¹ "Thau na egau availamuio pe thaorai mui pigono eo lavu ule. ² Ila na ige tha- kwa thaimui narupu thaona natha. Namu ora eve aminia thaonai mapararia riai nat- ha mui pige vagimui pige uamagi wara ia wa Palau Velegaua gena ulavunuai eve va avani. ³ Ila natha pige alaria egau repana ila na noai geripathao thau Amaku e thau. ⁴ Thau na ava ilavenimui egau pe ila geria ora pene kwara, mui na pigo uamagi thaoa wara thau na eila ailagithao. Thau natha na vaila venimui egau wa mamanai vagi, repana thau wara mui elemuiai. ⁵ Namu evanamona thau anathao ia riai na thau peu-uku, pe ragau na mui noai go renagikuni, 'Ariai wara goi onothao?' ⁶ Namu repana thau na ailagirana egau mui elemuiai, venuavi natha kutoumui pe- va vonuri. ⁷ Namu auna auna thau nat- ha ava ilamuini, eveaina wara ianama mui pakumuiai wara thau ana thoa pa. Repana pene thau pa-ana thoa pa, Veva-ava Auna pene veamai elemuiai, namu pene thau ana thoa pa, thau na eia pana veua elemui ai. ⁸ Ia wara pene veamai, e Veva-ava Auna na pene varipari ealimapara wara pene u- amagi rava no galama thaonai, mauli tha- kwanaivagi, emaina veaithori thaonai- ⁹ galama thaonai, repana ila noai geve vau- na aunani thau thaokuna; ¹⁰ no thakw- athakwanavagi, repana thau wara athoani thau Amaku elenai, pe mui na mapigono iawaiku; ¹¹ pe veaithori, repana erova velena ealimaparai rauvagi pege aithoria. ¹² Thau elekuai gau iavogo wara pana vailamui, namu natha pigono riparia evan- amona. ¹³ Namu waora ia, Vea Palauna auna aunatha, pene veamai, ia na pene vai mui eauna auna maparana, pe ia wara no- ri pene thori ia geregana thaona na. Nam- u ia na pene thoriria wara ragau ia na ea- monagirana, pe ia na pene vailamui raga- u wara pige veami. ¹⁴ Ia na thau pene vanamaku, repana ia na pene gapiri ragau wara thau geku pe ia na pene ilagiri mui elemuiai. ¹⁵ Thau Amaku gena gau mapararia wa thau geku gau. Gaurai, thau naiwao wara e Palau natha ragau pene gapiri thau geku gau pe ia natha pene vailavenimui. ¹⁶ E ora nori kamukamu thaonai mui na thau pigono ia waiku, namu muliwainai manori raurau mui na maigo iaku." ¹⁷ Pe gena vevaripa auri vairi geve vail- wai, "E ragau ia natha ia eva ilathana, 'Ora nori kamukamu mui na thau pigono iaku namu ora manori thaurau mui natha thau maigo iaku,' namu, 'Repana thau athoania thau Amaku elenai'?" ¹⁸ Gaurai ila negei wai, "Ragau na eveaina ia neinia, 'Ora nori kamukamu'? Ia wara nori riparia ragau ia na eilagiania." ¹⁹ Iesu na ila eiathao wara ila geririwao ia pige renagia, gaurai eva ilathao, "E gau- rai wara geregamui gove renaginia, ragau natha thau nainia, eora nori kamukamu t- haonai mui natha thau no mapigono iaku, namu mamulinai ora nori kamukamu tha- onai mui na thau mapigo iaku'? ²⁰ Auna aunau, auna auna, thau na mui availamui nia, mui pigo agi e lament, namu alimapa- ra pene nama. Mui wara veuga kamuvagi na pigo vonu, namu mui gemui venuavi t- haona na verele pene vemia. ²¹ Veaina vavine apua melo pene vawalatha thaonai gena vivikamuvagi, namu melo eva walani mulinai, evavine na wavivikamu neuamag- inia repana ia wara everelenia ia na emelo peva walatha ealimaparai. ²² Pe mui wa pogo veuga evanamona, namu thau na pana veia waimui, pe thao- mui pige venama, pe uma apua na gemui verele pe ene gapivagi. ²³ Wa garoanai mui na thau pigono renagiku gau uveri ir- au ri. Auna auna, auna auna, thau na mui ava ilamuini, pene mui na ragau veaina pi- go nogia thau Amaku elenai thau tharaku ai, ia na pene venimui. ²⁴ Pene veamai evanamona mui na noai gonogia ragau t- hau tharakuai. Pigo nogi pe mui na pigo rawalia, thaonai gemui verele wara pige gugulu." ²⁵ Thau na availamui egau numera kar- onai, namu eora pekwara thaonai thau na mapa ana thori venimui enumera karonai, namu maole iraunai thau na ana vailavagi- mui thau Amaku olemana. ²⁶ Wagaronai mui igo nogi thau tharak- uai e thau na mui na vailamuini wara thau ana aoali Amaku elenai mui pakumuiai, ²⁷ pe Amaku geregana natha eulamagi- muini repana mui na thau goulamagikuo e repana mui gove vauna aunao thau war- a aveamaio Amaku elenanatha. ²⁸ Thau aveamio Amaku elenanatha, e thau avea- mio ealimapara thaonai. Veainaimai, thau na ealimapara pana kaliwania pe thau wa pana lavu ulewai Amaku elenai." ^{29 30} Evanamona thai pagaripa wara goi ripamu egau mapararia, pe goi uma apua natha verenagi apua pene renagimu. Repana eolema natha, thai na paga vauna aunamu goi poveamai Palau Velegaua el- ena natha." ³¹ Iesu na eva ilathao, "Pe mui pogo veva auna auna evanamona? ³² Igo iatha, ora eve aminia, unamu, pe era peve ami, thaonai mui igo ulelovolovo, maparamui igo thoa gemui numai, pe igo kaliwaniku geregaku. Namu thau nori ger- egaku repana Amaku aunaera thau eleku- ai. ³³ Thau na ailagithao eragau mui el- emuiai pe thaonai mui na maino pigo vaia thau thaokuna. Ealimaparai mui magemui kepi, namu pigo vaigaua, thau na ava na- mathao ealimapara."