emaina thau era goi thaomuai. Ila maina mapige mia ia th- aorai pe thaonai ealimapara mapene veva auna auna wara goi na ou ukuo thau. ²² Enama goi na thau ovenikuo gau na, thau na ila avenithao, pe thaonai ila pige apuna, vagelegele ia era apunamo veaina: ²³ Thau ila thaorai, goi thau thaokuai - pe ila maina pige vekoukou pe ekoukou p- ene vegugulu, pe thaonai ealimapara nat- ha pene ripatha wara goi na ou ukuo thau, emaina wara goi na oulamagithao ila veai- na goi na thau oulamagikuo. ²⁴ Amaku, thau aririwani waila goi na ovenikuo pige alu thau ariai avathai, pe thau geku nama pige iatha, enama goi na ovenikuo thau repana goi na thau oulama- gikuo ealimapara revealatha thaonai. ²⁵ Thakwamuvagi Amaku, ealimapara na neripamu goi, namu thau na aripamuo; pe ila na geripao wara goi natha ou ukuo thau. ²⁶ Thau na goi tharamu avaripari ila elethai, pe thau na mapana veva ripa agimu pe thaonai eulamagi maina thavea- ina goi na oulamagikuo thau gekuai pene mia ila thaorai, pe thau pana mia(alu) ila thaorai."